ციტატები, გამონათქვამები

თუ არ იპოვე "შენზე მაგარი" ხალხი, სხვები გიპოვიან

შენ თუ გამიზნულად არ იპოვე "შენზე მაგარი" ხალხი, ლოგიკურია, რომ სხვები გიპოვიან შენ, უფრო დაბალი განვითარების დონეზე მყოფი ხალხი, რომლებსაც უნდათ შენ დონეზე ამოსვლა.

თქვენ გარემოცვას დიდი გავლენა აქვს თქვენ განვითარებაზე

თუ ფიქრობთ, რომ ისეთ ადგილას ხართ, რომ მეტი განვითარება აღარ გინდათ, ასეთი ფიქრი შეცდომა იქნება ნებისმიერ ასაკში.

მე თუ მიგიღებ როგორიც ხარ...

მე თუ მიგიღებ როგორიც ხარ, - დავთანხმდები, რომ ისევ ისეთი დარჩე. მაგრამ, თუ შენში დავინახავ, რაც შეგიძლია გამოხვიდე, - დაგეხმარები განვითარებაში. ანუ, ვისაც მიღებული ყავხართ ისეთი, როგორიც ხართ, შეიძლება არ იყვნენ კარგი ხელშემწყობი თქვენი განვითარებისთვის.

ვინ შეიძლება ვერ გიბიძგოს განვითარებისკენ, უკეთესი მომავლისკენ?

ის ხალხი, ვისაც შენ უკვე ყველაზე მეტად შეჩვეული ხარ, - შენი მეგობრები, ახლობლები, პროფესიული სანაცნობო და ა.შ, შეიძლება არ იყოს ყველაზე კარგი ხალხი, წინ, ანუ განვითარებისკენ და უკეთესი, უფრო მაღალი მწვერვალებისკენ რომ გიბიძგონ

როგორ წრეშიც ტრიალებ, ისეთი გახდები ნელ-ნელა. ის ადამიანები, რომელთა წრეშიც თქვენ ხართ ხანგრძლივი დროის განმავლობაში, ძალიან მნიშვნელოვან ზეგავლენას ახდენენ თქვენზე, თქვენ პიროვნებაზე, თქვენ აზრებზე, შეხედულებაზე, აქედან გამომდინარე მოქმედებებზე, მენტალიტეტზე და ა.შ

ადამიანზე დიდი არსება სამყაროში არ არსებობს. ღმერთი, და მორჩა!
ჩვენც მოგვიწოდებს, განღმრთობისკენ.

ვინც აქ, ამ ცხოვრებაში ერთ ბოძს მიეჯაჭვება, - “ჩემი საკუთრებააო", - ჰგავს ბოძზე მიბმულ ძაღლს. ქონებაზე მიჯაჭვულ ადამიანს ყველაფერი აქ დარჩება, ასევე, აქ დარჩება ცუდი კვალიც

ჩვენ აქ სადა ვართ ახლა?

რაც არ უნდა სასახლეები ავიშენოთ, სასტუმროში ვართ მაინც. რაც არ უნდა ჩემი იძახო, მაინც სხვისი იქნება ის მერე.
ღირს ქონებით ტრაბახი? - არა!
უნდა გვქონდეთ საკუთრება, მაგრამ, განცდა საკუთრებისა მოვიცილოთ.
ჩემია, მაგრამ, შენიც არის!
ჩემია, მაგრამ შენიც იყოს!
ჩემია, მაგრამ შენთვის მინდა!

მე თუ ახლა შენ ცუდად მოგეპყრობი, ვის მოვეპყარი ცუდად, პირადად შენ? - შენში ღმერთს მოვექეცი ცუდად, შენში ღმერთი ვერ დავინახე

უსასრულობაში ვცხოვრობთ, როგორც თავად არ აქვს სასრული ღმერთს

ცათა სასუფეველში ღმერთს ის იხილავს, ვინც იგი დედამიწაზე დაინახა და შეიყვარა ადამიანში

თითოეული ჩვენგანი ათასობით ადამიანის იმედია

თითოეული ჩვენგანი რაღაცის დიდი მიზეზი ვართ. თითოეული ჩვენგანის ცხოვრება მიზეზია ბევრი ადამიანისა, რომლებიც ჩვენს გარშემო დაჯგუფდნენ. იმ ადამიანებისაც კი, რომლებსაც არ ვიცნობთ, თუმცა ჩვენი მიზეზების შედეგები გადაწვდათ. მათაც ერგოთ რაღაც, ან სიკეთე, ან სხვა რამ. ყველა ვართ მიზეზი.
აბა ნახეთ, რამდენი ადამიანია თქვენს ირგვლივ დაჯგუფებული. თუ თქვენ გამოეცლებით, მათ რაღაცა შეეშლებათ, არ გამოუვათ. ერთმანეთის იმედი გვაქვს. ერთმანეთზე ვამყარებთ იმედებს. გამოვეცლებით ერთმანეთს? - სული ჩამოინგრევა.
თითოეული ჩვენგანი ათასობით ადამიანის იმედია, საყრდენია

ყველაფრის მიზეზი ჩვენს ცხოვრებაში ჩვენ ვართ

არავის არაფერი არ მიაბრალოთ, იმიტომ, რომ ყველაფრის მიზეზი ჩვენს ცხოვრებაში ჩვენ ვართ

თუ რაღაც შეგემთხვათ ცუდი, არ ეცადოთ, სხვას მიაბრალოთ

თუ რაღაც შეგემთხვათ ცუდი (ღმერთმა ნუ ქნას), იმწამსვე იფიქრეთ, რა ჰქონდა ამას მიზეზად. არ ეცადოთ, სხვას მიაბრალოთ

მიზეზს დიდი ძალა აქვს

დამიჯერეთ, მიზეზს ძალიან დიდი ძალა აქვს და ის წყვეტს ჩვენს ბედნიერებას და უბედურებას

საქმე ორნაირია: პირველი - გავაკეთო, იმიტომ, რომ ვალდებული ვარ, მეტი გზა არ არის. მეორე - გავაკეთო, იმიტომ, რომ მინდა გავაკეთო.
როცა მინდა და ვაკეთებ, სულს ვაშენებ. როცა არ მინდა და ვაკეთებ - ვიღაცის მონა ვარ

დღის ანალიზი, დაგეგმვა

ჩვენი ცხოვრება გააზრებული უნდა იყოს. დღე რომ მთავრდება, უნდა იცოდე, ამ დღემ რა ქნა, რა მოგიტანა, რა წაგართვა, რა დაგიტოვა, სადამდე მიგიყვანა, რა გაგაცნობიერებინა,... ერთი ორი წუთით, ძილის წინ, არ შეიძლება ამაზე ვიფიქროთ?
სალოცავი რამ არის ახალი დღე!
დილით რომ ავდგები, ნუთუ არ უნდა ვიცოდე, რა შეიძლება მოხდეს მთავარი ამ დღეს?
ყველაფერს ვერ გავიგებ, იმიტომ, რომ ზოგიერთი რამ თვითონ შემოიჭრება ჩემ ცხოვრებაში და შეიძლება რაღაცა ამირ-დამირიოს,.. მაგრამ, მეც ხომ შემიძლია ცოტათი დავალაგო დღე?
მოცემულ დღეს ვიცი არა მარტო ის, თუ რას გავაკეთებ, არამედ - როგორი გულით გავაკეთებ

კეთილ მიზეზს აუცილებლად მოჰყვება კეთილი, თანაც გამრავლებული. ერთი დავთესე და ბევრჯერ უფრო მეტი მივიღე

სადაც შენი გასაკეთებელია და არ გააკეთებ, ცოდვაა. მაგრამ, სადაც შენი გასაკეთებელი არ არის და არც შეგიძლია რომ გააკეთო და მაინც გააკეთებ, ესაც ცოდვაა, იმიტომ, რომ არ იცი და დაანგრევ საქმეს

სულელ ადამიანს დიდხანს არ დაუდგე

კი მიყვარს, მაგრამ, არ დავუდგები დიდხანს. სულელ ადამიანს რომ დიდხანს დაუდგე, შეიძლება შენც გასულელდე. ამიტომ, კეთილი უსურვე მას და თუ არ შეგიძლია, რომ მოაჭკვიანო, წადი შენი გზით. მას თავისი მასწავლებელი მიუვა

ხანდახან ერთმანეთს ვუნგრევთ ხოლმე ბედნიერებას, მაგრამ, თვითონ მე ვარ ჩემი ბედის მშენებელი, არავინ სხვა!

არ არსებობს ბედნიერება მიზეზის გარეშე. ყველა ადამიანი იმ ბედნიერებას ღებულობს, რაც დაიმსახურა თავისი მიზეზებით

სადაც საქმე არ არის, ყველაფერი კვდება

ყველაფერი, რაც საქმით არ განმტკიცდება, მკვდარია:
მკვდარია ჩვენი რწმენაც, საქმეთა გარეშე;
მკვდარია ჩვენი სიყვარულიც, საქმეთა გარეშე;
ჩვენი ზრუნვაც საქმეთა გარეშე მკვდარია;
სადაც საქმე არ არის, ყველაფერი კვდება