ციტატები, მოკლე გამონათქვამები

შენი ცხოვრება უნდა შექმნა შენს საყვარელ ადამიანებთან ერთად, ისე, რომ თავისებური სილამაზე და ესთეტიკა ჰქონდეს. თუ მხოლოდ მატერიალურზე ფიქრობ და ადამიანური ურთიერთობები არ გაინტერესებს, მაშინ ეს მხოლოდ არსებობაა

ძალიან დიდი მნიშვნელობა აქვს ბავშვის გარემოს დაბადებიდან უახლოესი თვეების განმავლობაში. ჩვენ გვგონია, რომ ეს არ არის მისი მეხსიერების ნაწილი. ცხადია, გონებას არ აქვს ტიპური მეხსიერება, თუმცა, სხეული იმახსოვრებს.

გაიმეორეთ გულში ეს: "მე ვღებულობ ბედნიერი ცხოვრების კანონს - ვიცხოვროთ სიყვარულში"
ასეც მოვიქცევი - ვიცხოვრებ სიყვარულში
დიახაც!
მთელი წელიწადი - 365 დღე და მერეც, ვიცხოვრებ სიყვარულში!
გამოვცდი ჩემ თავს სიყვარულში!

რაღაცა დაკარგე? - ჭკუით ამაღლდი, მომავლისთვის გაფრთხილდი, აღარ დაკარგავ. მაგრამ ვინც ის იპოვა, სიკეთე შეუთვალე მას, ალბათ სჭირდებოდა და იპოვა.
იტყვიან ხოლმე - როცა რამეს დაკარგავ, თქვი, ალბათ დრო დადგა, ახალი შევიძინო

გაღიზიანებული ქალი ოჯახში

ცუდი რაღაცაა გაღიზიანება. ქალი თუ გაღიზიანებულია, იფანტება ოჯახი, ბავშვები იმალებიან, ქმარი ყურებზე ხელებს იფარებს,.. აბა გაღიზიანების მომენტში სარკეში ჩაიხედეთ, რაც მეტად გაღიზიანდები, მეტად დაკარგავ სილამაზეს...

ასეთ სივრცეებში ხდება ჭეშმარიტების შეცნობა!

რისხვის და მიკერძოების გარეშე სივრცეს რომ სპეციალურად სპობ, ეს უკვე აპრიორი ცუდია. ასეთი სივრცეები რაც შეიძლება მეტი უნდა შეიქმნას. ასეთ სივრცეებში ხდება ჭეშმარიტების მიმართ სწორი აზარტის განვითარება და შეცნობა.

რამდენადაც წმინდაა გული, ისეთივეა ხედვა. როდესაც ადამიანს გული აქვს დაბინძურებული, ხედვაც ასეთი აქვს. ძალიან რელიგიურები იყვნენ ქრისტეს ჯვარმცმელები, მაგრამ მათი გული ვერაფერს გრძნობდა. გაქვავებული ჰქონდათ გული.

აბორტს გადარჩენილი ბავშვები

არსებობს კვლევები, რომ აბორტს გადარჩენილი ბავშვი არის ძალიან აგრესიული მშობლების, დედის მიმართ. არ ენდობა სამყაროს, დედას. შესაბამისად, არის ძალიან აგრესიული და თითქოს დედის დასჯის სურვილი და მოთხოვნილება უჩნდება

შვილთან მეგობრობა და ცოლის სიყვარული!

აღზრდაში ბევრი რაღაცა იცვლება, მაგრამ ზოგი რამ უცვლელია და წითელი ხაზივით უნდა გაჰყვეს ბოლომდე - შვილთან მეგობრობა და ცოლის სიყვარული.
თუ ცოლის სიყვარული დაირღვა, ოჯახი ლაყლაყებს. შეიძლება გაექცნენ კიდეც ერთმანეთს

როგორც ექიმები გვირჩევენ, მელატონინი აუცილებელია, რომ გამომუშავდეს . მელატონინის გამომუშავების საათები არის ღამის 12-დან 2 საათამდე. ეს პერიოდი ყველა ვარიანტში ჯობია რომ გვეძინოს, რომ ორგანიზმმა ეს ნივთიერება მიიღოს

როდესაც გაუმართავი ავტომობილით მოძრაობ

როდესაც შენ გაუმართავი ავტომობილით მოძრაობ და გარემოს აბინძურებ, ეს ხომ უპასუხისმგებლობის ნიშანია. ვიღაც იტყვის - მიჭირს და რა ვქნაო, - რას ნიშნავს გიჭირს, სხვები დავაზიანოთ ამის გამო? სხვას მოვპაროთ? არა, ასე არ ხდება!

როცა ადამი ცოდვით დაეცემა, ის ცხოვრებას იწყებს თავისი ეგოსთვის. დამნაშავეა ცოლიც, ღმერთიც, გველიც,.. მთელი სამყარო. მხოლოდ ისაა მართალი, მისი ეგო უნდა დაკმაყოფილდეს აუცილებლად. აღარავინ აღარ ახსოვს, თავისი თავის გარდა.

დედებო, თქვენ შვილებში თესლია პიროვნებისა. თქვენზეა დამოკიდებული, თქვენს ნიჭზე, ზრუნვაზე, აღზრდის ხასიათზე, რომ მათში მართლაც დაიბადოს ნებისყოფიანი, ცხოვრების აზრის მცოდნე პიროვნება, და გამარჯვებული დედები იქნებით

როგორც კი ვინმე ეცდება, ალტერნატიული წყარო გააჩეროს, თუნდაც იმ მიზნით, რომ თვლიდეს, რომ ეს პროპაგანდაა, გამოდის, რომ უკვე თვითონ ეწევა პროპაგანდას, რადგანაც პროპაგანდის ფორმა ზუსტად ეგ არის - არ ტოვებს ალტერნატიულ გზას

წიგნები, რომლებიც წაკითხული უნდა გვქონდეს

ყველა ქართველს უნდა გვქონდეს წაკითხული ვეფხისტყაოსანი. ვაჟა ფშაველას "ალუდა ქეთელაურს" შევთავაზებდი აუცილებლად, და რომ იგრძნოს - რა არის ქართული ლექსი - წავაკითხებდი გალაქტიონ ტაბიძის ტექსტს "ქარი დაცხრა სიბობოქრის".

წინასწარმეტყველი, რომელსაც არ დევნიან, ცრუ წინასწარმეტყველია. წინასწარმეტყველის ხვედრია, რომ დევნის საზოგადოება, იმიტომ, რომ ის იმას ამბობს, რაც სხვებს არ აწყობთ და სხვები ამისთვის დასცინიან და შეიძლება მოკლან კიდეც.

თუ დარდი შემოგეყარა გულს...

თუ დარდი შემოგეყარა გულს, სხვას გადაუყარე დარდი, და ნახე როგორ გადაგეყრება შენც დარდი.
არ უნდა იფიქრო მარტო შენ თავზე.
"ასე ვარ, ისე ვარ, ძლივს დავდივარ, ფეხი ვერ გადამიდგია,..." გასაგებია, მაგრამ შენზე უარესად რომ სხვა არის?

ეკლესია გადამრჩენელი ხომალდია ოკეანეში

როგორც ოკეანეში გემი, კიდობანი, ისე არის ეკლესიაც, სადაც ადამიანს შეუძლია გადარჩენა. ზოგი ეკლესიის წიაღშიც ვერ გადარჩება, - ჩვენ არ ვიცით ვინ რა მდგომარეობით და რა გულისთქმით გავა ამ წუთისოფლიდან, ეს მხოლოდ ღმერთმა იცის.

ყველაზე მეტად ფუნდამენტალურად მნიშვნელოვანი, იმისათვის რომ ადამიანი არ მივიდეს ღმერთთან, ეს არის ის, რომ ადამიანი მოწყდეს ეკლესიას, გაუუცხოვდეს სულიწმინდის მადლს, იმ მსახურებას, რომელის ეკლესიის კრებულში აღესრულება.

შექმნა სხვისთვის, დათმო სხვისთვის

სიყვარული არის რაც შეგიძლია შექმნა სხვისთვის ან დათმო სხვისთვის. თან ერთი მეორეს გარეშე არ არსებობს, რა თქმა უნდა.

ნათქვამია ადრე ასეთი შესანიშნავი ფრაზა, რომ სიყვარული არის ის, რომ იცხოვრო მისი ცხოვრებით ვინც გიყვარს.

ჰუმანური საქართველოს მე-9 მცნება

ჰუმანური აღზრდა არის ჰუმანური საქართველოს მე-9 მცნება.
როგორია ჰუმანური აღზრდა, ამას ბევრი განმარტება შეიძლება მოჰყვეს. თუმცა დიდწილად მეტყველებს ყველა დანარჩენი მცნება, - რწმენით, სიყვარულით, სიკეთით, სიხარულით აღზრდა

მდინარეს ვერ შეაჩერებ. თუ არ გინდა, რომ იგივე მიმართულებით იაროს, სხვა კალაპოტი უნდა შეუქმნა. ბავშვებიც, თუ არ გვინდა, რომ იმ გარემოში იყვნენ, სადაც შეიძლება გზა აერიოთ, მაშინ რაღაც სხვა ალტერნატიული გარემო უნდა შევუქმნათ

როგორი წარმოდგენა უნდა გვქონდეს ბავშვზე?
- დიდი! ის პატარაა, მაგრამ მასში დიდი ძალებია. ღვთიური ძალებია ბავშვში. პიროვნული თესლი უკვე ჩათესილია მასში. ღმერთმა ჩათესა. ჩვენ მარტო წყალი უნდა დავუსხათ, რომ ეს თესლი გაღვივდეს

ასე შევმატოთ სიყვარულს სიმშვენიერე

მოვლა უნდა სიყვარულს, როგორც ქოთანში ყვავილს.
ვეფეროთ სიყვარულს.
შევმატოთ ჩვენ სიყვარულს სიმშვენიერე: სახის გამომეტყველებით,
ხმით,
ხელების მოძრაობით,
მოთმინებით,
დათმობით,
ალერსით,..
გავამშვენიეროთ ჩვენი სიყვარული