ციტატები, მოკლე გამონათქვამები

რაღაცას როცა ვერ აკეთებ ხშირად შენი არჩევანია

რაღაცას ვერ ვაკეთებ, აი გეშტალტურად და ფსიქოლოგიურად ითვლება, რომ ეს ჩემი არჩევანია, ვერ გაკეთება რაღაცის, ჩემი არჩევანია, რომ არ გავაკეთო, მაგრამ ასე არის შეფუთული, რომ ვერ...

ქართული ბალადისა არ იყოს - "იქნება ვეფხის დედაი ჩემზე მწარედა სტირისა, წავიდე, სამძიმარ ვუთხრა შვილისაო".

აი ასეთი დედობაა დედობა, და არა ის, რომ ჩემი შვილი შენ შვილსა სჯობდეს

მე შემიძლია ვილოცო იქ, სადაც ვარ. სულ საყდარში ვარ, თუ მწამს. და თუ არა მწამს, გინდა ვიარო ეკლესიაში, გინდა არ ვიარო, ათასი სანთელიც რომ დავანთო, ერთი სანთლის ფასი არ ექნება ამას

აი როგორც გაგრძელდება თქვენი ცხოვრება, ეგ იქნება თქვენი არჩევანი.
რასაც თქვენ ვერ გააკეთებთ, ეგ იქნება თქვენი არგაკეთების სურვილი მხოლოდ, რაშიც თქვენი ტვინიც მოგეხმარებათ

თუ გინდათ, რომ ოჯახი შეინარჩუნოთ და განავითაროთ...

ოჯახი თუ გინდათ შეინარჩუნოთ და განავითაროთ, სიყვარული უნდა ზარდოთ. სიყვარულს უნდა მოვლა, მორწყვა, ალერსით, მოთმინებით, ყველა კეთილი განცდით და ამგვარად სიყვარული გაიზრდება

უსინანულობა გვაკარგინებს ღმერთის კეთილგანწყობას, მადლს

არასწორი მოქმედებები ჩვენ ყველას გვაქვს, ყველა ცოდვილი ადამიანები ვართ, მაგრამ უსინანულობა არის ის, რის გამოც ღმერთის კეთილგანწყობა შეიძლება დაიკარგოს, მადლი განგვეშოროს

ჰუმანური საქართველოს მე-4 მცნება

სიყვარული ორნაირია: მიწიერი და ღვთიური.
ჩვენ ძალიან გავერთეთ მიწიერი სიყვარულით, რამაც ბევრი სარეველა გაგვიჩინა.
უნდა შევძლოთ, რომ ღვთიური სიყვარულით გვიყვარდეს ერთმანეთი

ამოზარდეთ სიყვარული

სიყვარული იზრდება პატივისცემით, ერთგულებით, თავაზიანობით, დათმობით,..
გააკეთე ესენი და ეს სიყვარული უფრო მეტად გაღრმავდება, გაღრმავდება და ასაკში უფრო და უფრო მეტად დატკბება

ბავშვებში არის აუარებელი შინაგანი ძალა და უსაზღვრო შესაძლებლობანი, და თუ პედაგოგიკას შეცვლი, ამ ძალებს უფრო მეტს გამოავლენ. თუ არ დაიჯერებ ამას, მაშინ იმასაც ჩაუკლავ, რაც აქვს

რამდენი ბავშვი ვიყოლიოთ?

თითებზე დაითვალო და - უფალო, ცხრაზე მეტი შვილი არ გამომიგზავნოო, - ასე არ შეიძლება. ცხრა ძმანი იყვნენ ხერხეულიძეები და ისინი რომ არა, ისტორიის ეს მშვენიერი ფურცელი არ გვექნებოდა.

წერეთ ხშირად

წერეთ, წერეთ ხშირად. იმიტომ კი არა, რომ შვილებს დაუტოვოთ მერე, - ნახე რა დავწერეო - შეიძლება ბუხარში შეაგდო და დაწვა, მაგრამ ხომ გაიგე საკუთარ თავზე მეტი, საკუთარ სულში ხომ ჩაიხედე

მშობლების გულწრფელობა ძალიან მნიშვნელოვანია.
მშობლებო, მუხლზე დაჩოქილი შეგეხვეწებით, არ მოატყუოთ თქვენი შვილები.
არ უთხრათ ტყუილი, არ მოუყვეთ ის, რისიც თქვენ თავად არ გჯერათ

ერთი რჩევა მასწავლებელს: ბავშვი უნდა გიყვარდეს!

ერთი რჩევა მასწავლებელს - ბავშვი უნდა გიყვარდეს!
თუ არ გიყვარს ბავშვი, არ გაიარო სკოლის დერეფნებში, არ შეხვიდე კლასში.
გიყვარდეს ბავშვი!
ის არაა დამნაშავე, შენი მოწაფე რომ გახდა

ჩაქუჩიანი მამაკაცი

გერონტი ქიქოძე, რომელსაც გენიალური წერილი აქვს დაწერილი: „ჩაქუჩიანი მამაკაცი.“ სულ მეომარ ქართველებზე ვლაპარაკობთო ჩვენ და მშენებელ, შემოქმედ ქართველებს იშვიათს ვახსენებთო

პატივი ვცეთ ბებიებს და პაპებს.
"კომუნისტებად" შეურაცხმყოფელად არ მოიხსენიოთ.
ისინი ახალ ცხოვრებას ესწრაფვოდნენ, სამშობლო უყვარდათ და როგორც იცოდნენ, ისე აშენებდნენ ქვეყანას.

ბედნიერია ვისაც სწამს

აი, კეთილი შურით მშურს იმ ქრისტიანების, რომლებიც ბედნიერები არიან, რომ სჯერათ, სწამთ,.. რომლებსაც ვერც კი წარმოუდგენიათ ისეთი კითხვები, რომლებიც მცირედ მორწმუნეებს აწუხებთ ხოლმე

ეს მინუსი გვაქვს!

ჩვენი დიდი მინუსია ის, რომ სახელმწიფოებრივი ხედვა არ გვაქვს. პოლიტიკაში სახელმწიფოებრივი ხედვა არ არის. სახელმწიფოს რაც სჭირდება იმას კი არ ვაკეთებ, მე რაც მჭირდება, ისე ვიქცევი.

მასწავლებლებო!
არ გააკრიტიკოთ და პატივი ეცით ბავშვს
არასოდეს დააბეზღოთ ბავშვი მშობელთან
ბავშვი მშობლის თვალში აამაღლეთ
დაეხმარეთ ბავშვს და გვერდით დაუდექით
შეამკეთ ბავშვი!

ოჯახში დედის სიბრძნე სიმშვიდეს ამკვიდრებს, იმიტომ, რომ სიმშვიდის დამკვიდრებას სიბრძნე უნდა. ისე სიმშვიდე არ მოდის. ისე მოდის - შეხლა-შემოხლა, გაუგებრობანი, უსიამოვნებანი და წყენა

აი ცხოვრება!

უსაქმოდ კაცი ნორმალური ვერასდროს გახდება. ჭკვიანი არის ის, ვინც საქმით არის დაკავებული, თანაც შემოქმედებითი საქმით, კარგი საქმით, თანაც სიყვარულით აკეთებს ამ საქმეს. აი ცხოვრება!

ჩვენი ცხოვრებით ჩვენ ბავშვებს კი არ ვასწავლით როგორები იყვნენ, ისიც ცოტაა ვთქვათ, რომ ვაჩვენებთ, არამედ უბრალოდ მათში ვაღივებთ იგივე პიროვნულ ნიშან-თვისებებს, რაც ჩვენ გაგვაჩნია

- შესაძლებელია აღზრდისას დაშვებული შეცდომის გამოსწორება?
- ყველაფრის გამოსწორება შეგვიძლია. გამოსწორდება არის საკუთარ თავში იმ თვისების აღზრდა, რომელიც გვინდა, რომ ბავშვში იყოს

რაც უფრო შემოქმედებითი ცხოვრება გვაქვს...

რაც უფრო შემოქმედებითი ცხოვრება გვაქვს, მით უფრო ცხოვრება სწრაფად მიდის.
რაც უფრო არ მოგვწონს, არ გვიხარია და უსაქმურობაში ვართ, მით უფრო დრო იჭიმება და გვემატება წუხილი და ტანჯვა

მასწავლებელს შეუძლია იამაყოს იმ "გონებაშეზღუდული" და "ჩამორჩენილი" ბავშვებით, რომლებსაც გონება გაუხსნა, ჩამორჩენილობა დააძლევინა და იმ დაწინაურებულ ბავშვებზე არანაკლები გახადა