ციტატები, მოკლე გამონათქვამები

ღმერთის დიდების დროს ადამიანი ყველაზე მეტად განიცდის, თუ როგორ შორსაა ღმერთისგან, ამავე დროს, ღმერთი მაინც როგორ ახლოა მასთან, და ვერ პოულობს სიტყვებს. ამ დროს ღმერთის დიდება ყველაზე მეტად დუმილით აღესრულება - როგორც ამას ბასილი დიდი ამბობს.

არა ვშფოთავ, იმიტომ, რომ...

არა ვშფოთავ, იმიტომ, რომ ყველაფერს ვუყურებ, როგორც გაკვეთილს. რატომ უნდა ვიშფოთო კაცო?
რა მაქვს საშფოთველი, როცა ცხოვრებაში ვარ და გამოცდილებას ვიძენ. ან კარგ გამოცდილებას შევიძენ, ან ცუდს. ერთიც გამომადგება და მეორეც, თუ გონივრულად მოვიქცევი

არასოდეს გადადოთ სიყვარული არცერთი წუთით!
გიყვარს?
თვალებით გიყვარდეს
სიტყვით გიყვარდეს
საქმით გიყვარდეს
კოცნით გიყვარდეს
ჩახუტებით გიყვარდეს
მიტევებით გიყვარდეს
დათმობით გიყვარდეს
ყველაფრით გიყვარდეს
ესენი საქმეებია სიყვარულისა

მე ჩემ თავს გაჩუქებთ, რომელშიც თითოეული თქვენგანის სიყვარული ჩავდე.
ვიდრე არ მენახეთ, მიყვარდით, რომ გნახეთ, ორჯერ მეტად შემიყვარდით, თუ დავილაპარაკებთ, სამჯერ მეტად შემიყვარდებით
არასოდეს არავინ არ მძულს, მიყვარს და უფრო და უფრო მიყვარდება

თუ პაციენტთან დაკავშირებული გარკვეული ამბის გათქმაა საჭირო, ეს არ ხდება პაციენტის ღალატით, არამედ - მასთან შეთანხმებით, მით უმეტეს, თუ ვინმეს სიცოცხლე არის საფრთხეში. მცირეწლოვან ბავშვსაც კი ვუთანხმებთ იმდენს, რამდენის შეთანხმებაც შეიძლება.

მე მინდა, რომ თქვენ შეგიწყოთ ხელი. მე შეიძლება მაკლდეს რაღაც, მაგრამ გამოვიქცევი, რომ თქვენ შეგიწყოთ ხელი.
ვიღაცას მოვეფერები, ვიღაცას გავუღიმებ, ვიღაცას გულში ვუსურვებ კარგს.
ცხოვრებაში ვარ აი ასეთი კაცი.
თქვენი აზრით, უბედური ვარ თუ ბედნიერი?

პირველი შვილი ქმარია

ისე, რომ იცოდეთ, ჩემო ძვირფასო ქალბატონებო, ვინმე, რომ მეტყვის 5 შვილი მყავსო, ერთიც უნდა დაუმატოთ. ყველაზე დიდი ქმარია, პირველი შვილი ქმარია.

არ გეწყინოთ ამას რომ ვამბობ, მოსავლელები ვართ ჩვენი ქალებისგან, მაგრამ ხან გვივლიან და ხან არ გვივლიან.

გაუმარჯოს სიძნელეებს!

ნათქვამია - "გაუმარჯოს სიძნელეებს, იმით ვიზრდებითო". როცა სიძნელე აღარ აქვს ადამიანს არაფერში, მაშინ ჩიავდება, იჩაგრება. ძალებს აღარ იკრებს, ისედაც მიდის და რაღად უნდა გადახტომა? მაგრამ, როდესაც დახვდება ქვა და ღორღი, იქ უკვე წინდახედული უნდა იყო

ეგზისტენციალური მარტოობა

არსებობს გარკვეული მარტოსულობა, ეგზისტენციალური მარტოობა - მარტო ხარ, მარტო იბადები, მარტო გარდაიცვლები, მარტო ხარ, როცა ავად ხარ, მარტო ხარ, როდესაც პასუხი უნდა აგო,.. თუმცა მხარდამჭერები, ოჯახის და ახლობლების სახით ადამიანს ყოველთვის სჭირდება

85 წელი ბევრია?

- 85 წელი ბევრია?
- გააჩნია ვისთვის. ზოგისთვის ალბათ კიდევ ორჯერ და ხუთჯერ 90 წელია საჭირო, რომ საერთოდ, ცხოვრების აზრზე მოვიდეს. რომ გაიგოს რატომ დაიბადა, რატომ ცხოვრობს და საერთოდ, ვინ არის ამ ქვეყანაში. ზოგი კი, დაბადებისთანავე ხვდება ამ ყველაფერს

რას უნდა ეყრდნობოდეს ერუდიცია?

ერუდიცია უნდა ეყრდნობოდეს რაღაც ისეთს, სადაც მე სპეციალისტის გვერდით მყავს კარგი ადამიანი, კარგი მოქალაქე, კარგი პატრიოტი და ა.შ. მას რაღაცა ღირებულებითი არჩევანის დადებითად გადაწყვეტის უნარი უნდა ჰქონდეს. ამას ბავშვობიდანვე უნდა ვიწყებდეთ.

დედის გულს შეუძლია ოჯახის, თავისი შვილების მომავალი განჭვრიტოს. ბრძენი ქალი ბევრი რამის დამნახველია მომავალში, და დაინახავს რა მომავალს, უკვე ახლავე საძირკველს ჩაყრის, რომ ეს მომავალი შედგეს. ვითარებებს შექმნის, რომ მომავალი არ გაექცეს ხელიდან

სტრესს რამდენად მდგრადეგი ვხვდებით

ჩვენი იდეალი ის კი არ არის, რომ რობოტებად ვიქცეთ, რომელიც აღარც ტირის, აღარც იცინის, - სულაც არა! აქ საუბარია ბალანსზე და ჯანსაღ მომნელებელ სისტემაზე, იმ ტრაუმის, სტრესის მიმართ, რომელიც მოაქვს ცხოვრებას, ანუ, რამდენად ჩვენ მას მდგრადები დავხვდებით.

ამ სიმღერას თუ იმღერებენ, შეაწყვეტინეთ

არ იმღეროთ სიმღერა - მასვი, მაჭამე, მალხინეო,.. ამ სიმღერას თუ იმღერებენ, შეაწყვეტინეთ, ან განერიდეთ. ჩვენ არ ვართ ამ ცხოვრებაში გაჩენილები იმისთვის, რომ ვჭამოთ, ვსვათ და ვილხინოთ! უნდა გავიხაროთ, მაგრამ არა - ჭამა-სმით, არამედ უფრო მეტით, ვიდრე ჭამა-სმა

ცოდვამ დაამახინჯა სათნოებები: ღირსება ამპარტავნებად აქცია, სიმტკიცე - სიჯიუტედ. სხვა რამე, როდესაც მტკიცე ხარ, და სხვა რამეა, როდესაც ჯიუტი ხარ. ხშირად, მტრობის დროს ბოროტება შთააგონებს ადამიანს, რომ ახლა ის მტკიცედ უნდა იდგეს, სინამდვილეში - ჯიუტობს.

აი ეს არის ჰუმანურობა

ჰუმანურობა ის კი არ არის - "წადი და აკეთე რაც გინდა", "თავში ქვა გიხლია",.. ეს არ არის ჰუმანურობა.
ჰუმანურობა არის ურთიერთპატივისცემა, გაგება, უფროს-უმცროსობა, დათმობა, მიღება და რა თქმა უნდა - რწმენა. აი ეს არის მთელი ჰუმანიზმის აზრი.
ასწავლე ეს შენ შვილებს

გარშემომყოფების უარყოფა საწინააღმდეგო პოზიციის გამო

მეგობართან დავიწყება იმ სივრცის, რაც გაკავშირებდა მასთან (ლამაზი, ნათელი, ერთად შეხუმრებული მომენტები), და მხოლოდ იმის გამო, რომ რაღაც საკითხზე შენ აზრზე არ არის, ამის გამო რომ ეუხეშო, გადათელო, გადაუარო მეგობარს - ეს ყველაფერი ხომ არღვევს ადამიანობას.

ცუდი გამოცდილება - დიდი წარმატების საუკეთესო საწინდარი

ვინც კი რაღაცას მიაღწია, დიდმა ნაწილმა. ვინც კი რაღაცა ახალი შექმნა, ვინც კი რაღაცა პარადიგმა შეცვალა, თითქმოს ყველას რაღაც ისეთი აქვს გამოცდილი, რამაც ეს განაპირობა.

ეს შეიძლება იყოს, დალხენილ ცხოვრებაშიც კი, ცუდი გამოცდილება, რამაც რაღაცა გასწავლა.

ღმერთის განსაკუთრებული შემწეობა ბიბლიურ ომებში

როდესაც ბიბლიურ კონფლიქტებს განვიხილავთ, ღმერთის განსაკუთრებული შემწეობა ჩნდება თავში და არა ყოველ ფეხის ნაბიჯზე. თუ ყოველ ფეხის ნაბიჯზე გამოჩნდება, თავში გამოჩენის ფუნქცია დაკარგული ექნება. ის ერთჯერადი უნდა იყოს და უნდა მიყვებოდეს მთელ პროცესს.

დავიწყებული სასაფლაო | არ უნდა დაივიწყო საკუთარი მშობელი

ერთი მოვიდა, 50 წელია დედაჩემი დაიღუპა და სასაფლაოს ვერ ვაგნებო. რამდენი წელია არ მოსულხარ მეთქი და ერთი 30 წელია არ მოვსულვარ დედაჩემის საფლავზეო. ეს არის დიდი ტკივილი, როცა დედას ივიწყებ, არ უნდა დაივიწყო საკუთარი მშობელი. დღემდე ვერ უპოვია ის სასაფლაო.

გიყვარდეთ ერთმანეთი, როგორც მე შეგიყვარეთ თქვენო - ქრისტეს აქვს ნათქვამი.
მშობლებსაც შეგვიძლია შვილებს ვუთხრათ - გიყვარდეთ შვილებო ერთმანეთი, როგორც მე, დედას/მამას უყვარხართ თქვენ, ასე გიყვარდეთ ერთმანეთი. და ამავე დროს ვუჩვენებ, როგორ მიყვარს ისინი

ჭიდაობა საკუთარ თავთან

"მე ჩემებურად ვფიქრობ, მაგრამ შეიძლება ღვთიური სიბრძნე სხვა იყოს" - ეს ჭიდაობა საკუთარ თავთან და ამის გამო მოსმენა და აწონდაწონვა სხვისი აზრისაც არის ამოცანა ადამიანის, თუ არადა წამოვეგებით რაღაცას და შეიძლება ბოროტების უნებლიე მსახურებაშიც ჩავდგეთ.

რაც ადვილია გასაკეთებლად, უფრო ადვილია არგასაკეთებლად

მე ვფიქრობ, ჩვენი მოლოდინები რომ გადავქციოთ დაფასებად სულაც არ არის ძნელი და პირიქით, იმიტომ არ ვაკეთებთ, რომ ადვილია, რაც ადვილია გასაკეთებლად, უფრო ადვილია არგასაკეთებლად და ამიტომ უფრო ადვილ გზას ვირჩევთ. ადვილია, მაგრამ უფრო ადვილია რომ არ გააკეთო.

სიყვარული სიყვარულით აღიზრდება. სიყვარული არ აღიზრდება სიძულვილით. ქართველ ხალხს უთქვამს - "შვილი მტრად გაზარდე, მოყვრად გამოგადგებაო" - არ გამოგადგება მოყვრად, მტრად გაზრდილი შვილი. მტრად გაზრდილი მტერი გაგიხდება, მოყვრად გაზრდილი - მოყვრად გაგიხდება