ციტატები, მოკლე გამონათქვამები

ფეხი შეიძლება მრავალჯერ გადაგვიბრუნდეს. ადამიანი კოჭლი არსებაა თავისი არსით. არავინ არ არის შეცდომებისგან დაზღვეული.

ბიჭივით ვარ, იმიტომ, რომ ცხოვრება მიყვარს (და ცოლიც მიყვარდა და ეხლაც მიყვარს), ვისაც ცხოვრება უყვარს, ბიჭივით იქნება სულ

თუ ბავშვს უყვირი, და იქვე იცი, რომ არ შეიძლება ყვირილი, არ არის ეთიკური, ნორმალური,.. მაშ, ვინ უფრო დამნაშავეა, ბავშვი თუ შენ?

ისტორიის თავისთავადი მონაწილე

ისტორიაში მონაწილეობს რაღაცა, რაც ხდება თავისთავად და არაა იმიტომ, რომ მის უკან არის ადამიანის განზრახვა და ფსიქოლოგია.

დინების წინააღმდეგ უნდა წავიდეთ.

ცხოვრება წინააღმდეგობრივია. დინების წინააღმდეგ უნდა წავიდეთ.
სათავეა ჩვენი ცხოვრების საწყისი, სათავისკენ უნდა ვიაროთ

მასწავლებლის წითელი კალამი უნდა ჩანაცვლდეს მწვანე კალმით და ხაზი გაესვას მოსწავლის დამსახურებებს შეცდომების ნაცვლად

სულიერი ადამიანი ჭამა-სმას და სიამოვნებს კი არ არის გადაყოლილი მარტო, სულზეც ზრუნავს. სულს უნდა დიდი ყურადღების მიქცევა

ყველაზე კარგი ცხოვრების წესი რა არის? - ვიყოთ მუდმივი მოსწავლე!
მოსწავლე ვიყოთ ყველასთვის, მათთვის, ვინც ჩვენზე მეტი იცის

ცოდვილს, დაცემულს, გაცილებით დიდი ალბათობა აქვს იმისა, რომ ღმერთამდე მივიდეს, ვიდრე - თვითდაჯერებულ მორწმუნე ფარისეველს.

მე თუ ახლა შენ ცუდად მოგეპყრობი, ვის მოვეპყარი ცუდად, პირადად შენ? - შენში ღმერთს მოვექეცი ცუდად, შენში ღმერთი ვერ დავინახე

რაც უფრო ცოტა ვიცით, მით უფრო თვითდაჯერებულები ვართ და მზად ვართ დავახრჩოთ სხვა, ვისაც იგივე პოზიცია არ აქვს, და, ვახრჩობთ.

ადამიანი, რომელთანაც ხარ, იმიტომ არ უნდა შეამოწმო და უთვალთვალო, რომ სწორედ ამ ნდობით უმტკიცებ, რომ გიყვარს და პატივს სცემ

ფიქრების კონტროლი შეგიძლიათ?

ფიქრებს არ სჭირდებათ კონტროლი, ფიქრები უნდა მოვიდნენ. უბრალოდ, ამ ფიქრების წაკითხვისას მათი სწორად დალაგება უნდა ვცადოთ.

გისურვებთ, გქონდეთ ისეთი საქმე, რაც მთელი გულით გეყვარებათ და სიხარულით გააკეთებთ, დრო რომ ისე გავა, რომ ვერც კი შეამჩნევთ.

რა არის ეგოიზმი?

ეგოიზმი რა არის? - ის, რომ შენ ხარ ჩემ ცხოვრებაში, მაგრამ მე ჩემ თავს შენზე მაღლა ვაყენებ და შენგან მინდა ამოვწურო ყველაფერი.

ყველა მთავრობა წყალია

საქართველო მთავრობა არ არის. ყველა მთავრობა წყალია. ეს მთავრობაც წყალია. წყალი წავა და ქვიშები დარჩებიანო. ჩვენ ვართ ქვიშა

შენ თუ სწორ პროფესიას აირჩევ და წარმატებული იქნები, მონდომებულ, მშრომელ, გაჭირვებულ ადამიანებს უკეთეს ცხოვრებას შეუქმნი.

პათოლოგიურ ტყუილში, რომელიც ჩვენს ყოველდღიურ ცხოვრებაში განსაკუთრებით გავრცელებულია, ეს არის მითომანია და ფსევდოლოგია.

ადამიანი უკვდავია, არა კვდება. რომც გინდოდეს, რომ თავი მოიკლა, ვერ მოიკლავ, იმიტომ, რომ ადამიანს აქვს სული და ის არის უკვდავი

როგორი იყოს მასწავლებლის სიტყვა?

მასწავლებლის სიტყვა უნდა იყოს ლამაზი და დახვეწილი, ნაცვლად მუქარიანი, გაბრაზებული, მრავალტონიანი და ყვურილიანი სიტყვისა

წამოცდენა არის ჩვენი არაცნობიერის ენა,
ისევე, როგორც სიზმარი, სხეულის შეგრძნებები, ნახატი, შემოქმედება, გამოძერწილი და ა.შ

თუ სიტყვა სიყვარული დავკარგეთ, ცხოვრება დაგვეშლება. ბედნიერება უსიყვარულოდ არ არსებობს. არაფერი არ არსებობს უსიყვარულოდ

რომელ ასაკოვან ადამიანს ვუსმენთ

მოვუსმინოთ!
აბა მოდით ვნახოთ, რომელ ასაკოვან ადამიანს ვუსმენთ,.. აღარ ვუსმენთ. თავი ყველაზე ჭკვიანი და განათლებული გვგონია

მიეცით შვილს უფლება, იამაყოს თქვენით. თუ თქვენი შვილები თქვენით არ ამაყობენ, გამოდის, რომ თქვენი აღმზრდელობითი ძალა სუსტია