ციტატები, მოკლე გამონათქვამები

სულელ ადამიანს დიდხანს არ დაუდგე

კი მიყვარს, მაგრამ, არ დავუდგები დიდხანს. სულელ ადამიანს რომ დიდხანს დაუდგე, შეიძლება შენც გასულელდე. ამიტომ, კეთილი უსურვე მას და თუ არ შეგიძლია, რომ მოაჭკვიანო, წადი შენი გზით. მას თავისი მასწავლებელი მიუვა

უნდა გაუგო ახალგაზრდობას

ჩვენმა თაობამ უნდა ეცადოს, რომ როგორმე ახალგაზრდა თაობას გაუგოს, თუ ვერ გაიგებს, ან არ მოინდომებს გაგებას, აუცილებლად წააგებს, იმიტომ, რომ ის ახალგაზრდაა, ენერგიით და იდეებით სავსე.
უნდა გაუგო ახალგაზრდობას!

მტერი ერის სხეულისა

გარყვნილების პროპაგანდა, ნარკოტიკების პროპაგანდა, აზარტული თამაშების პროპაგანდა არის ძალადობა ერის სხეულზე და ყველა ვინც მას იწყნარებს და ყველა ვინც მასთან, ფოე-ფოე თანაცხოვრობს არის მტერი ერის სხეულისა.

სიყვარული სილგრძელია,
ქველმოქმედია,
ყოველივეს იტანს,
ყველაფერი სწამს,
ყველაფრის იმედი აქვს,
არ შურს,
არ ყოყოჩობს,
არ ამპარტავნობს,
არ სჩადის უწესობას,
არ ეძებს თავისას,
არ რისხდება,
არ განიზრახავს ბოროტს

გაიღიმეთ 😊

სიყვარული საქმეთა გარეშე ფუჭია. ამიტომ, საქმით დავამტკიცოთ ჩვენი სიყვარული. უხვად გავცეთ ჩვენი სულიერი განძი - ღიმილი.
გაიღიმეთ 😊 გიხდებათ ღიმილი
ღმერთმა ჩვენი მშვენიერებისთვის გვაჩუქა ღიმილი ადამიანებს

არ შეგშურდეს! შური თუ არ ჩამოიცილე ბედნიერი ვერ იქნები.
წყენა თუ არ ჩამოიცილე, ბედნიერი ვერ იქნები.
თუ მიტევება არ იცი, ბედნიერი ვერ იქნები.
თუ მტრობა გაქვს ვინმეს მიმართ, რა ბედს უნდა ეწიო? ვერ იქნები ბედნიერი

როგორ ავარიდოთ თავი ფსიქოლოგიურ სიკვდილს?

ფსიქოლოგიურ სიკვდილში არშესვლა და ადამიანის ბუნებრივი მოთხოვნილება, რომ იცოცხლო ფსიქოლოგიურად, ეს არის - ღვაწლი საზოგადოებისთვის, სოციალური ღირებულებები და სოციუმისთვის შენი მხრიდან სიცოცხლის მინიჭება.

ხმალს წინ იდეა თუ არ უძღვის ...

ილია ჭავჭავაძე მახსენებს გრიგოლ ხანძთელს, და ვუწოდებ მე - გრიგოლ ხანძთელს ათასი წლის შემდეგ. ორივე მიხვდა ერთ მთავარ ამბავს, ხმალს, იარაღს იდეა თუ არ უძღვის, ისე ის ხმალი ან დაიჟანგება ან წააგებს ნებისმიერ ომს.

საბჭოთა კავშირის დროს, რასაც ოფიციალური მედია გაწვდიდა, უნდ მიგეღო დიდი კრიტიკული ხედვით, რადგანაც წყობა იდეოლოგიური იყო და თავში გიტენიდნენ, რაც აწყობდათ. შენი გონების საცერში უნდა გაგეტარებინა ყველაფერი.

რაღაცის ყველას სწამს

შეიძლება ადამიანს არ სწამდეს და ამბობდეს, რომ მე ვარ ათეისტი. აგნოსტიკი იყოს და ამბობედეს, რომ მე ვეძებ. ან საერთოდ მწამს ან არ მწამს, მაგრამ ყველა აქვს თავისი აზრი. რომ არ გწამს ეს უკვე იმის რწმენაა, რომ არ გწამს.

ყველა ადამიანი არის ხატი ღვთისა. შეიძლება მისი საქციელი არ მომწონს, მაგრამ, არ შეიძლება, რომ მე თავად ის ადამიანი არ მიყვარდეს. თუკი ქრისტიანი ვარ, აუცილებლად უნდა მიყვარდეს ისიც კი, ვისი საქციელიც არ მოგვწონს.

მეგობრობის გარეშე არ გამოგვივა თანამედროვე ინდიგო ბავშვების აღზრდა, ტყუილია.
არ ეცადოს მშობელი, რომ ზემოდან დაადგეს ბავშვს და თითით უჩვენოს - სად წავიდეს, სად არ წავიდეს, ვისთან იმეგობროს, ვისთან არ იმეგობროს

როცა არ მოდის წვიმა...

როცა არ მოდის წვიმა, როგორც ვაჟა ამბობს, შენ თვითონ უნდა მოხვიდე წვიმად ან მოიყვანო წვიმა თუ შეგიძლია.

ნაბიჯი, ნაბიჯი... მე ესე აღვიქვი დღევანდელი ეპოქა, რომ ნაბიჯს ითხოვს პოეტისგან და თუ ნაბიჯია, კვალიც იქნება.

მადლიერება ერთ-ერთი ძალიან ღირსეული თვისებაა ადამიანისა. პიროვნება არ არსებობს მადლიერების თვისების გარეშე.
მადლიერნი ვიყოთ ყველასი და ყველაფრის, მიუხედავად იმისა, თუ როგორ გვექცევა ყველა და ყველაფერი ჩვენ

სილამაზით ვისაც თავი მოაქვს

არ არსებობს ადამიანი, ნიჭი რომ თავისით შეიქმნას. ძალიან სასიამოვნოა, ადამიანი რომ კარგია და ლამაზია, მაგრამ, სილამაზით რომ თავი მოაქვთ, არაა სწორი. თავად ნამდვილად არ გამოუგონიათ თავიანთი ცხვირი, ნიკაპი, თვალი...

სადაც საქმე არ არის, ყველაფერი კვდება

ყველაფერი, რაც საქმით არ განმტკიცდება, მკვდარია:
მკვდარია ჩვენი რწმენაც, საქმეთა გარეშე;
მკვდარია ჩვენი სიყვარულიც, საქმეთა გარეშე;
ჩვენი ზრუნვაც საქმეთა გარეშე მკვდარია;
სადაც საქმე არ არის, ყველაფერი კვდება

ვიყოთ ისეთი სრულყოფილნი, როგორი სრულყოფილიც არის ჩვენი ზეციერი მამაო - ეს ქრისტემ რომ დაგვარიგა. ამით რა გვითხრა ქრისტემ? - ის, რომ მე თურმე შემძლებია ღმერთკაცი გავხდე. თუკი ვიზრუნებ, მე შემიძლია ამ დონეს მივაღწიო

მეტი ცოდნა

ყველაზე დიდი პოლიტიკაა, საკუთარი საქმისადმი ერთგულება და პროფესიონალიზმი. და ამისთვის ყოველდღიური, ყოველწამიერი, ყოველწუთიერი სწრაფვა სიღრმეებისაკენ. პროფესიული ოსტატობისაკენ და მეტი ცოდნის ათვისებისაკენ.

თუ გინდა რომ იყო წარმატებული... / შრომა და წარმატება

წარმატების ყველაზე დიდი მიზეზი არის შრომა. შრომის გარეშე არ არსებობს წარმატება. ეს უნდა დაივიწყო ადამიანმა, ყველაფერი გვერდზე უნდა გადადო, თუ გინდა, რომ იყო წარმატებული. ყველაფერი საერთოდ... რაც კი წარმოგიდგენია.

ცხოვრებაზე და გამოცდილებაზე ძვირფასი არაფერი გვაქვს ჩვენ.
თუ ჩავუფიქრდებით სად რა შეგვემთხვა, როგორ გავართვით თავი, როდის რა როგორ მოხდა,.. თუ ასეთ მომენტებს გავაანალიზებთ ხოლმე, უთუოდ რაღაცა სიბრძნე დაგვრჩება

გზა და ჭეშმარიტება ქრისტეა

ინტელექტუალური შრომა არის დამხმარე საშუალება, სანათი, რომლითაც გზა უნდა გავინათო, თორემ თვითონ გზა - ქრისტეა. ჭეშმარიტება ქრისტეა. ამ გზას მე არ ვადგენ, მოცემულია ჩემთვის, და ისიც ვიცი, რომ ვიწროა და რთულად სავალი.

როგორი უნდა იყოს, ხელოვანი, შემოქმედი, პოეტი...

ნებისმიერი მიმართულების შემოქმედი, იქნება ეს პროზაიკოსი, პოეტი, მხატვარი, კომპოზიტორი თუ არქიტექტორი, უნდა ქმნიდეს ისეთ ხელოვნების ნიმუშს, რომ მათი მომსმენი, წამკითხველი თუ მნახველი, გახდეს უკეთესი, ვიდრე არის.

მიიღეთ ცხოვრებაში ყველაფერი ისე, როგორც ხდება. ხდება ეს უკვე. გაღიზიანება ვერ გიშველის, ძალებს დაკარგავ.
თუ შეგიძლია უშველე, დაეხმარე, გადაარჩინე, ჩააქრე,.. გაღიზიანება ვერაფერს ვერ შეცვლის კარგისკენ, ცუდისკენ - კი

ღმერთისა და ნათლის რწმენას, მათკენ მისწრაფებას სასწაულების მოხდენა შეუძლია.
ჩვენი რწმენა ჩვენ ცხოვრებაში სასწაულებს შექმნის.
რწმენა გვეხმარება ძალთა მოკრებაში, მიზნების მიღწევაში, საკუთარ თავზე გამარჯვებაში