ციტატები, გამონათქვამები

თქვენი თავი აღზარდეთ და შვილები დაგემსგავსებიან

ბავშვებზე ხომ ამბობენ, შვილები კი არ უნდა აღზარდოთ, თქვენი თავი აღზარდეთ და შვილები თქვენ დაგემსგავსებიანო.

რატომ უჭირავს ჩემს შვილს ხელში გაჯეტი სულო? -დადე შენ, დაიჭირე წიგნი და ისიც დაიჭერსო.

წიგნი რომ არ იკითხოს ბავშვმა ...

წიგნების კითხვა დაივიწყეს ბავშვებმა, იმიტომ, რომ სხვა, უფრო საინტერესო წყაროებია შემეცნებისა, ინტერნეტის ჩათვლით. მაგრამ, წიგნი რომ არ იკითხოს ბავშვმა, დაიკარგება ცხოვრებაში. ელექტრონულ წიგნს წაიკითხავს, თუ - ფიზიკურს, ეს სხვა საკითხია, მაგრამ, ბავშვმა აუცილებლად უნდა იკითხოს წიგნი.

შვილი არ მეძახის დედას

შვილი თუ სახელით მოგმართავს, ეგ არ არის საშიში, მაგან არ შეგაშინოთ.

მასწავლებელი იმ ერთი ბავშვისთვის

მასწავლებელი გაჩენილია ერთი ბავშვისთვის, ის ერთი ბავშვი რაღაცა დროს მოვა მასთან, მის ხელში გაივლის ათობით, ასობით მოსწავლე, მაგრამ ის ერთი ბავშვი ერთადერთია, რომელსაც სწორედ ეს მასწავლებელი სჭირდება. რაღაცა დროს მოვა ეს ბავშვი შენთან. მაგრამ შენ არ იცი, როდის მოვა და ვინ იქნება. ამრიგად, ჩემს წინაშე რა ამოცანა დგება? - ვინც არ უნდა მეჯდეს წინ, ყველა ის ერთია ჩემთვის!

სიჩუმის სიკეთეები

სიჩუმეს კიდევ ორი ძვირფასი თვისება აქვს. პირველ შემთხვევაში არაფერს არ ვფიქრობ, თვითონ მოვა რაღაცა. მეორე შემთხვევაში, იდეას ჩავიფიქრებ, რაღაც მინდა გავაკეთო და შემეშველეთ, როგორ გავაკეთო მე ეს? იმიტო, რომ უხილავი მშველელები არიან, ჩაგაგონებენ ანგელოზები. იდეას ამუშავებ და ეს იდეა ტრიალებს, როგორც ბურთი და ყველა მხრიდან გაჩვენებენ ამ იდეას და ღრმავდები ამ იდეაში.

თუ კაცი კეთილ საქმეს ემსახურება ...

თუ კაცი კეთილ საქმეს ემსახურება, საერთო კეთილდღეობას თუ ემსახურება, მას მიეცემა. რაღაც გზებით მიეცემა!

ქვეყანას რაც წაადგება ...

ქვეყანას რაც წაადგება, იმაზე უნდა იფიქრო! რა არის ახლა ეს ჯიბრი? ფეხბურთს ხომ ვთამაშობთ? გუნდურობა გამოვიჩინოთ!

სხვის შვილმა რა დააშავა?

შენს პატარა შვილს რომ აიტაცებ ხოლმე ხელში და გიხარია, სხვა მშობლებმა ან სხვების შვილებმა რა დააშავეს? ამაზე ფიქრი არის საჭირო!

რუსს არ უნდა რომ გაიგოს!

არ იცის რუსმა, რომ შენი სამშობლო არის შენი და ეს არის ჩემი! არ უნდა, რომ გაიგოს და რა ვქნა?

ცოდნის მიღება უფრო მნიშვნელოვანია თუ გაზიარება? - თუ გავითვალისწინებთ, რომ "რასაცა გასცემ შენია", მაშინ ორივე თანაბრად მნიშვნელოვანია.

ქრისტეს ორი ბუნება

იესო ქრისტეს ორი ბუნება ჰქონდა, სრული ღვთაებრივი და სრული ადამიანური ბუნება.

აგრესიის მართვა

აგრესია ხანდახან კარგი ინსტრუმენტიც არის, თუკი მანკიერება უნდა დაამსხვრიო

ტკივილში და სიყვარულში შეშველება

ორივეს მიზანია სიამოვნება მიანიჭოს ხალხს, რომ როგორმე ან ტკივილში შეეშველოს ან სიყვარულში, ორივეში შეშველება გვინდა, არც ერთია სასიამოვნო, როცა მეტია, და არც მეორე.

სოციალისტურ-კაპიტალისტური კომბინირებული სისტემა

ადამიანმა უნდა გააკეთოს რაც შეუძლია და უნდა მიიღოს რაც საჭიროა.

არჩევანი და პასუხისმგებლობა

სადაც გვაქვს არჩევანი ალტერნატივებს შორის, იქ პასუხისმგებლობა დგება. თუ მე ვიხსნი ამ პასუხისმგებლობა, ესეც ჩემი არჩევანია.

განვითარდი და გამრავლდით!

გითხრა ორი რაღაც ბუნებამ: განვითარდი და გამრავლდი! გადაუხვევ ამ გზას? შენი აჯობებს... ვერ აჯობებს! და ჩვენ რაღაცებს ვიგონებთ, ვხოცავთე რთმანეთს. ერთმანეთთან აგრესიულები ვართ!

ჩაქუჩიანი მამაკაცი

გერონტი ქიქოძე, რომელსაც გენიალური წერილი აქვს დაწერილი: „ჩაქუჩიანი მამაკაცი.“ სულ მეომარ ქართველებზე ვლაპარაკობთო ჩვენ და მშენებელ, შემოქმედ ქართველებს იშვიათს ვახსენებთო

წარსულში, აწმყოში და მომავალში ცხოვრება

ის, ვინც წარსულში ცხოვრობს, არის სასოწარკვეთილი. ის, ვინც მომავალში ცხოვრობს, არის შფოთიანი. ის, ვინც აწმყოში ცხოვრობს, არის მშვიდობით და ჰარმონიულად.

ბოლო დღე

ყველამ უნდა ვიცხოვროთ, თითქოს ბოლო დღე იყოს! საქმე არ გადავდოთ!

სიკეთე და თავმომწონეობა

სიკეთე ისე ჩვეულებრივ უნდა იყოს ადამიანში, რომ არ უნდა იყოს თავმოწონების საგანი.

მილიონი რომ მომცე არ ვიზამ!

მე ჩემი ყანა და ვენახი მაქვს, არასოდეს არ მინდა დამოკიდებული ვინმეზე ვიყო. შენ უნდა გქონდეს შენი ლუკმა, შენ ვერაფერს მათქმევინებ თუ არ მინდა, იმიტომ, რომ მილიონი რომ მომცე არ ვიზამ და!

რა თვისებებს აფასებთ?

რა თვისებებს აფასებთ ადამიანში ყველაზე მეტად? - პატიოსნებას, სიტყვის გაუტეხაობას, ერთგულებას!

ძირს იარაღი! აი ეს არის დღეს მთავარი ლოზუნგი!

მომავალ შეხვედრამდე

მე ყოველთვის დიდ სიამოვნებას მანიჭებს მაყურებელთან შეხვედრა, და ყოველთვის ვცდილობ, რომ არც ის დარჩეს უკმაყოფილო