ციტატები, ვიდეო ამონარიდები

როცა მიზნად ისახავ რაღაცას, თუ იმ მიზანს ათიანში ვერ მოარტყამ, ცხრიანში მაინც მიხვალ, რვიანში მიხვალ და ესეც გამარჯვება იქნება

არასოდეს არ მოუყვეთ ბავშვებს გაკვეთილი, ერთად ეძიეთ. თქვენც ვითომდა გეშლებათ, ვითომდა დაიბენით, ვითომდა არ გაგახსენდათ... ვითომდა! ესეც მეთოდებია

შენ თავს ხომ უნდა არგო პირველ რიგში

შენ თუ არ ჩამოიყალიბე გემოვნება ჭეშმარიტების მიმართ, რაც ყოველდღიური მუშაობის შედეგად უნდა შეიქმნა საკუთარი თავისთვის ("აბა მე დღეს ვის რა ვარგე" - შენ თავს ხომ უნდა არგო პირველ რიგში), ამ მუშაობაში თუ არ ხარ ყოველდღიურად, უცებ აღმოაჩენ, რომ გძულს და დევნი ჭეშმარიტებას.

განათლებას და ცოდნას შორის განსხვავება

2 ტერმინი მინდა გავარჩიო ერთმანერთისაგან, ესაა ერუდიცია და განათლება. ერუდირებული განათლებულს არ ნიშნავს, იმ დროს როცა განათლებული ერუდირებულიც შეიძლება იყოს და არაფერია ამაში უცხო, და მთელი ეკლესიის ისტორია ამაზე დგას.

დღეს ჩვენ ვცდილობთ მომავალ თაობას ბევრი ენა ვასწავლოთ, რაც ძალიან კარგია, კარგი პროფესიონალები გავზარდოთ, რაც ძალიან კარგია, ყველაფერი ეს კარგია, მაგრამ ამის მიღმა ჩვენ ხომ ადამიანი უნდა გავზარდოთ, ის ენა ხომ ადამიანმა უნდა იცოდეს, იმ პროფესიას ხო ადამიანი უნდა ფლობდეს. ადამიანების გაზრდისთვისაც დრო უნდა დავიტოვოთ.

როდესაც ერუდიციაზე გვაქ საუბარი, ერუდიცია არ მიმიყვანს მე იქამდე, ვერ გამაკეთებინებს ისეთს, რასაც განათლება. განათლებაში დევს რაღაცა მეტი ვიდრე ცოდნა, განათლებაში დევს სამოღვაწეო ასპარეზი. სადაც ცოდნა საშვალებაა, ცოდნა ასე ვთქვათ ინსტრუმეტია, რაღაცა დიდის მისაღწევად.