ციტატები, მოკლე გამონათქვამები

დაიპყრეს ახლანდელი ბავშვები პლანშეტებმა, სასიამოვნო საყურებლებმა და გასართობებმა. ეს გასართობები აღზრდისთვის არაა გამოგონილი

თვითნებობა არ არის თავისუფლება. თავისუფლება, ტრადიციული გაგებით არის, - რომ შეიცნობ ჭეშმარიტებას და ჭეშმარიტება გაგათავისუფლებს.

თუ არ იქნებით როგორც ბავშვები, ვერ შეხვალთ ცათა სასუფეველშიო. - ეთამაშე ცხოვრებას - ბავშვს როგორც უყვარს, აი ასე გიყვარდეს ცხოვრება.

თუ ერთი მეზობელი გიყვარს და მეორე არა, მაშინ კეთილშობილი არა ხარ.
თუ მშობლები დაივიწყე, რა კეთილშობილებაზე შეიძლება იყოს ლაპარაკი?

ჩვენ, სხეულის ენით, შეგრძნებებით, განწყობებით, ისე შეგვიძლია გამოვიწვიოთ ადამიანის კეთილგანწყობა, რომ ერთი სიტყვაც არ დაგვჭირდეს.

ახალგაზრდობაში ვერ ვგრძნობთ ხოლმე დროს. გვგონია, რომ ძალიან ბევრი დრო გვაქვს.
ყოველ წუთს, საათსა და დღეს დიდი მოფრთხილება სჭირდება

ბოროტები ადრე მიდიან ამ ცხოვრებიდან

აბა ვინმემ ამის სტატისტიკა ჩაატაროს - ბოროტები ადრე მიდიან ამ ცხოვრებიდან.
რატომ? - მიჰყავთ ადრე!
კეთილი ცოტა უფრო მეტხანს ცხოვრობს.

ჰუმანური საქართველოს მე-8 მცნება

საქართველოში ყოველთვის იყო ეს ცნება - საერთო კეთილდღეობა - ზრუნვა ხალხზე, ერზე.
ვიზრუნოთ არა მარტო საკუთარ თავზე, არამედ - ერთმანეთზე

ბავშვის ტექნიკისადმი დამოკიდებულებას უნდა ვუშველოთ პირველ რიგში ჩვენი თავით.
მოიქეცი ისე, რომ ბავშვისთვის შენ უფრო საინტერესო იყო

არის ორი სიტყვა, ერთმანეთზე უკეთესი - აღზრდა და თვითაღზრდა.
აღზრდა - როცა ჩვენ ვზრდით ბავშვს.
თვითაღზრდა - როდესაც საკუთარ თავს ვზრდით

ჩვენ უნდა მოვნახოთ ფორმები, დრო, საშუალება და ენერგია, ბავშვამდე რომ მივიდეთ, ბავშვისთვის გასაგებ ენაზე, გართობით, თამაშით, სიხარულით

სული უკვდავი არსებაა. ყველას გვაქვს უკვდავი სული, ჩვენ კი მხოლოდ ამ სხეულს დავდევთ - რა ვასიამოვნო, რა ვაჭამო, რით გავართო, რით ვილხინო...

რაც ნათლად ცხოვრობ, მეტი ძალა გაქვს და მეტად წინ მიდიხარ, ხოლო რაც უფრო დაიგროვებ წყენას, სიძულვილს, ცუდსიტყვაობას,.. მეტად ჩამოგარჩენს

მანამ ხარ ახალგაზრდა, სანამ...

არავის მიმართ არ გამოიყენოთ სიტყვები: "მოხუცი", ბებერი. ადამიანი მანამ არის ახალგაზრდა, სანამ ფეხზე დგას და შეუძლია კეთილი სიტყვა თქვას

ეჭვიანობა ურთიერთობაში არის უნდობლობა. თუ მიყვარხარ და არ გენდობი, გამოდის, რომ პატივს არ გცემ და თუ პატივს არ გცემ, სიყვარულიც საეჭვოა

ბავშვს წარსული არ უყვარს. მით უმეტეს, როცა ვუხსენებთ წარსულ ცუდს, ბავშვი გიჟდება ამის გამო, მოთმინებას კარგავს, მდგომარეობიდან გამოდის

ცოდნის მიღება უფრო მნიშვნელოვანია თუ გაზიარება? - თუ გავითვალისწინებთ, რომ "რასაცა გასცემ შენია", მაშინ ორივე თანაბრად მნიშვნელოვანია.

ისეთი სახელმწიფოებრივი სისტემა გვჭირდება, სადაც ადამიანს ექნება შრომის უფლება და საშუალება, რომ საკუთარი თავი ამ პროცესში გამოხატოს.

ადამიანი დათქმების გარეშე ქაოსში აღმოჩნდება. ქაოსში ცხოვრება არ გვინდა, გვეშინია, მაგრამ, ამავდროულად, წესრიგში ცხოვრებაც მტანჯველია.

დღის ბოლოს თუ დაფიქრდები - დღეს რით გახდი ჭკვიანი, ხშირ შემთხვევაში აღმოაჩენ, რომ არაფრით არ გამხდარხარ ჭკვიანი და ტყუილად ისვრი დღეებს!

ეს არის სიყვარული!

უნდა მოვიკლოთ, რომ გაჭირვებულს შევეშველოთ.
აი ასეთია სიყვარული.
იტყვიან ხოლმე - ლუკმა პური გამოიღო და სხვას გაუწოდაო - ეს არის სიყვარული!

ჩვენ სამშობლოს უნდა გავუზარდოთ მოქალაქეები, რომლებმაც ერთობაც იციან რა არის, ურთიერთგაგებაც აქვთ, და მართალი სიყვარულიც უდევთ გულებში

ბავშვები თქვენი გამზრდელებიც არიან. ბავშვებს ჩვენ კი არ ვზრდით მარტო, ისინიც გვზრდიან და გამოცდებს გვიწყობენ: მოთმინებაში, სიმშვიდეში...

წიგნი არის სიცოცხლე. წიგნები ჩვეულებრივ ადამიანებზეა დაწერილი. თუ ამას გავაცნობიერებთ, მივხვდებით, რომ წიგნი არის საჭირო და აუცილებელი.