ციტატები, მოკლე გამონათქვამები

ემტერებით ვინმეს?

არავის არ ვმტრობ. როგორც კი ვინმეს მიმართ მტრობის აზრს გავივლებ გონებაში, შინაგანად ვმცირდები, ვპატარავდები. ასეთი რამ რომ დავუშვა, ვეღარ ვიარტისტებ, გამიჭირდება ხალხის წინაშე გამოსვლა

ფილოსოფიისთვის ღმერთი ჭეშმარიტება!

მორწმუნე ადამიანისთვის რასაც ნიშნავს ღმერთი, მეცნიერისთვის ეს არის - კანონზომიერება, ფილოსოფიისთვის - ჭეშმარიტება, ხელოვნებისთვის - მშვენიერება და ფსიქოლოგიაში ეს არის - თვითგამოხატვა.

არ ეღალატება ჭეშმარიტებას!

მიჰყევი გზას. გზის სიმბოლოდ მიიჩნიე ქრისტე, მისი ცხოვრების მაგალითები. ქრისტე ცხოვრების პრაქტიკაა. ჩვენი წილი ცხოვრებით რა უნდა გავაკეთოთ? საით უნდა წავიდეთ? - არ ეღალატება ჭეშმარიტებას!

ადამიანმა არ იცის ის გზა, რომელ გზაზეც უნდა იაროს, რომ მივიდეს ღმერთამდე. ღმერთისგან არის გაცხადებული მისთვის. გაცხადებული რომ არ იყოს, არ ეცოდინებოდა. იცის იმდენად, რამდენადაც განეცხადა.

რასაც ოფიციოზი გაწვდის, იმას უნდა დაუსვა შეკითხვა და პირდაპირ არ უნდა მიიღო. სტრიქონებს შორის უნდა იკითხო - მოდი ჩვენ თვითონ ვიაზროვნოთ, რაღაც რომ არ ჩაგვახუტონ ისეთი, რაც არ არის სიმართლე.

უნდა გახდე ბავშვი, რომ მისი ნდობა მოიპოვო, და მერე უფრო მოგისმენს. მერე სამშობლოზეც დაელაპარაკები, ღმერთზეც დაელაპარაკები... ანუ ის უკვე თავისიანად, მეგობრად ჩაგთვლის და ადვილად მოგისმენს.

როცა სახლიდან წივილ-კივილი გადის

ხმას არ აუმაღლოთ, თქვენი სახლიდან წივილ-კივილი არ უნდა გავიდეს გარეთ. მეზობელი არ უნდა კითხულობდეს, - რა ხდება იმ სახლშიო. თქვენ სახლში მეზობლები არ უნდა მორბოდნენ საშველად, დასაწყნარებლად.

ეს აბსოლუტურად ყველა რეცენზიას სჯობია

ტაშით რომ მიგიღებენ სცენაზე და ტაშით გაგაცილებენ, ეს აბსოლუტურად ყველა რეცენზიასა და ჯილდოს ჯობია. ხალხია, ვისთვისაც ვართ ჩვენ. რა ხარისხში აკეთებ შენს საქმეს, დარბაზი არის განმსაზღვრელი.

მოდი რა, ნებისმიერ ბიუჯეტში შენი და სხვისი ცხოვრება გახადე ლამაზი.
შენსას თუ ვერ ხდი, სხვისი მაინც გახადე. რაღაცა გააკეთე, რაღაცა შექმენი,.. როცა გაიხსენებ, გაიფიქრო, რომ ტყუილად არ გიცხოვრია

ყველასგან შეგვიძლია რაღაც ვისწავლოთ

ყველა ადამიანმა, უკლებლივ ყველა ადამიანმა, რაც არ უნდა წარმოუდგენლად გვეჩვენოს ეს თავიდან, იცის რაღაც ისეთი, რაც არ ვიცით ჩვენ. შესაბამისად, ყველასგან, ყველასგან შეგვიძლია რაღაც ვისწავლოთ.

მაგინებლებს ყოველივე სიკეთე ვუსურვოთ

მაგინებლები და მაჭირვებლები უნდა დავლოცოთ და ყოველივე სიკეთე ვუსურვოთ. არ შეიძლება, მე ღმერთთან მქონდეს ურთიერთობა და ამავე დროს ვიღაცის შეცდომილობა და მძიმე მდგომარეობა არ მადარდებდეს.

ერთგულება არის სულის თვისება.
როგორც სახეს, გარეგნობას ვიწესრიგებთ და ვილამაზებთ ხოლმე, ასევე შეგვიძლია სულის ეს თვისება - ერთგულება ჩამოვქნათ, ჩამოვალამაზოთ, ერთგულები გავხდეთ ყველაფრისა

გამოცდილება ისეთი რამ არის, წლები უნდა მის დაგროვებას. და თუ გამოცდილების გათვალისწინებით მიიღებ გადაწყვეტილებებს, შეცდომებს უფრო ნაკლებად გაიმეორებ, იმის მიხედვით, თუ როგორია გამოცდილება

დაეხმარეთ ერთმანეთს მარტოობაში.
ვინც მარტოობას გრძნობს თქვენ შორის, იპოვოს ასეთივე მარტოობაში მყოფი და მას შეუქმნას გარემო, რომ მარტო აღარ იყოს. მაშინ, თქვენც დაგავიწყდებათ თქვენი მარტოობა

ოჯახი რომ იშლება, ეს ნანგრევებია, რომლის ქვეშაც ბავშვი უნდა მოჰყვეს.
როცა სახლი ფიზიკურად ინგრევა, ეს ტკივილი უფრო ნაკლებია, ვიდრე ის ტკივილი, რასაც ბავშვი მშობლების კონფლიქტის დროს განიცდის

რას გვასწავლის ლიტერატურა?

ლიტერატურა გვასწავლის იმ დაკეტილი ოთახების გახსნას, რომელიც მხოლოდ სხვისთვის კი არ გადავრაზეთ, არამედ საკუთარ თავსაც გადავუმალეთ თავისი გასაღებიანად. გვასწავლის იმას, რაზეც ჩვენ ვდუმვართ.

თუ ჩვენი ბედნიერება ვეძებეთ გარეთ

ჩვენ, თუ ჩვენი სიხარული, ჩვენი ბედნიერება, ჩვენი მოქმედების იმპულსები ვეძებეთ გარეთ, მაშინ ყოველთვის პრობლემა გვექნება. ეს ემართებათ იმ ადამიანებს, რომლებსაც აქვთ არასტაბილური თვითშეფასება.

უფალიც კი არ ერევა შენს თავისუფალ არჩევანში

იმდენად დიდი წყალობაა თავისუფლება და თავისუფალი არჩევანი, უფალიც კი არ ერევა შენს თავისუფალ არჩევანში. სრულიად თავისუფალი ხარ შენს არჩევანში. ამაზე დიდი ბედნიერება რა უნდა ჰქონდეს ადამიანს?

მეტყველებას გჩუქნის ბუნება - ეს სასწაულია

მეტყველებას გჩუქნის ბუნება, - საკმარისია მოხვდე სამეტყველო გარემოში და პროგრამა, რომელიც შენს ცნობიერებაშია, ამოიქოქება და ენას 5 წლის ასაკამდე პრაქტიკულად უშეცდომოდ გასწავლის. ეს სასწაულია.

ჩვენს რწმენაში ბედნიერებაა ჩაქსოვილი.
რაც უფრო ღრმად გწამს, მით უფრო ბედნიერებას მიაღწევ, მით უფრო გამარჯვებული იქნები ცხოვრებაში.
რაც ნაკლებად გწამს, ბევრი ფეხწამოსაკრავი ქვა დაგხვდება წინ

სული სხეულის ბატონია. სხეული სულის ინსტრუმენტია, იარაღია. აქ, სემინარზე რომ მოსულიყავით - ფეხები გინდოდათ, ტანისამოსი რომ ჩაგეცვათ - ხელები გინდოდათ,.. ამას სხეული აკეთებს, ვისი ბრძანებით? - სულის!

ეკლესია არის ურთიერთობა ღმერთში. ეს არ არის მარტივი ურთიერთობა. ეს არ არის ურთიერთობა, რომელსაც ადამიანი ადამიანთან შეხვედრისას დაამყარებს. ეს არის ურთიერთობა, რომელიც სულიწმინდაში მყარდება.

შვილის სული ვერ აღიზრდება მუქარით, გაღიზიანებით

დედავ! ისმინე ქართვლის ვედრება:
ისე აღზარდე შენ შვილის სული,
რომ წინ წარუძღვეს ჭეშმარიტება,
უკან ჰრჩეს კვალი განათლებული.
-----
ვერ აღზრდით შვილის სულს გაღიზიანებით, ჯიჯღინით, ჩხუბით, დამუქრებით...

სიყვარულს შეუძლია ბედნიერება დაგვიმკვიდროს

სიყვარულს შეუძლია ჰორიზონტს იქით ბედნიერება დღეს დაგვიმკვიდროს.
მიხვედი ცათა სასუფეველში, მიიტანე სიყვარული, როგორც ნათელი, და ამ სიყვარულმა თვითონ დაგაყენა იმ ადგილას, რაც შენ აქ დაიმსახურე.