ციტატები, გამონათქვამები

როგორ უნდა ისწავლოს ბავშვმა "მადლობა" ან "ბოდიში"?

როგორ უნდა ისწავლოს ბავშვმა "მადლობა" ან "ბოდიში", თუ მშობელი არასდროს არც ბოდიშს უხდის და არც მადლობას?

სხეულის მეხსიერება

ჩვენ გვაქვს ჩვენი მეხსიერება, მაგრამ სხეულსაც აქვს თავისი მეხსიერება. შესაბამისად, ჩვენი სხეული გვისიგნალებს, რაღაც დროს გვაძლევს სიგნალს, მინიშნებას.
ხშირ შემთხვევაში ტრავმები დაავადებად გვევლინება. იმას, რასაც ფსიქიკა ვერ გადაამუშავებს, იმ ემოციებს, რომლის უტილიზაციასაც ადამიანი ვერ მოახერხებს, შინაარსებს, რომლებსაც ადამიანი სახელს ვერ დაარქმევს, - გაიტყორცნება სხეულში და სხვადასხვა სიმპტომების და დაავადებების სახით მოვა

ტრავმების 90%-ზე მეტი მოდის ბავშვობის პერიოდში. დანარჩენი რაც ჩვენ გვემართება და რაც ხდება ჩვენ ცხოვრებაში, შეიძლება იმას ისეთი გავლენა არ ჰქონდეს, როგორც ბავშვობაში მომხდარ ამბებს

მასწავლებელს შეუძლია იამაყოს იმ "გონებაშეზღუდული" და "ჩამორჩენილი" ბავშვებით, რომლებსაც გონება გაუხსნა, ჩამორჩენილობა დააძლევინა და იმ დაწინაურებულ ბავშვებზე არანაკლები გახადა

მასწავლებლის სიამაყე ის არის, როცა გაჭირვებულ ბავშვს შეიყვანს ლხინში, როცა გაჭირვებულ ბავშვს გახდის გახსნილს. ასეთი მასწავლებელია ოსტატი. ეს არის მასწავლებლის ღირსება

მტერი შეიყვარე, თორემ ძმის სიყვარულს რა უნდა?
აბა მტერი შეიყვარე! აი აქაა შენი გამარჯვება, თორემ დედ-მამა და და-ძმა თუ გიყვარს, ამის გამო ნუ იფიქრებ - მოსიყვარულე ვინმე ვარო

არასოდეს არ მოუყვეთ ბავშვებს გაკვეთილი, ერთად ეძიეთ. თქვენც ვითომდა გეშლებათ, ვითომდა დაიბენით, ვითომდა არ გაგახსენდათ... ვითომდა! ესეც მეთოდებია

ბრძნული შეცდომები ბრძნული წინსვლაა, სულელური შეცდომები - ორმოში, ჭაში ჩავარდნა

ყველა მშობელი მართლა მშობელი კი არ არის, გამჩენია ბავშვისა, მაგრამ აღმზრდელი - არა. გაჩენა ადვილია, 9 თვე უნდა გაჩენას, მაგრამ 9 წელი არ ყოფნის გაზრდას

ბავშვს წარსული არ უყვარს. მით უმეტეს, როცა ვუხსენებთ წარსულ ცუდს, ბავშვი გიჟდება ამის გამო, მოთმინებას კარგავს, მდგომარეობიდან გამოდის

მარტო, თვალებდახუჭული, ჩემ თავში უკვდავებას ვერ ვიპოვი. ჩემ საუკეთესო ძალებს ვერ აღმოვაჩენ. თქვენთან ურთიერთობა მინდა

მასწავლებელო, ბავშვის ტოლი უნდა გახდე

დასმენა ბავშვისა მშობელთან

ბავშვის დასმენა მშობელთან - შენი ბავშვი არ სწავლობს, ამას არ აკეთებს, ცუდად იქცევა, ჰიპერაქტიურია... - ეს რა თაიგულია დასმენისა?
არასოდეს არ დაასმინოთ ბავშვი მშობელთან. იმიტომ, რომ, ჯერ ერთი, მშობელმა არ იცის, როგორ მოიქცეს ამ დროს ბავშვთან. თუ ბავშვი ჰიპერაქტიურია, რა ქნას დედამ, ამოჭრას ბავშვისგან ეს ჰიპერაქტიურობა? არ იცის პედაგოგიკა. თქვენ იცით და ვერ აკეთებთ და მშობელს ავალებთ?
ამრიგად, არ დაასმინო ბავშვი. თუ რამ შენი გასაკეთებელია, შენ გააკეთე. თუ ბავშვი გაკვეთილზე არ გისმენს, რა შუაშია მშობელი? აი მიეცი საინტერესო გაკვეთილი და მოგისმენს, გაოცდება, გაიკვირვებს

სკოლაში ბავშვის დასჯა

მასწავლებლებო, ბავშვის დასჯა ყველაზე დაბალი დონის ქცევაა

ჩვენ სამშობლოს უნდა გავუზარდოთ მოქალაქეები, რომლებმაც ერთობაც იციან რა არის, ურთიერთგაგებაც აქვთ, და მართალი სიყვარულიც უდევთ გულებში

როგორი ფერუმარილიც არ უნდა წაისვა და როგორი ლამაზი ფრჩხილებიც არ უნდა გქონდეს, სული თუ გაქვს ცუდი, არ ვარგიხარ

სული თუ არ გივარგა, გარეგნული ფორმა არაფერს არ მოგცემს

სამი რამ გვინდა ფსიქოლოგიაში, რომ თანხმობა მივიღოთ - განვითარება, თავისუფლება, ზრდა. თუ ამას აკმაყოფილებ, ბავშვი გამოგყვება შენ, თუ არადა - ფეხს აითრევს

მასწავლებლებო, ჩვენ ღმერთის საქმის შემსრულებლები ვართ დედამიწაზე. ღმერთის თანამოღვაწეები რომ გავხდეთ, უნდა ვიყოთ სინათლის მასწავლებლები

მრავალფეროვნება სასწავლო პროცესში

რა ერთფეროვნებაშიც მოვაქცევთ ბავშვს სკოლაში, იმ ერთფეროვნებას მივიღებთ. მრავალფეროვანი უნდა იყოს ჩვენი სასკოლო ცხოვრება, რომ მრავალფეროვნები გამოვიდეთ, მრავალგვარი ხედვა გვქონდეს, ფართო ცნობიერებას დავეუფლოთ. თუ ეს არ მოხდება, მაშინ აღზრდა დაკარგავს თავის ძალას

როგორი იყოს მასწავლებლის სიტყვა?

მასწავლებლის სიტყვა უნდა იყოს ლამაზი და დახვეწილი, ნაცვლად მუქარიანი, გაბრაზებული, მრავალტონიანი და ყვურილიანი სიტყვისა

ჩვენი მეტყველება ჩვენი საკუთარი სულის გამომზეურებაა. რასაც ფიქრობ, შიგნით რაც ხარ, სიტყვას გამოაქვს გარეთ

თუ ჩვენ სიყვარულის გამტარნი ვიქნებით, შესანიშნავი მასწავლებელი გამოვა თითოეული ჩვენგანისგან. თუ არადა, მასწავლებლობაც დაკარგულია - დავუყვირებთ, ვეჩხუბებით, ვაიძულებთ, მშობლებს დავიბარებთ, რომ ვუთხრათ, თუ რა ცუდი შვილები ჰყავთ და ა.შ - აი ეს გამოვა მოსწავლის მიმართ სიყვარულის გარეშე

ურთიერთობაში არ შეიძლება სიძულვილი შეურიო. არ შეიძლება ვინმე არ გიყვარდეს. თუ ვინმესთან ურთიერთობ, როგორიც არ უნდა იყოს ის, ბავშვი იქნება თუ დიდი, უნდა წინასწარ გიყვარდეს, თორემ ურთიერთობა იქნება დამშლელი