ციტატები, მოკლე გამონათქვამები

ღვთისმსახურება მტრობაზე მაღლა დგას!

ღვთისმსახურება არ არის ის, რაც შეიძლება მტრობამ მოშალოს. ღვთისმსახურება არის ის, რაც მტრობაზე მაღლა დგას, და ამით იმარჯვებს ის.

როცა მიზნად ისახავ რაღაცას, თუ იმ მიზანს ათიანში ვერ მოარტყამ, ცხრიანში მაინც მიხვალ, რვიანში მიხვალ და ესეც გამარჯვება იქნება

გაჭირვებაში გაზრდილი ბავშვი ხანდახან გენიოსი ხდება, ხოლო ფუფუნებაში და სიმდიდრეში გაზრდილი ბავშვი იჩაგრება მერე ცხოვრებაში

ადამიანის სული ალმასიაო - თქვა ერთმა ბრძენმა. მაგრამ თავად ადამიანზეა დამოკიდებული, გახდება ეს ალმასი ბრილიანტი, თუ არ გახდება

თითოეულ თქვენგანს გაქვთ ისეთი საჩუქარი, რომელიც იმდენად დიდია, რომ ვერ დაფასდება, ვერც აიწონება.
ეს არის - თქვენი საკუთარი თავი

სიტყვა "ჰუმანური" ნიშნავს ადამიანს, რომელიც თავის თავში უკვდავებას დაეძებს, ღმერთს დაეძებს, რომელიც თავისი თავის შემეცნებაშია

არ მიყვარს, როცა ვინმე ცრუობს. ადამიანი უნდა იყოს გულღია, მართალი, ცოტა ჭკვიანი, ცოტა იუმორით, ცოტაც კეთილი,.. კარგი კაცი უნდა იყოს

თუ მარცხი შემოგხვდა...

თუ მარცხი შემოგხვდა გზაზე, ყურები არ ჩამოყარო და კიდევ ერთხელ სცადე. გამარჯვებული არის ის, ვინც დამარცხდა და კიდევ ერთხელ სცადა.

სკოლა, სადაც ბავშვებს არ უნდათ სიარული, ბოლო აგურამდე უნდა დაიშალოს და ახალი სკოლა აიგოს ისეთი, სადაც ბავშვები სიხარულს იპოვიან

მოხალისეობის გაკვეთილი - ვითარდები, მნიშვნელოვან საქმეს აკეთებ, სანაცნობო წრეს აფართოებ და ეს საბოლოოდ რაღაც ფორმით დაფასდება.

რწმენაში მტკიცედ უნდა ვიდგეთ.
ჩვენმა რწმენამ უნდა გაუძლოს ცხოვრების რყევებს, ცდუნებებს.
რწმენის უმაღლესი დონე ღმერთის რწმენაა

ამაზე მეტი ბედნიერება სად უნდა ეძებოთ?

ბედნიერია ის ადამიანი, რომელიც მუდმივად თავისი თავის გარდაქმნაშია, სულს აღამაღლებს, და ხარობს იმით, რომ უფრო და უფრო მეტს ეუფლება

თუ მამა საკუთარ სახელს არ გაუფრთხილდება, შვილის ცხოვრებაში ეს იქნება ფეხწამოსაკრავი ქვა. მამის სახელზე შვილმა არ უნდა იბორძიკოს

დაიპყრეს ახლანდელი ბავშვები პლანშეტებმა, სასიამოვნო საყურებლებმა და გასართობებმა. ეს გასართობები აღზრდისთვის არაა გამოგონილი

უფლისთვის არაფერია შეუძლებელი, იმ დროსაც კი, როდესაც გგონია, რომ სულ მთლად ყველაფერი დამთავრდა, როგორც პირად, ისე ერის ცხოვრებაში.

რა წამს სამყარო, იმ წამს - ეკლესია!

ეკლესია სამყაროს წლოვანებისაა. რა წამს სამყარო, იმ წამს - ეკლესია. ეკლესიის გარეშე სამყაროს ისტორია არის აბსოლიტურად გამორიცხული.

თუ არ იქნებით როგორც ბავშვები, ვერ შეხვალთ ცათა სასუფეველშიო. - ეთამაშე ცხოვრებას - ბავშვს როგორც უყვარს, აი ასე გიყვარდეს ცხოვრება.

თვითნებობა არ არის თავისუფლება. თავისუფლება, ტრადიციული გაგებით არის, - რომ შეიცნობ ჭეშმარიტებას და ჭეშმარიტება გაგათავისუფლებს.

ახალგაზრდობაში ვერ ვგრძნობთ ხოლმე დროს. გვგონია, რომ ძალიან ბევრი დრო გვაქვს.
ყოველ წუთს, საათსა და დღეს დიდი მოფრთხილება სჭირდება

თუ ერთი მეზობელი გიყვარს და მეორე არა, მაშინ კეთილშობილი არა ხარ.
თუ მშობლები დაივიწყე, რა კეთილშობილებაზე შეიძლება იყოს ლაპარაკი?

ჩვენ, სხეულის ენით, შეგრძნებებით, განწყობებით, ისე შეგვიძლია გამოვიწვიოთ ადამიანის კეთილგანწყობა, რომ ერთი სიტყვაც არ დაგვჭირდეს.

ბოროტები ადრე მიდიან ამ ცხოვრებიდან

აბა ვინმემ ამის სტატისტიკა ჩაატაროს - ბოროტები ადრე მიდიან ამ ცხოვრებიდან.
რატომ? - მიჰყავთ ადრე!
კეთილი ცოტა უფრო მეტხანს ცხოვრობს.

როგორი გულწრფელიც ხარ ღმერთთან...

როგორი გულწრფელიც ვარ ღმერთთან, ისეთი გულწრფელი ვარ მოყვასთან. როგორი ფარისეველიც ვარ ღმერთთან, ისეთი ფარისეველი ვარ მოყვასთანაც.

სურვილებს გაკონტროლება სჭირდება

ადამიანში არის როგორც გონება, ისე გული და ნება. ანუ ჩვენ ვაზროვნებთ, ვგრძნობთ და გვაქვს სურვილები, რომლებსაც გაკონტროლება სჭირდება.