ციტატები, მოკლე გამონათქვამები

"ეხლა გიყვარდეს"

სიყვარულის გადადება არ შეიძლება. თუ გიყვარს, ეხლა გიყვარდეს. ხვალ მოვეფერები და ხვალ ვაკოცებო - არ შეიძლება

მაგალითის ძალას წინ არაფერი არ უდგას. სიტყვით რამდენიც არ უნდა უთხრა, ერთი გაკეთებული საქმე 10 სიტყვას ჯობია

ვისი გჯერა? | სხვისთვის სარგებლის მოტანა

მჯერა ადამიანების, რომლებიც მიხვდნენ, რომ მათი დანიშნულება არის სხვისთვის რაღაცა ფორმის სარგებლის მოტანა

ჭეშმარიტი აღზრდა საკუთარი თავის აღზრდით იწყება. გინდა, შვილი აღზარდო? - აღზარდე საკუთარი თავი შვილთან ერთად

საკმარისი არაა, რომ საინტერესო თემა შესთავაზო ადამიანებს, აუცილებელია ამ თემაზე საინტერესოდაც თქვა რაღაცა

უფრო ხშირად გაიღიმეთ 😁

უფრო ხშირად გაიღიმეთ. გაუღიმეთ ერთმანეთს, რადგანაც თბილისს ყოველი ჩვენგანის ღიმილი დღეს ძალიან ესაჭიროება

რა არის სიკეთე?

სიკეთე ის კი არ არის, სხვას რომ გაუკეთებ,.. აი შენ რომ დაიმახსოვრებ, სხვამ რა სიკეთე გაგიკეთა - აი ეს არის სიკეთე

შრომა ჩვენი ნიჭის სალესია. სადაც ეს სალესი არა გვაქვს, ათასი ნიჭიც რომ გვქონდეს, არაფერი გამოვა. ნიჭი ჩახმება

ადამიანი ბედნიერებისთვის იბადება ამქვეყნად და არა - უბედურებისთვის. სიხარულისთვის, და არა - მწუხარებისათვის

ადამიანი არის იძულება. თუ შენ სოციუმის ნაწილად ყოფნა გინდა, "რაც არა გწადდეს იგი ჰქმენ, ნუ სდევ წადილთა ნებასა".

ადამიანი თუ ქონების დაგროვებაზეა გადართული, მისთვის ეს ცხოვრება, რომელიც ისედაც ხანმოკლეა, უფერულად ჩაივლის

მარადიულობის სიმართლე სულის მშვენიერებაშია.
რაც უფრო გაამშვენიერებთ სულს, მით უფრო მარადიულობას ეზიარებით!

თუ რაღაც შეგემთხვათ ცუდი, არ ეცადოთ, სხვას მიაბრალოთ

თუ რაღაც შეგემთხვათ ცუდი (ღმერთმა ნუ ქნას), იმწამსვე იფიქრეთ, რა ჰქონდა ამას მიზეზად. არ ეცადოთ, სხვას მიაბრალოთ

როგორი ფერუმარილიც არ უნდა წაისვა და როგორი ლამაზი ფრჩხილებიც არ უნდა გქონდეს, სული თუ გაქვს ცუდი, არ ვარგიხარ

როგორც კი მოთმინება ოდნავ გაიწევს გვერდზე, მაშინ გაღიზიანებული ხართ. სადაც მოთმინება არ არის, იქ გაღიზიანებაა

ქვეყანას რაც წაადგება ...

ქვეყანას რაც წაადგება, იმაზე უნდა იფიქრო! რა არის ახლა ეს ჯიბრი? ფეხბურთს ხომ ვთამაშობთ? გუნდურობა გამოვიჩინოთ!

სკოლაში, ნებისმიერი სახის რეფორმა მხოლოდ მაშინ არის კარგი, თუ აუმჯობესებს და ხალისიანს ხდის ბავშვის ცხოვრებას

სიყვარულის მოვალეობა

არსებობს სიყვარულის მოვალეობა და არსებობს მოვალეობის სიყვარული. გთხოვთ, რომ არცერთი არ დაგავიწყდეთ, არასდროს.

ადამიანი უკვდავი არსებაა. ადამიანის სული უკვდავია. თუნდაც რელიგია არ ყოფილიყო, მე ეს რწმენა მაინც გამიჩნდებოდა

აღზრდა გადაზრდილი თვითაღზრდაში

კარგი აღზრდა ოჯახში ორი რამით ხდება:
1. მშობლების კვალი უნდა იყოს ნათელი
2. აღზრდა უნდა გადაიზარდოს თვითაღზრდაში

მინდა გისურვოთ, რომ გამარჯვებულები იყოთ ყოველ დღეზე.
დღე თქვენი ძროხა ყოფილიყოს, რომელიც ძალიან უხვად იწველება

აზრი ყველაფრის საწყისი ენერგიაა, მაგრამ სიყვარული ყველაფრის შემოქმედი ენერგიაა. ეს ორი ერთად აშენებს ქვეყანას

"ბედნიერი კაცი ხართ"

ბედნიერება ის არის, რასაც შენი ხელით ქმნი, რაც არავის ხელს არ შეუშლის და სხვასაც მოუტანს სიხარულსა და წარმატებას

კეთილი იყავი, მოყვარული იყავი, შენი კი არ ეძებო, სხვის სასიკეთოდ იღვაწე და შენ იმდენი მოგეცემა, რამდენიც გჭირდება