ციტატები, მოკლე გამონათქვამები

რაც უფრო შემოქმედებითი ცხოვრება გვაქვს...

რაც უფრო შემოქმედებითი ცხოვრება გვაქვს, მით უფრო ცხოვრება სწრაფად მიდის.
რაც უფრო არ მოგვწონს, არ გვიხარია და უსაქმურობაში ვართ, მით უფრო დრო იჭიმება და გვემატება წუხილი და ტანჯვა

უბრალოდ, თანაცხოვრება მოვახერხოთ!

რამდენი ადამიანიც არის, არის იმდენი სიმართლე. და ჩვენი ამოცანა ის კი არ არის, რომ ეს სიმართლეები ერთმანეთს შევურწყათ, დავამსგავსოთ, ან გავაძევოთ... უბრალოდ, თანაცხოვრება მოვახერხოთ.

მასწავლებელს შეუძლია იამაყოს იმ "გონებაშეზღუდული" და "ჩამორჩენილი" ბავშვებით, რომლებსაც გონება გაუხსნა, ჩამორჩენილობა დააძლევინა და იმ დაწინაურებულ ბავშვებზე არანაკლები გახადა

თამაში ბავშვის განვითარებისთვის

თამაშში დიდი განვითარება ხდება ბავშვისა. რომ არ ითამაშოს ბავშვმა, კაცი ვერ შედგება. იტყვიან ხოლმე ფსიქოლოგები - თამაში, განსაკუთრებით 7 წლამდე, ბავშვის განვითარების ერთადერთი გზაა

ტრავმების 90%-ზე მეტი მოდის ბავშვობის პერიოდში. დანარჩენი რაც ჩვენ გვემართება და რაც ხდება ჩვენ ცხოვრებაში, შეიძლება იმას ისეთი გავლენა არ ჰქონდეს, როგორც ბავშვობაში მომხდარ ამბებს

მილიონი რომ მომცე არ ვიზამ!

მე ჩემი ყანა და ვენახი მაქვს, არასოდეს არ მინდა დამოკიდებული ვინმეზე ვიყო. შენ უნდა გქონდეს შენი ლუკმა, შენ ვერაფერს მათქმევინებ თუ არ მინდა, იმიტომ, რომ მილიონი რომ მომცე არ ვიზამ და!

ასეთ ოჯახიდან რა შვილი გამოვა?

ლოთი რომ არის კაცი, გავარდნილი, ნარკომანი რომ არის, დედა რომ ოჯახში არა ჩერდება,.. ამათ ოჯახში რომ ბავშვი გაჩნდება, ეს მამა რა მამა გახდება? დედა როგორი დედა გახდება და შვილი რა გახდება?

თუ შენ ამჟამად გგონია, რომ ბავშვები არ იმსახურებენ ამდენ ყურადღებას, მაშინ შეხედე არა იმას, როგორები არიან ისინი ახლა, არამედ იმას, თუ როგორები უნდა გახდნენ ისინი ღმერთის განზრახვით

თუ მამამ თავისი მეგობრული სიყვარული გიჩვენა, მაშინ მამის სიტყვა შენი ფარი ხდება. რატომ არ მოვკიდე ხელი სიგარეტს? - მამამ მთხოვა. მამა იმდენად მიყვარდა, რომ მისი სიტყვა ფარი გახდა ჩემი

ოჯახი არის სულიერი სასწავლებელი. ოჯახში ყოველთვის უნდა იგრძნობოდეს ღმერთის არსებობა. თუ რამე არის გადასაწყვეტი, ჯერ ღვთის ნება დადგეს პირველ რიგში და მერე - ადამიანური მოსაზრებები

ვინ არის ყველაზე ღარიბი ადამიანი?

ყველაზე ღარიბია, ვისაც ღმერთი არ ჰყავს, იმიტომ, რომ ღმერთი არის ყოველგვარი სიკეთის, სიხარულის, სიმდიდრის, ბედნიერების წყარო და ვისაც არ ჰყავს ღმერთი ნაპოვნი, მიმაჩნია ყველაზე ღარიბად

ნებისმიერი ზრდასრული ადამიანი ყოველთვის მზად უნდა იყოს ახალი და დიდი ამბის შესასწავლად, იმიტომ, რომ რეალურად ცხოვრებას არ აქვს მონაკვეთები, რომლიდანაც სწავლა შეიძლება გამოვრიცხოთ.

ყველა კლასიკოსი თავის მოძღვრებას მეცნიერებას კი არ უწოდებს, არამედ - მოძღვრებას, ხელოვნებას.
ყველა კლასიკოსი თავისი მოძღვრებისთვის ერთიდაიგივე საფუძველს იყენებს. ეს არის - სახარება

რა არის პრაგმატული აზროვნება?

პრაგმატული აზროვნება რა არის? თითოეულმა ადამიანმა აკეთოს ის, რითაც მაქსიმალურად შემატებს ოჯახს, ქვეყანას,.. და არ აკეთოს ის, რაც არავის არაფერს არ აძლევს, და რითაც საკუთარ თავს აზიანებს

საუკეთესო საჩუქარი შვილისთვის

- გინდათ ბავშვს თქვენი თავი აჩუქოთ? აჩუქეთ თქვენი სრულყოფილება, თქვენი ზრუნვა, რომ თვითონ გახდეთ მისაბაძი, იშვიათი კულტურის მატარებელი.
შვილისთვის საუკეთესო საჩუქარი თვითონ მშობელია

სადაც შენი გასაკეთებელია და არ გააკეთებ, ცოდვაა. მაგრამ, სადაც შენი გასაკეთებელი არ არის და არც შეგიძლია რომ გააკეთო და მაინც გააკეთებ, ესაც ცოდვაა, იმიტომ, რომ არ იცი და დაანგრევ საქმეს

შენ თვითონ ქმნი შენი თავიდან ადამიანს

შენ ქმნი შენს ცხოვრებას. არსებობა წინ უსწრებს არსებას, ანუ შენ ჯერ ბიოლოგიურ არსებად გაჩნდი, ამის შემდეგ ჩართული ხარ პროცესში, ადამიანად რომ იქცე. შენ თვითონ ქმნი შენი თავიდან ადამიანს.

აუცილებელია, რომ პოლიტიკოსს ჰქონდეს იუმორი. პოლიტიკოსის სამუშაო იმდენად პროზაულია, რომ, თუკი იუმორი ერთგვარი მარილის როლს არ შეასრულებს, მაშინ ის პოლიტიკოსი ძალიან დაშტამპული იქნება

ჩვენი ბავშვების აღზრდა მხოლოდ და მხოლოდ საკუთარი თავის აღზრდაში არის. იმიტომ, რომ აღზრდის კანონია ასეთი - რასაც ვაჩვენებთ, ის შეიძლება გახდეს ბავშვისთვის იგივე პიროვნული ნიშან-თვისება

თუ გადაწყვეტ, რომ არტისტი გამოხვიდე

არტისტობა ძალიან ძნელი პროფესიაა. მთელი არტისტობის პერიოდი იქნება მხოლოდ დარტყმები გულში და სულში. ხანდახან, შეიძლება მოხდეს საოცრება და ტაშიც დაგიკრან, ისიც იქნება პატარა, მოკლე ტაში.

თუ მშობელმა რაღაცა დაგაკლოთ აღზრდაში, მიაშველეთ ამას თვითაღზრდა.
მშობელს შეიძლება შეეშალა, ან არ იცოდა, ან დრო არ ჰქონდა, ან პურის ფული უნდა ეშოვა,... მაგრამ სიცოცხლე ხომ მოგცა.
გამოასწორე!

ბავშვები ჩვენზე ბრძენები არიან. ხანდახან ისეთ რამეს იტყვის ბავშვი, ჭკუიდან გადაგიყვანს. ვისაც გყავთ 3-4-5 წლის ბავშვები, ჩაიწერეთ, რასაც ამბობენ, ეს თქვენ გაკვეთილებად გამოგადგებათ ყველას

ყოფილა შემთხვევა, რომ მშობელს უთხოვია, - სამრევლო სკოლაში ჩემ შვილს იქნებ მიხედოთო. მე ვუთხარი - შენც მოდი, შენით დავიწყოთ-მეთქი, რაზეც მიპასუხა, რომ არ სცალია.
ასე არ გამოვა ბავშვის აღზრდა

ემტერებით ვინმეს?

არავის არ ვმტრობ. როგორც კი ვინმეს მიმართ მტრობის აზრს გავივლებ გონებაში, შინაგანად ვმცირდები, ვპატარავდები. ასეთი რამ რომ დავუშვა, ვეღარ ვიარტისტებ, გამიჭირდება ხალხის წინაშე გამოსვლა