ყველას ჭკუა არ ვასწავლოთ
ვიცხოვროთ, არა მასწავლებლის, არამედ - მოსწავლის ცხოვრებით.
არ ვიყოთ ყველასთვის დამრიგებელი.
შევთავაზოთ, ვურჩიოთ, როცა ჩვენგან რჩევა უნდათ. მაგრამ როცა არ უნდათ - გავჩუმდეთ.
გავერიდოთ იმ გარემოს, სადაც არ მიიღებენ ჩვენგან რჩევას, დარიგებას, იმიტომ, რომ ფუჭად დავკარგავთ ენერგიას
მოსწავლის გზა
რაც არ უნდა დიდხანს ვიცხოვროთ, მაინც ვერ ვიტყვით, რომ ჩვენ უკვე შევიმეცნეთ ცხოვრება.
ამრიგად, ყველაზე კარგი გზა ცხოვრებაში - მოსწავლის გზაა.
ყოველთვის მოსწავლე ვიყოთ და ვსწავლობდეთ.
რას ვსწავლობდეთ?
ყველაფერს, რაც არ ვიცით, რასაც ვერ ვაკეთებთ. რისთვისაც ჯერ არ მიგვიღწევია. მივაღწიოთ. დავეუფლოთ.
თანაც, ამ სწავლაში ჩვენს ძალებსაც დავინახავთ, თურმე რამდენი შეგვძლებია. თურმე ღმერთსაც ცოტათი მივუახლოვდით. მისი ძალები გადმოგვეცა
არი დაიხსომო რომ გაეცი, არც დააყვედრო!
არ დაიხსომო რომ გაეცი, არც დააყვედრო - გახსოვს, მე შენ რა გაგიკეთეო - ეს აღარ არის გასიკეთე.
გაცემა და არას შური, ჩუქებისა არ მოწყენა.
რუსთაველის ანდერძია ეს
გაეცი და მიიღებ!
არსებობს სამყაროს კანონი:
ღებულობს ის, ვინც გასცემს.
ღებულობს იმდენს, და ცოტა მეტს, რამდენსაც გასცემს.
რად გვინდა ძალიან ბევრი?
იმდენი მოგვეცემა, რამდენიც ჩვენ ცხოვრებას გაალამაზებს.
გაეცი და მიიღებ!
გაეცი ღიმილი, დახმარება, სითბო, თავშესაფარი, თანაგრძნობა, სიყვარული გაეცი!
რაც გაქვს, ის გაეცი!
უნდა სრულვყოთ საკუთარი თავი, ისე, რომ ჩვენ ღმერთის საჩუქარი გავხდეთ.
გაიხადეთ სული ღმერთის საჩუქრად!
ჩემო სიხარულო
ბებიებმა იციან ხოლმე - "ჩემო სიხარულო" - ბავშვებს ეფერებიან.
ასე მოეფერეთ "ჩემო სიხარულო" სხვასაც
იცით როგორ უნდა ვიცხოვროთ?
რომ ჩვენი ყოფა ჩვენმა ახლობლებმა ღვთის წყალობად მიიღონ - რა კარგია, რომ შენ ჩვენთან ხარო. რამდენი მადლი, სიკეთე და სიხარული მოგაქვსო
უნდა ჩამოვიცილოთ ყველაფერი, რაც გვირთულებს ადამიანებთან ურთიერთობას, რაც ხელს გვიშლის, რომ ჩვენი ყოფა ახლობლებისთვის, გარშემომყოფებისთვის სასიხარულო გავხადოთ
შალვა ამონაშვილი
დაიხსომე ეს! ჩაიდე გულში
დაიხსომე ეს!
ჩაიდე გულში, რომ
უნდა გახდე გამოჩენილი, დიდსულოვანი და კეთილშობილი
ჩვენ უნდა გავხდეთ ღირსეული ადამიანი!
ნათქვამია “შენ ადამიანად დაიბადე, მაგრამ ადამიანი უნდა გახდეო"
გაადამიანურება მთელი ცხოვრება გვჭირდება ჩვენ
მივმართოთ ჩვენი აზრი, ძალები შემოქმედებისკენ
მივმართოთ ჩვენი აზრი, ჩვენი ძალები შემოქმედებისკენ.
მაგრამ, რა შევქმნათ?
პირველ რიგში იცით რა? - შევქმნათ საკუთარი თავი!
საკუთარი თავი უნდა ავაშენოთ, ვიდრე სახლს ავაშენებთ!
მხოლოდ ჩვენ - ადამიანებს - გვაქვს ნიჭი შემოქმედებისა.
მხოლოდ ჩვენ შეგვიძლია შევქმნათ ახალი, გავალამაზოთ ცხოვრება. ამ ნიჭს შემოქმედება ჰქვია და ეს არის უფლის ძალა ჩვენში
გაიმეორეთ გულში ეს: "მე ვღებულობ ბედნიერი ცხოვრების კანონს - ვიცხოვროთ სიყვარულში"
ასეც მოვიქცევი - ვიცხოვრებ სიყვარულში
დიახაც!
მთელი წელიწადი - 365 დღე და მერეც, ვიცხოვრებ სიყვარულში!
გამოვცდი ჩემ თავს სიყვარულში!
მიყვარს, როცა ცხოვრებაში გზასაცდენილს სიყვარულით ვმკურნალობ.
სიყვარულით უმკურნალეთ ყველას, და თქვენც ასევე გიმკურნალებენ, თუ საჭირო იქნება
თუ სიყვარულს ავანთებთ გულებში...
უცხო იყოს ჩვენთვის:
სიძულვილი და ბოროტება,
შური და შურისძიება,
გაღიზიანება და განკითხვა,
ჭორაობა და ლაყბობა.
ეს არ არის ჩვენი საქმე.
ეს ყველაფერი სიყვარულს დაგვინგრევს.
თუ სიყვარული გაგვინელდება, ბედნიერებაც გაგვექცევა.
თუ სიყვარულს ავანთებთ გულებში, ბედნიერება არ მიგვატოვებს.
ანთებული სიყვარული ბედნიერებას ადნობს ჩვენ გულებში!
ეს არის სიყვარული!
უნდა მოვიკლოთ, რომ გაჭირვებულს შევეშველოთ.
აი ასეთია სიყვარული.
იტყვიან ხოლმე - ლუკმა პური გამოიღო და სხვას გაუწოდაო - ეს არის სიყვარული!
დაეხმარეთ ერთმანეთს მარტოობაში.
ვინც მარტოობას გრძნობს თქვენ შორის, იპოვოს ასეთივე მარტოობაში მყოფი და მას შეუქმნას გარემო, რომ მარტო აღარ იყოს. მაშინ, თქვენც დაგავიწყდებათ თქვენი მარტოობა
დაეხმარეთ ერთმანეთს შვილების აღზრდაში. ადამიანებს გვიჭირს შვილების აღზრდა. შევეშველოთ ერთმანეთს სიტყვით, საქმით, დაცვით...
შალვა ამონაშვილი
გიხაროდეთ
სიხარული ატარეთ ყოველთვის.
დარდი ძალებს წაგართმევთ, სიხარული ძალებს შეგმატებთ, რომელი ჯობია ცხოვრებისთვის?
ამიტომ, გიხაროდეთ:
რომ გაიღვიძეთ,
რომ ვიღაცა დაინახეთ,
რომ ჩიტის ხმა მოგესმათ,
თუნდაც რომ შვილმა, შვილიშვილმა გაგაბრაზათ,
ქმარმა რომ დაიგვიანა, ესაც გიხაროდეთ, ბოლოს ხომ დაბრუნდა სახლში.
გიხაროდეთ ყველაფერი!
ეცადეთ, სიხარული დაინახოთ იქაც, სადაც თითქოსდა არაფერია სასიხარულო, იმიტომ, რომ ყოველთვის, ყველგან რაღაცაა სასიხარულო
გაიღიმეთ 😊
სიყვარული საქმეთა გარეშე ფუჭია. ამიტომ, საქმით დავამტკიცოთ ჩვენი სიყვარული. უხვად გავცეთ ჩვენი სულიერი განძი - ღიმილი.
გაიღიმეთ 😊 გიხდებათ ღიმილი
ღმერთმა ჩვენი მშვენიერებისთვის გვაჩუქა ღიმილი ადამიანებს
ჯობია დავიწვათ სიყვარულში
არ გავანელოთ ჩვენ გულებში სიყვარული.
პირიქით, უნდა ავაგუგუნოთ!
ვიყოთ სიყვარულით სავსენი!
ვიყოთ სიყვარულში გულუხვნი და სულგრძელნი!
ჯობია დავიწვათ სიყვარულში, ვიდრე ვიყინებოდეთ სიყვარულის გარეშე!
ასე შევმატოთ სიყვარულს სიმშვენიერე
მოვლა უნდა სიყვარულს, როგორც ქოთანში ყვავილს.
ვეფეროთ სიყვარულს.
შევმატოთ ჩვენ სიყვარულს სიმშვენიერე: სახის გამომეტყველებით,
ხმით,
ხელების მოძრაობით,
მოთმინებით,
დათმობით,
ალერსით,..
გავამშვენიეროთ ჩვენი სიყვარული
Wisdom
