ციტატები, ვიდეო ამონარიდები

გაუძელით!

გაუძელით ყველაფერს რაც თქვენს თავს დაგადგებათ, იმიტომ რომ, ნათქვამია: არავინ არის შენი მტერი, არავინ არის შენი მეგობარი, ყველა შენი მასწავლებელია.

თუ მიიღებ ყველაფერს: ავადმყოფობასაც, ფეხის წამოკვრასაც ქვაზე, ვიღაცამ, რომ მიგატოვა და გიღალატა რაღაცაში… თუ მიიღებ ყველაფერ ამას, როგორც გამოცდას შენი სულისას, მაშასადამე ამაღლდი, უფრო ძლიერი ხარ მერე. და თუ ვერ მიიღე, მაშინ იმასაც დაკარგავ რაც გქონდა.

როგორ მოვიქცეთ?! - ჩემი გამოცდილებით ასეა, დავხვდეთ როგორც ქვა ყველა სეტყვას, ქვა სეტყვაზე მაგარია, სეტყვა დაგვემსხვრევა ზედ და ამის შემდეგ უფრო სუფთა დავრჩებით, სეტყვა რომ დაგვადნება ზედ, გაგვასუფთავებს, უფრო სუფთა გამოვდივართ ცხოვრებაში.

თუ გინდა, რომ შორს წახვიდე

წინა კაცი უკანასი, ხიდიაო - ნათქვამია. ჩვენ ხანდახან გვეფიქრება, რომ ჩვენით უნდა მივაღწიოთ რაღაცას, თუმცა, ეგრე არ არის. ჩვენ გვჭირდება ადამიანები. თუ წვალება გვინდა, ალბათ მარტომ უნდა ვიწვალოთ. გამოთქმაც არის - "თუ გინდა, რომ სწრაფად იარო, მარტო წადი, და თუ გინდა, რომ შორს წახვიდე, ხალხთან ერთად იარეო". ჩვენი მიზნების მიღწევა შორს წასვლაა, რა თქმა უნდა.

თუ კაცი კეთილ საქმეს ემსახურება ...

თუ კაცი კეთილ საქმეს ემსახურება, საერთო კეთილდღეობას თუ ემსახურება, მას მიეცემა. რაღაც გზებით მიეცემა!

მთავარია, რომ კაცმა ბედნიერება დაინახოს. თუ ბედნიერება არ დაინახე, მაშინ ყველაფერში უბედურება შეიძლება შეიგრძნო