ეს ყველაფერი მოცემულია ადამიანისთვის
წესი, კანონი, მცნებები, მსახურება,.. ღმერთისგან ეს ყველაფერი მოცემულია ადამიანისთვის. ღმერთს თავისთავად ეს არ სჭირდება. მაგალითად - ღვთისმსახურება, ღმერთს არ სჭირდება, რომ მას ვინმე ემსახუროს, ის ყოვლადკმარი არსებაა. ღმერთის მსახურება სჭირდება მას, ვინც მსახურებას აღასრულებს.
გიორგი გვასალია
თუ მსახურება შიგნიდან გარეთ არ გავიტანეთ, მაშინ ჩვენ ვერანაირი წილი, ვერანაირი კავშირი, ვერანაირი ზიარება ვერ გვექნება - ქრისტესთან, რომელმაც მოგვცა ცოდვისგან თავისუფლება და ენით გამოუთქმელი სიხარული.
გიორგი გვასალია
დაგბადებს მხოლოდ ჭეშმარიტება
ნებისმიერი რამ არ დაგბადებს, დაგბადებს მხოლოდ ჭეშმარიტება. სიტყვა დაგბადებს, სიტყვაში, სულიწმინდაში უნდა დაიბადო. როცა რაღაცას აკეთებ და ძალისხმევას დებ, ეს ნიშნავს, რომ იბადები რაღაცაში, ამ დროს უნდა დაუსვა შენ თავს კითხვა - ვიბადები სულიწმინდაში? სხვა რამეში თუ იბადები, ეს არის სახიფათო, ეს ნიშნავს, რომ ინადგურებ თავს. ჯობია არაფერში არ დაიბადო, ვიდრე სულიწმინდის ნაცვლად სხვა რამეში დაიბადო.
ლევან გიგინეიშვილი
Wisdom
