ციტატები, მოკლე გამონათქვამები

ერთი რაღაცით არ გაგვიმართლა, რომ დიდი ქვეყანა არ ვართ. დიდი ენა გვაქვს, მაგრამ, არ არის მსოფლიო ენა.

შენ ისეთი კონცეფცია უნდა შექმნა, რომ შენთვისაც და შენი ახლობლებისთვისაც ცხოვრება გახადო უკეთესი

სკოლა მასწავლებელშია

ჯერ მასწავლებელი ვინ არის, და მერე დანარჩენი ვიკითხოთ.
შენობები არაა სკოლა.
სკოლა მასწავლებელშია

ადამიანზე დიდი არსება სამყაროში არ არსებობს. ღმერთი, და მორჩა!
ჩვენც მოგვიწოდებს, განღმრთობისკენ.

"მე ის ვიცი, რომ არაფერი არ ვიცი" - თუ ამ მცნებით ვიქნები, მე მუდამ ვეძებ ცოდნას ყველაში და ყველაფერში!

სიკეთის კეთების მიზეზი

მე სიკეთეს გავცემ და ვეხმარები, არა იმიტომ, რომ მას რაღაც არ შეუძლია, არამედ იმიტომ, რომ მე შემიძლია.

ბავშვის აღზრდის ჭეშმარიტება (ახლა არ გაგიკვირდეთ როგორც ეს დამთავრდება) საკუთარი თავის აღზრდაშია

გვწამდეს ჩვენი ახლობლებისა.
ქმრისა გვწამდეს, ცოლის, შვილების, მეგობრების. ვიზრუნოთ ყველა მათგანზე

ყველაზე ძნელი აზროვნების შეცვლაა.
კახეთში ჯიუტ კაცზე ამბობენ, ვირზე შეჯდა და გადმოსვლა აღარ უნდაო

თუ სულ უარყოფით ამბებს უსმენ

უარყოფითი ამბებით გაჯერებული ტვინი ამას ეჩვევა და შემდეგ ისევ უარყოფით ამბებს იზიდავს დამატებით.

ბავშვი რამდენ წიგნსაც წაიკითხავს, იმდენი გმირით მეტია თვითონ. და თან ახლავს შემდგომ მთელი ცხოვრება.

ღმერთმა ადამიანი ოჯახად შექმნა, არა მარტო, არამედ ოჯახად, რაც ოჯახის მაღალ ღირებულებაზე მეტყველებს.

თუ რამეს ვერ ვაკეთებ, ე.ი. ძალიან არ მინდა!
როცა ძალიან მინდა, მე ვიცი რისი გამკეთებელიც ვარ, გავაკეთებ!

უნდა სრულვყოთ საკუთარი თავი, ისე, რომ ჩვენ ღმერთის საჩუქარი გავხდეთ.
გაიხადეთ სული ღმერთის საჩუქრად!

თუ ვინმემ შენთან შესცოდა...

თუ ვინმემ შენთან შესცოდა, მიუტევე. მიუტევე ღიმილით, კეთილად, არ ჩაირჩინო გულში.
აი ეს არის თვითაღზრდა!

ვისაც ადამიანი სძულს, ღმერთი არ უყვარს. თუ ადამიანს პატივს არ სცემ, ე.ი. იმ წამს პატივს არ სცემ ღმერთსაც

როდის ჩქეფს ცხოვრება? - როდესაც ძალიან რთული საქმეები გაქვს და ყოველდღე სწავლობ, მაშინ ჩქეფს ცხოვრება!

როგორ უნდა ისწავლოს ბავშვმა "მადლობა" ან "ბოდიში"?

როგორ უნდა ისწავლოს ბავშვმა "მადლობა" ან "ბოდიში", თუ მშობელი არასდროს არც ბოდიშს უხდის და არც მადლობას?

არსებობს რაღაც მინიმუმი ფუნდამენტური უნარ-ჩვევები, რომელსაც ბუნება თავისით არ გჩუქნის, უნდა ისწავლო.

მიზანი არ შეიძლება იყოს მწვერვალზე მოხვედრა. მიზანი შეიძლება იყოს მწვერვალამდე ასასვლელი გზის გავლა

თუ კაცი კეთილ საქმეს ემსახურება ...

თუ კაცი კეთილ საქმეს ემსახურება, საერთო კეთილდღეობას თუ ემსახურება, მას მიეცემა. რაღაც გზებით მიეცემა!

ყველაფერი თქვენს ხელთაა.
არავის არაფერზე არ ეწუწუნოთ.
თქვენს ხელთაა თქვენი ბედი და თქვენი სიყვარულიც

ჩვენი ტვინი ყოველთვის გვაფიქრებს ან წარსულზე, ან მომავალზე. ჩვენ ვერ ვფიქრობთ ხოლმე - ახლა, ამ მომენტზე.

რომ არა ჩვენი სასულიერო პირები და განსაკუთრებით - ჩვენი უწმინდესი და უნეტარესი, არ გამოვიდოდა არაფერი.