ციტატები, გამონათქვამები

რა არის თქვენი ყველაზე დიდი შეცდომა?

დიდ შეცდომად ვთვლი, ადამიანს რომ გულს ვტკენ ხოლმე, როცა უხეშად მითქვამს რამე

რა არის ჟურნალისტის ფუნქცია?

ჟურნალისტის ფუნქციაა - წარმოაჩინოს, თუ სადმე სიკეთე და მისაბაძი რამ ხდება, ან თუ ვინმეს უჭირს, რათა დახმარება შევძლოთ

უფალი ისეთ მცნებას ჩვენ არ მოგვცემს, რაც შეუძლებელია

რა არის მოძღვრის ფუნქცია?

მოძღვრის ფუნქციაა - ღვთის სიტყვა მიიტანოს ადამიანებამდე, სწორად აუხსნას მრევლს, თუ რა არის ქრისტიანობა, არა მხოლოდ სიტყვით, არამედ - თავისი მაგალითითაც

ოჯახი არის სულიერი სასწავლებელი. ოჯახში ყოველთვის უნდა იგრძნობოდეს ღმერთის არსებობა. თუ რამე არის გადასაწყვეტი, ჯერ ღვთის ნება დადგეს პირველ რიგში და მერე - ადამიანური მოსაზრებები

რატომ ანიჭებს ეკლესია ოჯახს დიდ მნიშვნელობას?

ოჯახებისგან შედგება ჩვენი ქვეყანა, და თითოეული მტკიცე ოჯახი არის კიდევ ერთი მყარი ქვა ჩადებული ჩვენი ქვეყნის საძირკველში

ძალიან დიდ მნიშვნელობას ვანიჭებ ოჯახში საერთო ტრაპეზს. ჩვენ ყოველთვის ვცდილობთ, რომ დღის განმავლობაში ერთხელ მაინც ერთად დავსხდეთ, ყოველგვარი ტელეფონების და ტექნიკის გარეშე. ოჯახის სიმტკიცისათვის ამას ერთ-ერთი გადამწყვეტი მნიშვნელობა აქვს, რომ იქ ადამიანებმა ერთმანეთს აზრი გაუზიარონ

სიყვარული მოგვიანებით მოდის, წლებთან ერთად და სწორ ურთიერთობასთან ერთად. სიყვარული ის არის, ორი მოხუცი პაპა და ბებო ჯოხით რომ მიდიან, აი მათ რომ უყვართ ერთმანეთი, მრავალი ჭირი და ლხინი რომ ერთად გამოუვლიათ და გაუზიარებიათ.

ბედნიერი ოჯახური ცხოვრებისთვის რა არის აუცილებელი?

კავშირი უფალთან. უფალი რომ ქორწილში მივიდა გალილეის კანაში, ჩვენ ვიცით, რომ იქ ღვინო გამოელიათ, რის შემდგომაც მაცხოვარმა წყალი ღვინოდ გარდაქმნა. ეს რას ნიშნავს? - ის ღვინო, რაც თავიდან სუფრაზე ჰქონდათ, ეს არის ადამიანური სიყვარული, როდესაც ქალსა და ვაჟს თავიდან ერთმანეთი უყვართ, მაგრამ მერე ეს სიყვარული ილევა, ყველგან ილევა. შემდგომ უფალი უნდა იყოს იქ, რომ საღვთო სიყვარული გაჩნდეს. სხვაგვარად მერე ერთმანეთის გაძლებაა

სიყვარული თავგანწირვაში ვლინდება

არ შეიძლება ყველაფერი პირველი შეხედვით შემოწმდეს ადამიანში, მას კრიტიკული სიტუაციები სჭირდება და ამ კრიტიკულ სიტუაციებში ადამიანი უფრო გამოიკვეთება

შეიძლება ადამიანი გარეგნულად ძალიან დადებით შთაბეჭდილებას ტოვებდეს, მაგრამ, იმის იქით ძალიან რთულია ადამიანი. ერთი სახის არ არის, მასში ბევრი დევს, ცუდიც და კარგიც

მოდით ყველამ ერთად ვაკეთოთ ის საქმე, რაც ჩვენ ქვეყანას და ჩვენ დედაქალაქს წაადგება. ეხლა არ არის იმის დრო, რომ ერთმანეთს დავუპირისპირდეთ. ხალხი თვითონ დაინახავს, ვინ რისი გამკეთებელია, და მოდით ერთად გავაკეთოთ ის, რაც ჩვენი ქვეყნის ბედნიერებისკენ იქნება მიმართული

რა არის სიკეთე?

სიკეთე არის ის, როდესაც ვინმეს ხელს გაუწვდი და არაფერს სამაგიეროს არ იღებ, არ ეძებ, არ ითხოვ. ეს არის ისეთი რამ, რომელიც ჩუმად უნდა აკეთო და არ სჭირდება მას დიდი პროპაგანდა და ყოველდღე ლაპარაკი, რომ მე ეს გავაკეთე, და ეს გავაკეთე

უფრო ხშირად გაიღიმეთ 😁

უფრო ხშირად გაიღიმეთ. გაუღიმეთ ერთმანეთს, რადგანაც თბილისს ყოველი ჩვენგანის ღიმილი დღეს ძალიან ესაჭიროება

ყოველ ჩვენგანს აქვს ძალიან დიდი პოტენციალი, საიდანაც ჩვენ მხოლოდ ძალიან მცირე ნაწილს ვიყენებთ

რა არის სიკეთე?

მთელი სამყარო, კაცობრიობა, პლანეტა, ეს არის ასპარეზი, სადაც იბრძვის ორი ძლიერი, სერიოზული ძალა - სიცოცხლე და სიკვდილი. ესენი შესაძლებელია ასევე წარმოვიდგინოთ, როგორც - სინათლე და სიბნელე.
სიკეთე არის ყველაფერი ის, რაც ემსახურება აი ამ პირველს - სიცოცხლის, ანუ სინათლის დამკვიდრებას. ეს შეიძლება იყოს სამედიცინო, სამკურნალო, ჰუმანიტარული დახმარება, განათლება... ყველაფერი ეს არის სიკეთე, იმიტომ, რომ ემსახურება სიცოცხლის დამკვიდრებას სიკვდილის წინააღმდეგ

გადაწყვეტილებებს სწრაფად ღებულობთ?

მორალურ გადაწყვეტილებებს სწრაფად ვღებულობთ ხოლმე, თითქოს მაქვს საკმარისი ინტუიცია იმისათვის, რომ სწრაფად განვსაზღვრო, ესა თუ ის გადაწყვეტილება მორალურად სწორია თუ არა. მაგრამ, როდესაც საქმე ეხება რაღაც პოლიტიკურ გადაწყვეტილებებს, სადაც ნამდვილად გათვლაა საჭირო, იქ, რასაკვირველია, ძალიან დიდხანს ვფიქრობ

საქართველო დღეს დამოუკიდებელი სახელმწიფოა. გინდაც იმიტომ, რომ მას ასეთად აღიარებს მსოფლიო თანამეგობრობა, იმიტომ, რომ ქართველი ხალხი თავად ირჩევს თავის ხელმძღვანელობას დემოკრატიული არჩევნების გზით, და იმიტომ, რომ ეს არჩეული ხელმძღვანელობა საქართველოსი, თავად ღებულობს უმნიშვნელოვანეს პოლიტიკურ გადაწყვეტილებებს.
უნდა ითქვას, რომ ეს ხელმძღვანელობა ნაწილობრივ შეზღუდულია თავის გადაწყვეტილებებში გეოპოლიტიკური რეალიებით. მაგრამ თუ ამ კრიტერიუმებით მივუდგებით, მაშინ მსოფლიოში არ არსებობს არცერთი დამოუკიდებელი სახელმწიფო. სუპერ სახელმწიფოებსაც კი, უხდებათ, რომ შეზღუდონ თავიანთი არჩევანი გეოპოლიტიკური, ან სხვა რეალიების მხედველობაში მიღების გამო

კაცის ბუნებაში რომ ღვთიურობაა ჩადებული, ეს თვით უფალს აქვს ნათქვამი, - მე შენში ვარო, - ბედისწერის შეცვლაც შეუძლია ადამიანს, გააჩნია რა გზით ივლის, უფლის თუ სიშავის გზით

რა არის დემოკრატია?

დემოკრატია - ეს არის სახალხო მმართველობა.
დემოკრატიაა, როცა საზოგადოების ყველა წევრმა იცის, თუ რა უნდა მისცეს სახელმწიფოს და რა უნდა აიღოს სახელმწიფოსგან; როცა ყველა თავის ადგილზეა; როცა არის ქვეყნად წესრიგი, სიმშვიდე და როცა დაცულია ადამიანის უფლებები

პოლიტიკოსს არ აქვს უფლება, რომ არ იყოს ოპტიმისტი

აუცილებელია, რომ პოლიტიკოსს ჰქონდეს იუმორი. პოლიტიკოსის სამუშაო იმდენად პროზაულია, რომ, თუკი იუმორი ერთგვარი მარილის როლს არ შეასრულებს, მაშინ ის პოლიტიკოსი ძალიან დაშტამპული იქნება

შიშის გრძნობა ყველა ნორმალურ ადამიანს აქვს, მაგრამ შემდგომ მამაცი ჰქვია იმ ადამიანს, რომელიც ამ შიშის გრძნობას გადალახავს, ჩაკლავს და უბრალოდ არ იფიქრებს შიშზე