ციტატები, გამონათქვამები

უიმედოდ სიყვარული არ ვითარდება

თუ სადმე იმედი გადაგიწყდა, იქ სიყვარულიც შეგიწყდა. უიმედოდ სიყვარული არ ვითარდება, იმიტომ, რომ მომავალი არ აქვს. იმედი რა არის? - მომავლის გასაღებია. იმედი ახლა კი არა, ხვალ უნდა შედგეს, ან ერთი წლის შემდეგ. შეიძლება უფრო გვიანაც. მაგრამ, იმედი რომ გაქვს, ეს დღეს გაცოცხლებს და სიხარულიც მოდის. ხომ დადგება ეს დღე? ჯერ არ დამდგარა, მაგრამ მე უკვე მიხარია, რომ ეს დღე დადგება! მაშასადამე, ბედნიერი ვარ სულ

როგორც კი მოთმინება ოდნავ გაიწევს გვერდზე, მაშინ გაღიზიანებული ხართ. სადაც მოთმინება არ არის, იქ გაღიზიანებაა

სიმშვიდე მოდის მხოლოდ გაღიზიანების მოსპობის შემდეგ

ოჯახში იცით დათმობა?

დაუთმე!
დაუთმე დედამთილს,
დაუთმე რძალს,
დაუთმე ქმარს,
დაუთმე ცოლს,
დაუთმე, თუ ცა არ ინგრევა - დაუთმე!
და თუ ცა ინგრევა, მაშინ, ტიტანივით უნდა დადგე და დაიჭირო ცა, ეგ სხვა ამბავია. თუ არ გადატრიალდება ქვეყანა და ტრაგედიები არ მოჰყვება ამას, დაუთმე!
იტყვიან ხოლმე, ვირზე შეჯდა კაციო.
არ არის პრინციპების დრო. "პრინციპულად არ დავუთმობ" - რას ქვია არ დაუთმობ, პრინციპულად თუ არ დაუთმობ, პრინციპულად უბედურება მოგადგება!
როგორ გვიჭირს ეს დათმობები, არადა, ბედნიერები გვინდა ვიყოთ. ერთმანეთი გვინდა გვიყვარდეს ძალიან, დათმობები კი გვიჭირს

სიყვარულს ზრუნვა, მოვლა, ამოზრდა უნდა

სიყვარულს მოვლა უნდა. სიყვარულის ამოზრდა შესაძლებელია. 50 წელი ვიცხოვრე მეუღლესთან ერთად ბედნიერად. რას ვაკეთებდით? - სიყვარულს ვზრდიდით. ხელოვნურად ვზრდიდით - კონფლიქტებისგან გავრბოდით, კონფლიქტებს არ ვაზვიადებდით. ერთმანეთს ვუთმობდით. "იყოს როგორც შენ გინდა" - ვეუბნებოდით ერთმანეთს და ასე გამოგვივიდა სიამტკბილობა

ოჯახების ნგრევის მთავარი მიზეზი

საქართველოში რამდენიც ქორწინებაა, იმის ნახევარი იშლება. რატომ ხდება ეს? იმიტომ, რომ სიყვარულს ვერ უვლიან. სიყვარულს მოვლა უნდა. სიყვარულის ამოზრდა შესაძლებელია. 50 წელი ვიცხოვრე მეუღლესთან ერთად ბედნიერად. რას ვაკეთებდით? - სიყვარულს ვზრდიდით. ხელოვნურად ვზრდიდით - კონფლიქტებისგან გავრბოდით, კონფლიქტებს არ ვაზვიადებდით. ერთმანეთს ვუთმობდით. "იყოს როგორც შენ გინდა" - ვეუბნებოდით ერთმანეთს და ასე გამოგვივიდა სიამტკბილობა

აზრი - ყველაფრის საწყისი ენერგიაა, სიყვარული - შემოქმედებითი ძალაა. სიყვარული და აზრი. ეს ორი აშენებს სამყაროს და ჩვენს ცხოვრებასაც. სადაც აზრი აგვერ-დაგვერევა. ცხოვრებაც აგვერ-დაგვერევა. თუ სიყვარული აგვერევა, სულ ნგრევაში ვიქნებით

როგორც ვაზროვნებთ, ისეთი ბედნიერნი ან უბედურნი ვართ

თუ სიტყვა სიყვარული დავკარგეთ, ცხოვრება დაგვეშლება. ბედნიერება უსიყვარულოდ არ არსებობს. არაფერი არ არსებობს უსიყვარულოდ

ბედნიერება თვითონ ჩვენშია

ჩვენშია ბედნიერება. თუ გინდა დაინახო, საკუთარ თავში უნდა ჩაიხედო და აზრები მოაწესრიგო. როგორც შეხედავ ცხოვრებას, ეს ბედნიერება ან კარს მოგადგება და თვითონ აღმოგიცენდება, ანდა გაგექცევა და მერე დაუწყებ ცხრა მთას იქით ძებნას. ბედნიერების პოვნას დაიწყებ ან ლატარიის მოგებაში, ან რაღაც სხვა წარმატებაში, მაშინ, როდესაც გარედან ბედნიერება არ მოდის არასოდეს, იოტისოდენაც კი. ბედნიერება თვითონ ჩვენშია

სად ვეძებოთ ბედნიერება?

ერთ უკრაინელ ფილოსოფოსს, სკავარადას აქვს ნათქვამი - ბედნიერება არსადაც არ არის და ყველგან არისო. იმიტომ, რომ სადაც არ უნდა წავიდეთ, ვერ ვიპოვით ბედნიერებას, - ჩვენშია ბედნიერება, სულ თან დაგვაქვს, და ამავე დროს, სხვაგან ვეძებთ

სულიერი ადამიანი ჭამა-სმას და სიამოვნებს კი არ არის გადაყოლილი მარტო, სულზეც ზრუნავს. სულს უნდა დიდი ყურადღების მიქცევა

რაც ნათლად ცხოვრობ, მეტი ძალა გაქვს და მეტად წინ მიდიხარ, ხოლო რაც უფრო დაიგროვებ წყენას, სიძულვილს, ცუდსიტყვაობას,.. მეტად ჩამოგარჩენს

ქრისტემ კარგად გვითხრა, თუ რა არის ცათა სასუფეველი, რომ იგი ძალისხმევით აიღება და რომ ცათა სასუფეველში ცხოვრების ასეთი და ასეთი წესია. და ეს წესები აქვე უნდა შეიმუშაო უკვე. ვიდრე იქ მიხვალ, აქვე. თუ აქვე შეიმუშავებ, მაშინ იქ სულ სხვა ბედნიერებას მოიპოვებ. თუ აქ ვერ შეიმუშავებ, ძალა არ გეყოფა სასუფეველში მოსახვედრად

რწმენა მაჩვენებს ჰორიზონტის იქით ცხოვრებას. და იქიდან მომდის პირობები, - თუ შენ ამ მიწიერ ცხოვრებას ესე გაატარებ, იქ რომ მოხვალ, მაშინ ეს დაგხვდება. თუ ესე არ გაატარებ, თვითონ ვეღარ წახვალ წინ, მუხლები არ გეყოფა, ძალა არ გეყოფა და სადღაც გაჩერდები. ვიღაცა ამას ჯოჯოხეთს დაარქმევს, ვიღაცა - მეხუთე, მეშვიდე ცას და სხვა ამგვარი

ადამიანი უკვდავი არსებაა. ადამიანის სული უკვდავია. თუნდაც რელიგია არ ყოფილიყო, მე ეს რწმენა მაინც გამიჩნდებოდა

უფლის რწმენით ადამიანი ბედნიერი შეიძლება იყოს აზროვნებით, ფიქრებით, იმედებით...

რწმენა ჩვენი გადამრჩენელია. თითქოსდა ახლიდან ბადებს ადამიანს, იმედებს გვიმრავლებს. განსაცდელში მყოფ ადამიანს წამოაყენებს და ახლიდან აწყებინებს ცხოვრებას

ადამიანი ბედნიერებისთვის იბადება ამქვეყნად და არა - უბედურებისთვის. სიხარულისთვის, და არა - მწუხარებისათვის

ვისაც იმედი აქვს, ის უკვე ბედნიერების კარიბჭესთან დგას

ბედნიერების ერთადერთი განცდა ჩვენი სულის სიძლიერეა. თუ იქ ძლიერი ხარ, რაც არ უნდა ხდებოდეს შენს ცხოვრებაში, ბედნიერი ხარ. რა არის ბედნიერება? - ეს არის მომავლის რწმენა

მაგალითის ძალას წინ არაფერი არ უდგას. სიტყვით რამდენიც არ უნდა უთხრა, ერთი გაკეთებული საქმე 10 სიტყვას ჯობია

სასულიერო პირის შვილს მეტი მოეთხოვება?

სასულიერო პირის შვილს, რა თქმა უნდა, უფრო მეტი მოეთხოვება, მაგრამ, ადამიანი სასულიერო პირი რომ ხდება, თვითონ იღებს გადაწყვეტილებას. მისი ჯერ არდაბადებული შვილი ხომ არ იღებს ამ გადაწყვეტილებას. ისიც ერთი ჩვეულებრივი ბავშვია როგორც სხვა. შეიძლება მათაც ჰქონდეთ მობილურები და კომპიუტერები, მაგრამ, ყველა ბავშვმა უნდა იცოდეს სწორი მოხმარება, სწორი გამოყენება. ჩვენ უნდა ვეცადოთ, რომ ჩვენი შვილები ამისგან დავიცვათ

ჩვენ უნდა მოვნახოთ ფორმები, დრო, საშუალება და ენერგია, ბავშვამდე რომ მივიდეთ, ბავშვისთვის გასაგებ ენაზე, გართობით, თამაშით, სიხარულით