ციტატები, მოკლე გამონათქვამები

რაღაცა დაკარგე? - ჭკუით ამაღლდი, მომავლისთვის გაფრთხილდი, აღარ დაკარგავ. მაგრამ ვინც ის იპოვა, სიკეთე შეუთვალე მას, ალბათ სჭირდებოდა და იპოვა.
იტყვიან ხოლმე - როცა რამეს დაკარგავ, თქვი, ალბათ დრო დადგა, ახალი შევიძინო

გაღიზიანებული ქალი ოჯახში

ცუდი რაღაცაა გაღიზიანება. ქალი თუ გაღიზიანებულია, იფანტება ოჯახი, ბავშვები იმალებიან, ქმარი ყურებზე ხელებს იფარებს,.. აბა გაღიზიანების მომენტში სარკეში ჩაიხედეთ, რაც მეტად გაღიზიანდები, მეტად დაკარგავ სილამაზეს...

ასეთ სივრცეებში ხდება ჭეშმარიტების შეცნობა!

რისხვის და მიკერძოების გარეშე სივრცეს რომ სპეციალურად სპობ, ეს უკვე აპრიორი ცუდია. ასეთი სივრცეები რაც შეიძლება მეტი უნდა შეიქმნას. ასეთ სივრცეებში ხდება ჭეშმარიტების მიმართ სწორი აზარტის განვითარება და შეცნობა.

შვილთან მეგობრობა და ცოლის სიყვარული!

აღზრდაში ბევრი რაღაცა იცვლება, მაგრამ ზოგი რამ უცვლელია და წითელი ხაზივით უნდა გაჰყვეს ბოლომდე - შვილთან მეგობრობა და ცოლის სიყვარული.
თუ ცოლის სიყვარული დაირღვა, ოჯახი ლაყლაყებს. შეიძლება გაექცნენ კიდეც ერთმანეთს

როგორც ექიმები გვირჩევენ, მელატონინი აუცილებელია, რომ გამომუშავდეს . მელატონინის გამომუშავების საათები არის ღამის 12-დან 2 საათამდე. ეს პერიოდი ყველა ვარიანტში ჯობია რომ გვეძინოს, რომ ორგანიზმმა ეს ნივთიერება მიიღოს

დედებო, თქვენ შვილებში თესლია პიროვნებისა. თქვენზეა დამოკიდებული, თქვენს ნიჭზე, ზრუნვაზე, აღზრდის ხასიათზე, რომ მათში მართლაც დაიბადოს ნებისყოფიანი, ცხოვრების აზრის მცოდნე პიროვნება, და გამარჯვებული დედები იქნებით

წიგნები, რომლებიც წაკითხული უნდა გვქონდეს

ყველა ქართველს უნდა გვქონდეს წაკითხული ვეფხისტყაოსანი. ვაჟა ფშაველას "ალუდა ქეთელაურს" შევთავაზებდი აუცილებლად, და რომ იგრძნოს - რა არის ქართული ლექსი - წავაკითხებდი გალაქტიონ ტაბიძის ტექსტს "ქარი დაცხრა სიბობოქრის".

როგორც კი ვინმე ეცდება, ალტერნატიული წყარო გააჩეროს, თუნდაც იმ მიზნით, რომ თვლიდეს, რომ ეს პროპაგანდაა, გამოდის, რომ უკვე თვითონ ეწევა პროპაგანდას, რადგანაც პროპაგანდის ფორმა ზუსტად ეგ არის - არ ტოვებს ალტერნატიულ გზას

წინასწარმეტყველი, რომელსაც არ დევნიან, ცრუ წინასწარმეტყველია. წინასწარმეტყველის ხვედრია, რომ დევნის საზოგადოება, იმიტომ, რომ ის იმას ამბობს, რაც სხვებს არ აწყობთ და სხვები ამისთვის დასცინიან და შეიძლება მოკლან კიდეც.

თუ დარდი შემოგეყარა გულს...

თუ დარდი შემოგეყარა გულს, სხვას გადაუყარე დარდი, და ნახე როგორ გადაგეყრება შენც დარდი.
არ უნდა იფიქრო მარტო შენ თავზე.
"ასე ვარ, ისე ვარ, ძლივს დავდივარ, ფეხი ვერ გადამიდგია,..." გასაგებია, მაგრამ შენზე უარესად რომ სხვა არის?

ჰუმანური საქართველოს მე-9 მცნება

ჰუმანური აღზრდა არის ჰუმანური საქართველოს მე-9 მცნება.
როგორია ჰუმანური აღზრდა, ამას ბევრი განმარტება შეიძლება მოჰყვეს. თუმცა დიდწილად მეტყველებს ყველა დანარჩენი მცნება, - რწმენით, სიყვარულით, სიკეთით, სიხარულით აღზრდა

მდინარეს ვერ შეაჩერებ. თუ არ გინდა, რომ იგივე მიმართულებით იაროს, სხვა კალაპოტი უნდა შეუქმნა. ბავშვებიც, თუ არ გვინდა, რომ იმ გარემოში იყვნენ, სადაც შეიძლება გზა აერიოთ, მაშინ რაღაც სხვა ალტერნატიული გარემო უნდა შევუქმნათ

როგორი წარმოდგენა უნდა გვქონდეს ბავშვზე?
- დიდი! ის პატარაა, მაგრამ მასში დიდი ძალებია. ღვთიური ძალებია ბავშვში. პიროვნული თესლი უკვე ჩათესილია მასში. ღმერთმა ჩათესა. ჩვენ მარტო წყალი უნდა დავუსხათ, რომ ეს თესლი გაღვივდეს

ასე შევმატოთ სიყვარულს სიმშვენიერე

მოვლა უნდა სიყვარულს, როგორც ქოთანში ყვავილს.
ვეფეროთ სიყვარულს.
შევმატოთ ჩვენ სიყვარულს სიმშვენიერე: სახის გამომეტყველებით,
ხმით,
ხელების მოძრაობით,
მოთმინებით,
დათმობით,
ალერსით,..
გავამშვენიეროთ ჩვენი სიყვარული

სკოლა იგივეა, რაც ეკლესია, ტაძარი. მასწავლებელი იგივეა, რაც ღმერთი, იმიტომ, რომ ქრისტეს მასწავლებელს ეძახდნენ.
ღმერთი და მასწავლებელი, ტაძარი და სკოლა - ამაზე ძვირფასი ცნებები საზოგადოებას თავისი განვითარებისთვის არ აქვს

სიყვარული მოგვიანებით მოდის, წლებთან ერთად და სწორ ურთიერთობასთან ერთად. სიყვარული ის არის, ორი მოხუცი პაპა და ბებო ჯოხით რომ მიდიან, აი მათ რომ უყვართ ერთმანეთი, მრავალი ჭირი და ლხინი რომ ერთად გამოუვლიათ და გაუზიარებიათ.

აზროვნება, გარკვეული აზრით ზნეობაზე უპირატესია

ზნეობის პრინციპები ყალიბდება მსჯელობით. აზროვნება, ლოგოსი, გარკვეული აზრით ზნეობაზე უპირატესია იმ გაგებით, რომ ამ თავისუფალ და მიუკერძოებელ აზროვნებაში ყალიბდება ის ზნეობრივი პრინციპები, რომლებსაც მივყვებით და ვიცავთ.

ყველაზე მნიშვნელოვანი ჩემთვის, როგორც მოქალაქისთვის, გნებავთ როგორც მწერლისთვის, არის ის, რომ ჩვენ სწორად, ზუსტად გავაცნობიეროთ ჩვენი ქვეყნის ადგილი ამ დედამიწაზე. ამას სჭირდება მუშაობა, დაკვირვება, ერთმანეთთან საუბარი.

სად ვეძებოთ ბედნიერება?

ერთ უკრაინელ ფილოსოფოსს, სკავარადას აქვს ნათქვამი - ბედნიერება არსადაც არ არის და ყველგან არისო. იმიტომ, რომ სადაც არ უნდა წავიდეთ, ვერ ვიპოვით ბედნიერებას, - ჩვენშია ბედნიერება, სულ თან დაგვაქვს, და ამავე დროს, სხვაგან ვეძებთ

"ბავშვი არ გამომადგა"

"დრო არ მაქვს",
"ვერ ვიცლი",
"ბავშვი თავადაა ასეთი უხეში"
...
ყველაფერს მიაბრალებს მშობელი, როგორმე თავისი თავი რომ გაამართლოს.
ზოგი მშობელი ამბობს - "ბავშვი არ გამომადგაო".
"ბავშვი არ გამომადგა" კი არა, ჩვენ ვერ გამოვადექით ბავშვს

ვინ შეიძლება ვერ გიბიძგოს განვითარებისკენ, უკეთესი მომავლისკენ?

ის ხალხი, ვისაც შენ უკვე ყველაზე მეტად შეჩვეული ხარ, - შენი მეგობრები, ახლობლები, პროფესიული სანაცნობო და ა.შ, შეიძლება არ იყოს ყველაზე კარგი ხალხი, წინ, ანუ განვითარებისკენ და უკეთესი, უფრო მაღალი მწვერვალებისკენ რომ გიბიძგონ

რა არის სიკეთე?

სიკეთე არის ის, როდესაც ვინმეს ხელს გაუწვდი და არაფერს სამაგიეროს არ იღებ, არ ეძებ, არ ითხოვ. ეს არის ისეთი რამ, რომელიც ჩუმად უნდა აკეთო და არ სჭირდება მას დიდი პროპაგანდა და ყოველდღე ლაპარაკი, რომ მე ეს გავაკეთე, და ეს გავაკეთე

გინდა კეთილშობილი გაზარდო შვილი? - კეთილშობილი იყავი შენ. შენც დამშვენდები და შვილიც დამშვენდება.
დიდსულოვანი გინდა? - შენ თავად იყავი დიდსულოვანი.
დიდსულოვანი რომ გაზარდო შვილი, შენ თავად მოძებნე დიდსულოვნება საკუთარ თავში

აღზრდის პირველი კანონი

ჩვენ რომ ბავშვი გამარჯვებული გავზარდოთ, პირველ რიგში საკუთარი თავი უნდა აღვზარდოთ.
კანონია ასეთი - აღზრდა საკუთარი თავის აღზრდით იწყება.
შვილის აღზრდა გინდათ? - ჯერ საკუთარი თავი!
ბავშვის აღზრდა საკუთარი თავის აღზრდით იწყება