ციტატები, მოკლე გამონათქვამები

იცით როგორ უნდა ვიცხოვროთ?
რომ ჩვენი ყოფა ჩვენმა ახლობლებმა ღვთის წყალობად მიიღონ - რა კარგია, რომ შენ ჩვენთან ხარო. რამდენი მადლი, სიკეთე და სიხარული მოგაქვსო

კარგი მამა რომ იყო...

კარგი მამა რომ იყო, ცოლი უნდა გიყვარდეს. თუ ცოლი არ გიყვარს, მამა ვერ გახდები. არ შეიძლება ცოლი არ გიყვარდეს და შვილი გაგიჟებით გიყვარდეს, იმიტომ, რომ მან გააჩინა

აი ნამდვილი ცხოვრება!

ცხოვრების წინააღმდეგ სვლა - აი ნამდვილი ცხოვრება - დინების წინააღმდეგ რომ მიდიხარ, უფრო სწორად, იმ ტრადიციებისა, იმ ქცევებისა, იმ ურთიერთობებისა, რაც არ მოგწონს

რწმენა ეწოდება ნაბიჯის გადადგმას მაშინ, როდესაც კიბე საერთოდ არ ჩანს. შეიძლება გზას საერთოდ ვერ ხედავდე, მაგრამ, არ უნდა დანებდე და ეგ ერთი ნაბიჯი უნდა გადადგა!

პირველ რიგში - გვიყვარდეს

სადაც გიყვარს, იქ ცუდი აზრი არ გიჩნდება. ვინც გიყვარს, მას ცუდს ვერ უსურვებ. არ გაგიჩნდება ცუდი სიტყვა, აზრი, სურვილი მასზე, ვინც გიყვარს. პირველ რიგში - გვიყვარდეს!

სიყვარულს არ უყვარს პირობები

გიყვარდეთ ყველა, მტრებიც გიყვარდეთ და თქვენს მაწყევრებს ლოცვა შეუთვალეთო - თუ გინდა სიყვარული, ასე უნდა იყოს და თუ არ გინდა, იყავი როგორც გინდა, გიჟი თავისუფალია

როგორი ადამიანია ლაშა?

ვცდილობ, რომ ბევრი კარგი საქმე გავაკეთო ამ ერთ ცხოვრებაში და რაც ღმერთმა ნიჭი მომცა, ეს ნიჭი მინდა ისე გამოვიყენო, რომ მომავალი თაობებისთვის იყოს დიდი მოტივაცია

მე შემიძლია ვიყო მუდმივად ბედნიერი

როცა მე გემსახურებით თქვენ, ნაცნობს, უცნობს, ამაში ვხედავ ჩემი კმაყოფილების რაღაც წყაროს.
ბედნიერება კმაყოფილებაა.
ამრიგად, მე შემიძლია ვიყო მუდმივად ბედნიერი

რატომღაც, როცა აღზრდაზე ვსაუბრობთ, სულ დედაზე გადაგვაქვს მთელი სიმძიმე. ეს ასეც არის, მაგრამ მამას დიდი როლი აქვს ბავშვის აღზრდაში და საერთოდ, ოჯახის ცხოვრებაში

ხართ თუ არა დამთმობი?

ძალიან დამთმობი ვარ. არ მომწონს ჩემი თავი, როცა დამთმობი არ ვარ ხოლმე, ე.ი. რაღაცნაირად გავღარიბდი. როცა ვთმობ, კარგად ვარ. მომწონს, როცა ვთმობ ხოლმე, კარგი გრძნობაა

შიშის გრძნობა ყველა ნორმალურ ადამიანს აქვს, მაგრამ შემდგომ მამაცი ჰქვია იმ ადამიანს, რომელიც ამ შიშის გრძნობას გადალახავს, ჩაკლავს და უბრალოდ არ იფიქრებს შიშზე

მიზეზს უთუოდ მოჰყვება შედეგი.
არ არსებობს მიზეზი, რომელსაც შედეგი არ მოჰყვება.
რაც უფრო დიდია მიზეზი, შედეგიც მეტია. რაც უფრო სუსტია მიზეზი, შედეგიც ანალოგიურია.

დროის მართვა

შეიძლება დროში გაერკვეს, დრო რასაც გვთავაზობს ჩემთვის მიუღებელია. დროს შენ უნდა უკარნახო. მე მინდა, ახალგაზრდა თაობამ ეს იცოდეს. დრო თვითონ უნდა მართო და არა დრომ.

სიყვარულს საქმეები უყვარს. საქმეების გარეშე სიყვარული მკვდარია.
კოცნა, მოფერება, გაჭირვებაში ერთად დგომა, თავდადება, დათმობა... ამაში იწრთობა ნამდვილი სიყვარული

არ გიყვარს? - შეიყვარე!
ვიღაცა იტყვის - "სიყვარული ან არის, ან არ არის" - ვითომ დიდ ფილოსოფიას ამბობს.
რას ქვია არ არის? სიყვარული სულ არის, როგორც მოუვლი, ისეთი გახდება

მშობლის აღზრდით იწყება შვილის აღზრდა. ჩვენ თუ გვინდა, რომ მცენარე ჯანსაღი იყოს, გამანოყიერებელი ნივთიერებით ვამდიდრებთ ფესვებთან მიწას - ფესვები მშობლები არიან

პირველი მიზეზი ჩვენს ფიქრებში იქმნება. "პირველითგან იყო სიტყვა..." - აი ასეთი ძალა აქვს ფიქრს.
ფიქრი ყველაფრის საწყისი ენერგია. როგორც ვფიქრობთ, ქვეყანა ისეთი ხდება

იმეგობრეთ თქვენს შვილებთან

მეგობრობაში:
ჯაჯღანი არ შეიძლება,
ყვირილი არ შეიძლება,
ჩხუბი არ შეიძლება,
დამცირება არ შეიძლება,..
არავინ არ იმეგობრებს იმასთან, ვინც მას ამცირებს, გამორიცხულია!

თუ უარყოფა არ მოხდა ძველისა, ახალი არ გაჩნდება. უნდა უარყო, რომ ახალი გაჩნდეს, და თუ ახალი არ გაჩნდება, ცხოვრებაც არ არსებობს. ცხოვრება არის მხოლოდ ახალი საფეხურები

როგორ ვასწავლოთ ტვინს სეროტონინისა და ოქსიტოცინის გამოყოფა?

21-დღიანი ვარჯიშით, როგორც კუნთს ვავარჯიშებთ ხოლმე, შეგვიძლია ტვინს ვასწავლოთ სეროტონინისა და ოქსიტოცინის გამოყოფა, რეგულარული, პატარ-პატარა სიკეთეების კეთებით.

უნდა ჩამოვიცილოთ ყველაფერი, რაც გვირთულებს ადამიანებთან ურთიერთობას, რაც ხელს გვიშლის, რომ ჩვენი ყოფა ახლობლებისთვის, გარშემომყოფებისთვის სასიხარულო გავხადოთ

რას გამორიცხავს სათუთობაში აღზრდა?

სათუთობაში აღზრდა გამორიცხავს უხეშობას, იძულებას, დასჯას, დაჩაგვრას, გაღიზიანებას, ყვირილს...
ხმას არ აუმაღლოთ!
თქვენი სახლიდან წივილ-კივილი არ უნდა გავიდეს გარეთ

როდესაც ჩვენ ბავშვებს ვეუბნებით, რომ შენ უნდა გიყვარდეს წიგნი, თავიდანვე შეცდომას ვუშვებთ, იმიტომ, რომ სიტყვა "უნდა" და სიტყვა "წიგნი" ვერ თანაცხოვრობს ერთმანეთთან.

დრო და ტექსტი ერთმანეთზე ურთიერთქმედებენ და რეალური გავლენა აქვთ. ყოფილა ტექსტები, რომლებმაც დრო შეცვალა, და არის დროები, რომლებიც ტექსტებს უცვლიან კონტექსტებს...