ციტატები, მოკლე გამონათქვამები

დათმობა საქმეა სიყვარულისა

თუ არ დაუთმობ ქმარს / ცოლს, ეს ნიშნავს, რომ არ გიყვარს.
თუ გინდათ, საკუთარი თავი გამოსცადოთ სიყვარულში, აბა ნახეთ როგორ უთმობთ ერთმანეთს.
დათმობა საქმეა სიყვარულისა

ანეკდოტი არ წამოგცდეს სიდედრზე

სიდედრი გიყვარს? ჩაეხუტე, რომ მისთვის მართლა შვილი გახდე, და მაშინ ცოლიც ბედნიერი გეყოლება. არცერთი ანეკდოტი არ წამოგცდეს სიდედრზე. ეს კარგ საქმემდე არ მიგვიყვანს.

მტრობის წინ აუცილებლად უნდა დააყენო მშვიდობა. სიმართლე უნდა გაზომო სიყვარულით. ერთობისკენ უნდა გქონდეს წარმართული ყველაზე მძიმე, ყველაზე რთული ურთიერთობებიც კი.

შეიძლება ადამიანი გარეგნულად ძალიან დადებით შთაბეჭდილებას ტოვებდეს, მაგრამ, იმის იქით ძალიან რთულია ადამიანი. ერთი სახის არ არის, მასში ბევრი დევს, ცუდიც და კარგიც

თუ არ იპოვე "შენზე მაგარი" ხალხი, სხვები გიპოვიან

შენ თუ გამიზნულად არ იპოვე "შენზე მაგარი" ხალხი, ლოგიკურია, რომ სხვები გიპოვიან შენ, უფრო დაბალი განვითარების დონეზე მყოფი ხალხი, რომლებსაც უნდათ შენ დონეზე ამოსვლა.

ადამიანური ურთიერთობები მნიშვნელოვანია, მაგრამ წარმავალია

მარტოობას ვერაფერი ვერ უშველის, თუ უფალთან არ არის ადამიანი და თუ ღმერთის განცდა არ აქვს. იმიტომ, რომ ეს ადამიანური ურთიერთობები მნიშვნელოვანია, მაგრამ წარმავალია.

განსაკუთრებით - ახალი აღთქმა!

ჩემზე ძალიან იმოქმედა პატრიარქის მოწოდებამ ქართველი მკითხველის, მათ შორის, ახალგაზრდობის მიმართ: "მეტი იკითხეთ, განსაკუთრებით ბიბლია, განსაკუთრებით ახალი აღთქმა"

საკუთარი სურვილების, მოთხოვნილებების, ლტოლვების მონა ადამიანი, რომელსაც არ გააჩნია ქცევის კონტროლის ელემენტარული ინსტრუმენტებიც კი, შეიძლება სხვას ეძახის მონას.

ტკივილში და სიყვარულში შეშველება

ორივეს მიზანია სიამოვნება მიანიჭოს ხალხს, რომ როგორმე ან ტკივილში შეეშველოს ან სიყვარულში, ორივეში შეშველება გვინდა, არც ერთია სასიამოვნო, როცა მეტია, და არც მეორე.

ბედნიერების ერთადერთი განცდა ჩვენი სულის სიძლიერეა. თუ იქ ძლიერი ხარ, რაც არ უნდა ხდებოდეს შენს ცხოვრებაში, ბედნიერი ხარ. რა არის ბედნიერება? - ეს არის მომავლის რწმენა

ღვთისმსახურებაში ყველაზე მნიშვნელოვანი

ღვთისმსახურებაში დომინანტური და ყველაზე მნიშვნელოვანი გახლავთ სწორედ ეს, რომ გულში გაჩნდეს ღმერთი, შინაგანად შენში ცხოვრება და მოქმედება დაიწყოს საღვთო ენერგიამ.

ყოველგვარი მასწავლებლის ამაღლებული ხმა მისი წყვდიადობის ნიშანია.
ყვირილი, უხეშობა, ძალადობა, მშობლების გამოძახება, ორიანები და სხვა ამგვარი - ეს ყველაფერი სიბნელეა

ბოროტება ვერაფერს ქმნის, არსებულს ამახინჯებს

უმარტივესი, ფუნდამენტალური, ქრისტიანული ასკეტური სწავლებით, - ბოროტება არაფერს ქმნის, უბრალოდ არსებულს ამახინჯებს, რაღაც კარიკატურას ქმნის. ის ვერაფერს ვერ შექმნის.

კაცის ბუნებაში რომ ღვთიურობაა ჩადებული, ეს თვით უფალს აქვს ნათქვამი, - მე შენში ვარო, - ბედისწერის შეცვლაც შეუძლია ადამიანს, გააჩნია რა გზით ივლის, უფლის თუ სიშავის გზით

სასტუმროებში სახანძრო უსაფრთხოება

ბევრ სასტუმროს არ აქვს დამაკმაყოფილებელი სახანძრო უსაფრთხოება. შეიძლება ჩაბარების დროს გაკეთდა, მაგრამ დღეს აღარ არის ისეთ დონეზე, რომ დაიცვას სახანძრო უსაფრთხოება.

ეკლესია არასდროს იქნება დამარცხებული

ეკლესია შეიძლება იყოს დევნილი,
ეკლესია შეიძლება იყოს შეურაცხყოფილი,
ეკლესია შეიძლება იყოს მცირე,
ეკლესია შეიძლება იყოს კატაკომბაში,
მაგრამ, არასდროს - დამარცხებული.

ადამიანი იმედით ცოცხლობსო - უბედურებაში თუ იმედი არ გაქვს, წაწოლილი ხარ და ეგ არის. ვისაც იმედი არა აქვს, მას ცხოვრების მომავალი არა აქვს. იმედი მარტო მომავალში არსებობს

ბევრი, ცხოვრებას მიჰყვება, როგორც ნაფოტი, ძალიან ბევრი. იქნებ უმრავლესობაც კი ნაფოტივით ცხოვრობს. ან უბრალოდ - ცხვრებივით ცხოვრობენ, საითაც თითს გაუშვერენ, იქით გარბიან

მხოლოდ ჩვენ - ადამიანებს - გვაქვს ნიჭი შემოქმედებისა.
მხოლოდ ჩვენ შეგვიძლია შევქმნათ ახალი, გავალამაზოთ ცხოვრება. ამ ნიჭს შემოქმედება ჰქვია და ეს არის უფლის ძალა ჩვენში

განცდები რომ გვაქვს, მაგიტომ ვართ ადამიანები. მთავარია, რომ განცდების გაფორმებაში, წარმოსახვაში, ინტერპრეტაციაში არ წავიდეთ არასწორი გზით, არამედ, დავრჩეთ სწორ კვალზე.

რამხელა უხილავი სამყაროა ჩვენ თვალწინ, რომელსაც ვერ ვხედავთ, თუ მიკროსკოპში არ ჩავიხედეთ. ტელესკოპი და მიკროსკოპი არის სამყაროს გაფართოების ორი მნიშვნელოვანი იარაღი.

ვინც აქ, ამ ცხოვრებაში ერთ ბოძს მიეჯაჭვება, - “ჩემი საკუთრებააო", - ჰგავს ბოძზე მიბმულ ძაღლს. ქონებაზე მიჯაჭვულ ადამიანს ყველაფერი აქ დარჩება, ასევე, აქ დარჩება ცუდი კვალიც

ღმერთი არ გაგვწირავს!

ხართ თუ არა ოპტიმისტი? კი, გამოუსწორებელი ოპტიმისტი ვარ, იმიტომ რომ, გონებით ვერ ვხედავ გამოსავალს, მაგრამ დარწმუნებული ვა ყველაფერი კარგად იქნება, ღმერთი არ გაგვწირავს.

მტერი შეიყვარე, თორემ ძმის სიყვარულს რა უნდა?
აბა მტერი შეიყვარე! აი აქაა შენი გამარჯვება, თორემ დედ-მამა და და-ძმა თუ გიყვარს, ამის გამო ნუ იფიქრებ - მოსიყვარულე ვინმე ვარო