ციტატები, მოკლე გამონათქვამები

ამ ცხოვრებაში გაცილებით მეტ რამეს ვსწავლობთ თავისთავადი პროცესებიდან, ამ პროცესებში მონაწილეობით, ვიდრე ფორმალური განათლებიდან.

ჰუმანური საქართველოს მე-8 მცნება

საქართველოში ყოველთვის იყო ეს ცნება - საერთო კეთილდღეობა - ზრუნვა ხალხზე, ერზე.
ვიზრუნოთ არა მარტო საკუთარ თავზე, არამედ - ერთმანეთზე

რომ არ დაეცეს ადამიანი, შეიძლება თავი ანგელოზი ეგონოს (შეიძლება იფიქროს, არაფერი არ მეშლებაო). საერთოდ, შეცდომა ძალიან გაადამიანებს.

არის ორი სიტყვა, ერთმანეთზე უკეთესი - აღზრდა და თვითაღზრდა.
აღზრდა - როცა ჩვენ ვზრდით ბავშვს.
თვითაღზრდა - როდესაც საკუთარ თავს ვზრდით

ბავშვის ტექნიკისადმი დამოკიდებულებას უნდა ვუშველოთ პირველ რიგში ჩვენი თავით.
მოიქეცი ისე, რომ ბავშვისთვის შენ უფრო საინტერესო იყო

ჩვენ უნდა მოვნახოთ ფორმები, დრო, საშუალება და ენერგია, ბავშვამდე რომ მივიდეთ, ბავშვისთვის გასაგებ ენაზე, გართობით, თამაშით, სიხარულით

სული უკვდავი არსებაა. ყველას გვაქვს უკვდავი სული, ჩვენ კი მხოლოდ ამ სხეულს დავდევთ - რა ვასიამოვნო, რა ვაჭამო, რით გავართო, რით ვილხინო...

რაც ნათლად ცხოვრობ, მეტი ძალა გაქვს და მეტად წინ მიდიხარ, ხოლო რაც უფრო დაიგროვებ წყენას, სიძულვილს, ცუდსიტყვაობას,.. მეტად ჩამოგარჩენს

ერთ-ერთი გერმანელი ფილოსოფოსის განსაზღვრებით - ადამიანი არის მლოცველი არსება. - ამაზე უკეთესად ადამიანს ალბათ ვერავინ დაახასიათებდა.

ეჭვიანობა ურთიერთობაში არის უნდობლობა. თუ მიყვარხარ და არ გენდობი, გამოდის, რომ პატივს არ გცემ და თუ პატივს არ გცემ, სიყვარულიც საეჭვოა

მანამ ხარ ახალგაზრდა, სანამ...

არავის მიმართ არ გამოიყენოთ სიტყვები: "მოხუცი", ბებერი. ადამიანი მანამ არის ახალგაზრდა, სანამ ფეხზე დგას და შეუძლია კეთილი სიტყვა თქვას

ცოდნის მიღება უფრო მნიშვნელოვანია თუ გაზიარება? - თუ გავითვალისწინებთ, რომ "რასაცა გასცემ შენია", მაშინ ორივე თანაბრად მნიშვნელოვანია.

ბავშვს წარსული არ უყვარს. მით უმეტეს, როცა ვუხსენებთ წარსულ ცუდს, ბავშვი გიჟდება ამის გამო, მოთმინებას კარგავს, მდგომარეობიდან გამოდის

ისეთი სახელმწიფოებრივი სისტემა გვჭირდება, სადაც ადამიანს ექნება შრომის უფლება და საშუალება, რომ საკუთარი თავი ამ პროცესში გამოხატოს.

ადამიანი დათქმების გარეშე ქაოსში აღმოჩნდება. ქაოსში ცხოვრება არ გვინდა, გვეშინია, მაგრამ, ამავდროულად, წესრიგში ცხოვრებაც მტანჯველია.

გადარჩენისა და წარმატების აუცილებელი კოდი

გამორჩეულობა არის ძალიან მნიშვნელოვანი. ეს არის გადარჩენისა და წარმატების აუცილებელი კოდი, რაც ასევე, განათლების ერთ-ერთი დაკვეთაცაა.

დღის ბოლოს თუ დაფიქრდები - დღეს რით გახდი ჭკვიანი, ხშირ შემთხვევაში აღმოაჩენ, რომ არაფრით არ გამხდარხარ ჭკვიანი და ტყუილად ისვრი დღეებს!

უღმერთო პატრიოტიზმი

ყველა ფარისეველი იყო პატრიოტი, უაღრესად დიდი პატრიოტი თავისი ქვეყნის...
ყველაზე რთული მდგომარეობა ეს არის სწორედ - უღმერთო პატრიოტიზმი.

ეს არის სიყვარული!

უნდა მოვიკლოთ, რომ გაჭირვებულს შევეშველოთ.
აი ასეთია სიყვარული.
იტყვიან ხოლმე - ლუკმა პური გამოიღო და სხვას გაუწოდაო - ეს არის სიყვარული!

ჩვენ სამშობლოს უნდა გავუზარდოთ მოქალაქეები, რომლებმაც ერთობაც იციან რა არის, ურთიერთგაგებაც აქვთ, და მართალი სიყვარულიც უდევთ გულებში

თუ საკუთარ თავს ჩაუღრმავდები, არათუ ცოტა დრო, საერთოდ დრო არ დაგრჩება სხვისთვის, იმხელა გასაწმენდს და გასასუფთავებელს იპოვი შენს თავში.

ბავშვები თქვენი გამზრდელებიც არიან. ბავშვებს ჩვენ კი არ ვზრდით მარტო, ისინიც გვზრდიან და გამოცდებს გვიწყობენ: მოთმინებაში, სიმშვიდეში...

მოხალისის გულს ვერაფერი ვერ მოერევა

"მოხალისის გულს ვერაფერი ვერ მოერევა" - თუ არ გეხალისება, არ გააკეთებ და თუ გეხალისება, ისე მაგრად გააკეთებ, რომ ლამის ვერავინ ვერ მოგერევა

წიგნი არის სიცოცხლე. წიგნები ჩვეულებრივ ადამიანებზეა დაწერილი. თუ ამას გავაცნობიერებთ, მივხვდებით, რომ წიგნი არის საჭირო და აუცილებელი.