ციტატები, გამონათქვამები

განათლების დიდი ოთხეული - 4 C

განათლების დიდი ოთხეული არის ერთ-ერთი ყველაზე კარგი კონცეპტუალური ჩართო, თუ რა გვინდა განათლებისგან. ოთხი რამ არის უმნიშვნელოვანესი, იმისათვის, რომ გავარკვიოთ, რამდენად ახერხებს განათლება თავისი როლის შესრულებას, ადამიანის ცხოვრებაში თუ საზოგადოებაში. ესენია:
1. შემეცნება და კრიტიკული აზროვნება.
2. კრეატიული აზროვნება - კრეატიული აზროვნების და კრეატიული იმპულსების ენერგიების გაძლიერება ადამიანში, და არა - ჩახშობა.
3. კომუნიკაცია, და ყველაფერი რაც მას ახლავს - ბგერებიდან დაწყებული, მთელი თეორია და პრაქტიკა კომუნიკაციის.
4. კოლაბორაცია, თანამშრომლობა.
ამ ოთხ რამეს როცა განათლება ახერხებს, შეგვიძლია ვთქვათ, რომ ის არის კარგ კალაპოტში ჩასმული.

როგორ შეიძლება განათლებას არ ვუწოდოთ შენს გარშემო (ან შინაგანი) სამყაროს შეცნობისადმი ინტერესი? ეს ხომ ჩვენს ბუნებაში კოდირებული მოთხოვნილებაა.

ნებისმიერი საზოგადოება იძულებულია, რომ მთელ ამ უზარმაზარ სწავლის და სწავლების ალიაქოთში (რომელიც მიმდინარეობს ოჯახში, ქუჩაში,.. დღისით, ღამით) გამოყოს ის, რაც უფრო ღირებულია და ჩასვას ეს პროცესი კალაპოტში.

გადარჩენისა და წარმატების აუცილებელი კოდი

გამორჩეულობა არის ძალიან მნიშვნელოვანი. ეს არის გადარჩენისა და წარმატების აუცილებელი კოდი, რაც ასევე, განათლების ერთ-ერთი დაკვეთაცაა.

ცხოვრებაში არის ორი მთავარი კოდი: 1. არ მოწყდე ზედმეტად, მათ, ვისაც ჰგავხარ. 2. არ დაემსგავსო ზედმეტად, მათ, ვისაც ჰგავხარ.

განსხვავებულობა აუცილებელია ვინმეს გამოსარჩევად

ჩვეულებრივ ადამიანურ ცხოვრებაში, იმისათვის, რომ ვინმე დავაფასოთ ან გამოვარჩიოთ, სხვებისგან გამორჩეულად რომ ჩავთვალოთ, ამისთვის საჭიროა, რომ იყოს განსხვავებული. რა თქმა უნდა, განსხვავებულობა ყველა შემთხვევაში კარგი არ არის, მაგრამ, განსხვავებულობა აუცილებელია იმისათვის, რომ ვინმე გამოვარჩიოთ.

ამ ცხოვრებაში გაცილებით მეტ რამეს ვსწავლობთ თავისთავადი პროცესებიდან, ამ პროცესებში მონაწილეობით, ვიდრე ფორმალური განათლებიდან.

მეტყველებას გჩუქნის ბუნება - ეს სასწაულია

მეტყველებას გჩუქნის ბუნება, - საკმარისია მოხვდე სამეტყველო გარემოში და პროგრამა, რომელიც შენს ცნობიერებაშია, ამოიქოქება და ენას 5 წლის ასაკამდე პრაქტიკულად უშეცდომოდ გასწავლის. ეს სასწაულია.

არსებობს რაღაც მინიმუმი ფუნდამენტური უნარ-ჩვევები, რომელსაც ბუნება თავისით არ გჩუქნის, უნდა ისწავლო.

განათლება - კეთილდღეობის შექმნის ინსტრუმენტი

განათლება არსებითად, განსაკუთრებით დღეს, ამ საუკუნეში, არის ფიზიკური, ფსიქო-ემოციური, ეკონომიკური და სულიერი კეთილდღეობის შექმნის ინსტრუმენტი. თუ ეს არ გაქვს, მაშინ შენ შეიძლება ვერ მიაღწიო კეთილდღეობის იმ ნიშნულებს, რაც ძალიან სჭირდება ადამიანს თვითრეალიზებისთვის, ხარისხიანი ცხოვრებისთვის.

განათლება არის უმნიშვნელოვანესი უფლება, რომელსაც ადამიანი მიჰყავს კეთილდღეობამდე.

თუ ჩარჩოს მსხვერპლი ხდები, მაშინ რაღაცებს ვერ ბედავ.

როცა განათლების გარეშე მეტია გამბედაობა

როგორ შეიძლება, განათლებაზე ვთქვათ, რომ ცუდია?! არცერთი არგუმენტი არ შეიძლება მოვიყვანოთ, იმის დასამტკიცებლად, რომ განათლება ცუდია. თუმცა, არსებობს შემთხვევები, როდესაც განათლების "მსხვერპლი" (იმ ჩარჩოების მსხვერპლი, რასაც ასწავლიან) ხდება ადამიანი და შესაბამისად რაღაცებს ვერ ბედავს (ვერ თავხედდება), რასაც განათლების გარეშე გაბედავდა..

განათლებაში შეკითხვები უფრო მნიშვნელოვანია, ვიდრე პასუხები.

ძაღლი, როგორც ზრუნვის ობიექტი

ადამიანებმა ძაღლებით ჩაანაცვლეს ზრუნვის ობიექტები და იქ გადაიტანეს ზრუნვის ინსტინქტი და უარს ამბობენ შვილის ყოლაზე.

ყველაზე რთულია, წერო აქ და ახლა, იმიტომ, რომ შენს გვერდით ვინც არის, მათზე ნაწერი არ უნდა გაგიყალბდეს, რეალური უნდა იყოს.

საბჭოთა კავშირში ღმერთი აკრძალული იყო. ვინც ეკლესიაში მიდიოდა, "კაგებე" დევნიდა. სიტყვა ღმერთის ხსენება გმირობად ითვლებოდა.

რამხელა უხილავი სამყაროა ჩვენ თვალწინ, რომელსაც ვერ ვხედავთ, თუ მიკროსკოპში არ ჩავიხედეთ. ტელესკოპი და მიკროსკოპი არის სამყაროს გაფართოების ორი მნიშვნელოვანი იარაღი.

ადამიანის ყოველი შეკითხვა თვისებრივად რელიგიური გამოდის იმ თვალსაზრისით, რომ ჩვენ საიდუმლოს ამოხსნას ვცდილობთ, და არ აქვს მნიშვნელობა, რა სიტყვებით ვაფორმებთ ამ კითხვებს, ან რა გზებს გავდივართ ამ საიდუმლოს ამოსახსნელად.

მოგზაურობა შეუფასებელი რამ არის თითოეული ადამიანისთვის, ცოდნის, შეგრძნებების გაღრმავებისთვის.

ფეხბურთი არის ამბავი, რომელიც შეიძლება რომ მოჰყვე.

ფსიქოლოგმა არ უნდა გათქვას პაციენტის შესახებ ისეთი რამ, რაც მის ღირსებას შელახავს, ან რაც მის ცხოვრებას დააზიანებს.

თუ პაციენტთან დაკავშირებული გარკვეული ამბის გათქმაა საჭირო, ეს არ ხდება პაციენტის ღალატით, არამედ - მასთან შეთანხმებით, მით უმეტეს, თუ ვინმეს სიცოცხლე არის საფრთხეში. მცირეწლოვან ბავშვსაც კი ვუთანხმებთ იმდენს, რამდენის შეთანხმებაც შეიძლება.

ფობია, როგორც სიმბოლიზებული შისი

ფობია ხშირად არის სიმბოლიზებული შისი, თითქოს რაღაცაში თავს მოიყრის და რაღაც დოზამდე შესაძლოა განმაკურნებელიც კი იყოს, იმიტომ, რომ გენერალიზებულ შფოთვას არიდებდეს ადამიანს და კონცენტრირდებოდეს ერთ წერტილში. თუმცა, თუ ეს ფობია ისე გამწვავდა, რომ (თუ კალიების ფობია გაქვს) კალიები გელანდება იქაც, სადაც არ არის, ასეთ დროს ყველა ვარიანტში ფსიქოთერაპიაა საჭირო და გაცნობიერება იმისა, თუ სინამდვილეში რისი შიშია ეს, რომელსაც შენ კალია ან პეპელა დაარქვი.