ციტატები, მოკლე გამონათქვამები

არ შეიძლება ყველაფერი პირველი შეხედვით შემოწმდეს ადამიანში, მას კრიტიკული სიტუაციები სჭირდება და ამ კრიტიკულ სიტუაციებში ადამიანი უფრო გამოიკვეთება

ვის არ აწყობს დიალოგი?

მშვიდი, თავისუფალი, ლოგიკური, არსებითი განხილვა არ აწყობთ ხოლმე, როდესაც პოლიტიკურ ამოცანად აქვთ რაღაც დასახული და უკვე მოქმედებენ ხოლმე ამ მიზნისთვის.

კრიტიკული აზროვნება არ ნიშნავს დაუთანხმებლობას. რაც მითხარი და დამისაბუთე, გავიაზრე და თუ ლოგიკური და სწორია, დაგეთანხმე და აზრი შევცვალე. რა პრობლემაა?

არი დაიხსომო რომ გაეცი, არც დააყვედრო!

არ დაიხსომო რომ გაეცი, არც დააყვედრო - გახსოვს, მე შენ რა გაგიკეთეო - ეს აღარ არის გასიკეთე.
გაცემა და არას შური, ჩუქებისა არ მოწყენა.
რუსთაველის ანდერძია ეს

მე თუ რამე ცუდ თვისებას, ან საქციელს აღმოვაჩენ ხოლმე ჩემ შვილში, მერე რომ დავფიქრდები, ჩემშიც ვპოულობ ხოლმე ამას. გამოდის, რომ ჩემგან - მშობლისგან სწავლობს

მადლიერების და უმადურობის შესახებ

ჩვენ შეგვიძლია ვიწუწუნოთ იმაზე, რომ ვარდს აქვს ეკლები, და ჩვენ შეგვიძლია გავიხაროთ იმით, რომ ეკლებს აქვთ ვარდი. ჩვენზეა დამოკიდებული, თუ როგორ მივუდგებით!

ადამიანი არის ფერიცვალების არსება

მე მჯერა, რომ ადამიანი არის ფერიცვალების არსება და შეუძლია ცვლილება. ადამიანის ერთ-ერთი მთავარი აქტი, ქრისტიანული, ფილოსოფიური გაგებით, არის ფერიცვალება.

ჰუმანური საქართველოს მე-7 მცნება

ყველა მივისწრაფით ბედნიერებისკენ.
როგორ გავიგოთ ბედნიერება? ეს არის გაანალიზება იმისა, თუ როგორ ვაშენოთ ცხოვრება, რომ ყველა კმაყოფილი იყოს ჩვენს ირგვლივ

რა არის სიწმინდე?

სიწმინდე არ არის უდანაშაულობა, სიწმინდე არ არის უცოდველობა. სიწმინდე ეს არის ის, რასაც გაძლევს ღმერთი, ცოდვასთან ჭიდილის გამო, მასთან ყოფნის სურვილის გამო.

როცა ადამიანს ვერ აგებინებ

ბასილი დიდი ამბობს - "როცა ადამიანს ვერ აგებინებ, ღმერთს სთხოვე და ის გააგებინებსო" - ალბათ ლოცვა ერთადერთი ინსტრუმენტია, მსგავს ადამიანებთან ურთიერთობაში.

დანაშაულის მუდმივად შეხსენება არის ძალადობა

დანაშაულის განცდის მუდმივად შეხსენება ან გაჩენა მეორე ადამიანში, ძალადობა არ არის? რეალური პატიება არის, რომ ეგ დანაშაულის განცდაც არ უნდა მისცე ადამიანს.

როდის აქვს ჯარის ყოლას აზრი?

თუ შენი ჯარის იმედად დარჩები, ეს ჯარი ვერაფერს გაგიკეთებს, მაგრამ, თუ ბუნებით უძლეველის, ყოვლისშემძლე ღმერთის იმედი გექნება, მაშინ ამ ჯარის ყოლას აზრი აქვს.

ყველა ბავშვს თავისი თანდაყოლილი ნიჭიერება მოჰყვება.
ჩვენი ვალი რაღაა? - ეს ნიჭიერება განვუვითაროთ, გავუღვიძოთ, გავუძლიეროთ, ხელი შევუწყოთ, გასაქანი მივცეთ

სიტყვები დაკავშირებულია ემოციებთან.
ხშირად ჩვენ ვიყენებთ სიტყვებს დაუფიქრებლად. ასეთ შემთხვევაშიც კი ეს სიტყვები იმ ემოციას აღძრავს, რასთანაც კავშირშია

ჰუმანური საქართველოს მე-5 მცნება

შემკობა - ეს მშვენიერი მეთოდია ურთიერთობისა.
ადამიანს კეთილი ვუთხრათ, მოვესიყვარულოთ, შევუწყოთ ხელი, რომ განვითარდეს, წინ წავიდეს, საკუთარი თავისა სჯეროდეს

ადამიანების თვალებში დანახული სიხარულის ცრემლები

როცა ლექსოს ვკითხე, - რა გაკეთებინებს ამდენს სიკეთეს, რა გამოტივირებს-მეთქი, ლექსომ მიპასუხა - ცრემლებიო, ადამიანების თვალებში დანახული სიხარულის ცრემლებიო.

თუ გულწრფელად დიდ ინტერესს გამოიჩენთ შვილის ინტერესების მიმართ, მერე ისინიც დაინტერესდებიან თქვენით და ასე შესაძლებელია შვილთან მეგობრობის ჩამოყალიბება

ამ საქციელებით სული იკარგება

ბევრი კარგავს სულს, ჩხუბში, უგონო ქცევებში, ბილწსიტყვაობაში, ცუდ საქმეებში, უსაქმურობაში,..
ნაცვლად იმისა, რომ გაამდიდროს სული, იმასაც კარგავს, რაც მოიტანა თან

შევიყვაროთ ცხოვრება

მთელი არსით შევიყვაროთ ცხოვრება.
ჩვენ ცხოვრებისთვის გავჩნდით. არ შეიძლება ცხოვრება მთელი სულითა და გულით არ გვიყვარდეს. უნდა გვიყვარდეს ისეთი, როგორიც არის

როგორც თქვენ დაეჩვიეთ სიგარეტის წევას, ისე დაეჩვევა თქვენი შვილიც. იცით, რატომ არ უნდა ეწეოდეთ? ერთ ღერ სიგარეტს თქვენი ცხოვრებიდან 12 წუთი და 15 წამი მიაქვს თან.

რწმენა ჩვენი გადამრჩენელია. თითქოსდა ახლიდან ბადებს ადამიანს, იმედებს გვიმრავლებს. განსაცდელში მყოფ ადამიანს წამოაყენებს და ახლიდან აწყებინებს ცხოვრებას

სულელ ადამიანთან დიდხანს არ უნდა იყო, თორემ თავისკენ გადაგიბირებს.
იყავი უფრო ჭკვიანებთან ახლოს, მათთან ისაუბრე, მათგან ისწავლე და რაც გაკლდა იმასაც შეივსებ

ბედნიერება დამოკიდებულია კეთილგანწყობილებაზე

ბედნიერება შენი შინაგანიდან მოდის, დამოკიდებულია კეთილგანწყობილებაზე და არ არის დაკავშირებული იმასთან, თუ რას ჭამ, როგორ ავტომობილში ზიხარ, სად გაქვს ბინა...

სულ ყოველთვის მინდა, რომ...

ოღონდაც ვიღაცას გამოვადგე და შემიძლია მთელი საათები ვირბინო, სხვისთვის ვიმუშაო, არ დავიღლები, არც ვიწუწუნებ... სულ ყოველთვის მინდა, რომ მტლად ვედებოდე ვიღაცას