ციტატები, მოკლე გამონათქვამები

თუ ჭეშმარიტად მორწმუნენი ვართ, მაშინ სიმშვიდე გვეუფლება. არ ვღიზიანდებით, არ ვწუწუნებთ, არც ვინმე გვძულს, არც არავისი არაფერი გვშურს. ეს არის რწმენა

დადგება დრო, როცა ოჯახსაც და სკოლასაც დაეკისრება აღზარდოს ღმერთკაცი, განა კეთილი ადამიანი მხოლოდ, არამედ - ღმერთკაცი. ოჯახს და სკოლას აქვს ეს ძალები

ბავშვისთვის თქმა - "ღმერთი დაგსჯის" - არასწორია. პირიქით, ღმერთი რომ სიყვარულია, ეს უნდა ვასწავლოთ. წმ. იოანე ღვთისმეტყველმა ეს თქვა: ღმერთი სიყვარულია

არ არსებობს უცოდველი ადამიანი, და თუ ჩვენ ჩვენი ცოდვებისთვის მოვიცლით და თვალთახედვას შიგნით მივმართავთ, დრო აღარ დაგვრჩება სხვების ცოდვებისთვის.

წარსულში, აწმყოში და მომავალში ცხოვრება

ის, ვინც წარსულში ცხოვრობს, არის სასოწარკვეთილი. ის, ვინც მომავალში ცხოვრობს, არის შფოთიანი. ის, ვინც აწმყოში ცხოვრობს, არის მშვიდობით და ჰარმონიულად.

ჩვენ უნდა გავხდეთ ღირსეული ადამიანი!
ნათქვამია “შენ ადამიანად დაიბადე, მაგრამ ადამიანი უნდა გახდეო"
გაადამიანურება მთელი ცხოვრება გვჭირდება ჩვენ

ემპირიული კვლევებით არის დადასტურებული, რომ, თუ შენ გაქვს უნარი, თავი ბედნიერად იგრძნო ახლა, მაშინ შენი პოტენციური წარმატების ალბათობა 57%-ით იზრდება.

ნებისმიერი თქვენი გადაწყვეტილება უნდა იყოს თქვენთვის კარგის მომტანი. თუ თქვენი გადაწყვეტილება თქვენთვის დამაზიანებელია, შეცვალე გადაწყვეტილება!

ადამიანის არსებობის ყველაზე დიდი შინაარსი არის განღმრთობა, ადამიანი უნდა განიღმრთოს. მისი განღმრთობის აუცილებელი ასპარეზი არის მე-7 დღის მსახურება.

სამი რამ გვინდა ფსიქოლოგიაში, რომ თანხმობა მივიღოთ - განვითარება, თავისუფლება, ზრდა. თუ ამას აკმაყოფილებ, ბავშვი გამოგყვება შენ, თუ არადა - ფეხს აითრევს

ვინც პირველი დაუთმობს, ის არის ბრძენი.
ვინც არ დაუთმობს, უგუნურია.
ასე რომ, მოასწარით ერთმანეთს შორის დათმობები, რომ ამ დაუთმობლობას რაღაცა არ მოჰყვეს

ჰუმანური საქართველოს მე-10 მცნება

მიზეზს უთუოდ მოჰყვება შედეგი.
ჩვენ ისეთ ცხოვრებაში ვცხოვრობთ, როგორი მიზეზებიც შევქმენით წარსულში, და ახლა კიდევ ვქმნით ახალ მიზეზებს მომავლისათვის

თუ ჩვენ გვინდა, რომ ჩვენი ბავშვები კეთილშობილები გამოვიდნენ, დაიხსომეთ აღზრდის ყველაზე მთავარი წესი - ბავშვების აღზრდა საკუთარი თავის აღზრდით იწყება

დედისა და მამის ქცევა უკვე აღზრდაა ბავშვისა.
დედა როგორ ხვდება შინ დაბრუნებულ ქმარს, ან როგორ გააცილებს, ან როგორ ზრუნავს, ან შვილს რას ეუბნება მამაზე...

სიკეთე არის, არა თავიდანვე ბოძებული სათნოება, არამედ - ვარჯიში. ბოროტებაც და სიკეთეც თავიდანვე არის ადამიანში ჩადებული. ჩვენ უნდა ვივარჯიშოთ სიკეთეში.

ფორმალური განათლების მიზანი

ფორმალური განათლება უნდა იყოს პერსონიფიცირებული, ეს ერთი. და მეორე - ყველა დონის ფორმალურმა განათლებამ უნდა მასწავლოს, როგორ ვსწავლობ, როგორ ვისწავლო.

რა ემოციასაც ტოვებ, იმ შედეგს ღებულობ.
ურთიერთობის პროცესი უნდა აეწყოს ისე, რომ, წინასწარ იცოდე შედეგისთვის რა ემოციის დატოვება გინდა და მერე იმოქმედო

რა არის მოძღვრის ფუნქცია?

მოძღვრის ფუნქციაა - ღვთის სიტყვა მიიტანოს ადამიანებამდე, სწორად აუხსნას მრევლს, თუ რა არის ქრისტიანობა, არა მხოლოდ სიტყვით, არამედ - თავისი მაგალითითაც

ჩვენ ღმერთზე ვიცით ის, რაც მას უნდოდა, რომ ჩვენ მასზე გვცოდნოდა. იმაზე მეტს ადამიანი ვერ შეიმეცნებს. მას არ აქვს ამის უნარი, თუ ღმერთმა არ გაუხსნა ეს კარი.

ამაზე დიდი ჯილდო არ არსებობს

მსახიობის ჯილდოა - ქუჩაში რომ მაყურებელი გხვდება და გიღიმის, დარბაზში რომ შეხვალ და უხარიათ შენი დანახვა და ტაშს გიკრავენ. ამაზე დიდი ჯილდო არ არსებობს.

მესამე მშობელმა რა დააშავა?

სამშობლო რას ნიშნავს? დედა, მამა და ქვეყანა. დედას და მამას თუ ემსახურები, მესამე მშობელმა რა დააშავა?
მოდით, გავიაზროთ, რომ ამ სამივე მშობელს ვემსახუროთ!

თუ ასწლიანი გეგმა გაქვს

კონფუცი ამბობდა - თუ ერთწლიანი გეგმა გაქვს, ბრინჯი უნდა დათესო; თუ ათწლიანი გეგმა გაქვს, ხეები დარგე და თუ ასწლიანი გეგმა გაქვს, შვილებს განათლება მიეციო.

დაცემაში არ არის პრობლემა, ამ დაცემიდან წამოდგომა რომ ხდება, ისე, როგორც პეტრე მოციქული წამოდგა, ამაშია მთელი საიდუმლო. დავით მეფსალმუნეც ასე წამოდგება.

ავტორი პერსონაჟის ტყავში უნდა შეძვრეს

ძალიან ძვირფასები არიან ჩემი პერსონაჟები. მწერლობა ისეთი რამეა, ავტორს ძალიანაც რომ ეზარებოდეს, კეთილი უნდა ინებოს და პერსონაჟის ტყავშიც უნდა შეძვრეს.