ციტატები, მოკლე გამონათქვამები

ქალის განსაკუთრებულობა ბიბლიაში

თამამად შემიძლია გითხრათ, რომ ბიბლიაში ვერ გადამიშლით ვერცერთ ეპიზოდს, სადაც ქალის განსაკუთრებულება არ იყოს ხაზგასმული ან კონტექსტუალურად ან პირდაპირ საუბრისად და არ იყოს საუბარი იმაზე, რომ ქალი არის რაღაცა ის საოცრება, რომელიც საიდუმლოს ინახავს და ეს საიდუმლო ძალიან სათუთია, ეს სხვა საიდუმლოა, ეს არ არის საიდუმლო, რომელიც შეიძლება, სიტყვაზე ვთქვათ, ვიღაცამ იცოდეს და თაობიდან თაობას ჩუმად გადასცეს, ეს ნაციონალური მნიშნელობის არის, რაღაცა ძალიან დიდი.

ჩვენ გარდამქმნელი აზროვნება გვაქვს

ჩვენ მოაზროვნე არსებანი ვართ. ცხოველთა სამყაროშიც არის აზრი, მაგრამ გარდამქმნელი აზრი არ არის მათში. ჩვენ გარდამქმნელი აზროვნება გვაქვს. ძაღლი თავის ლეკვებს წიგნს ვერ დაუწერს, ვერ დაარიგებს, თავის გამოცდილებას ვერ გადასცემს. ასწავლის იმას, რაც მათში ბუნებითაა ჩადებული და იქ გაჩერდება. ხოლო ჩვენ ვიზრდებით წინა თაობების ცოდნაზე და გამოცდილებაზე. ასევე, მომავალ თაობასაც დავუტოვებთ ჩვენ ცოდნასა და გამოცდილებას, ნაკლებად რომ იწვალონ და მეტად დაწინაურდნენ

ამოიტანე 3 რძე

პროგრამისტებზე რომ არის, ალბათ გსმენიათ, დედა რომ ეუბნება პროგრამისტს, ჩადი სუპერმარკეტში და ამოიტანე რძე, სამი. თუ კვერცხიც ჰქონდათ, ამოიტანე ექვსი. მოდის პროგრამისტი და მოაქვს 6 რძე. რატო 6 რძე? - კვერცხიც ჰქონდათ.

ანუბპირდაპირი გაგებით… ხო გვყავს ეგეთი თანამშრომლები, ხო ვიცით ეგეთი ხალხი? სხვის ენაზე ლაპარაკს მაგაში ვგულისხმობ.

ამისთვის კარგი სათვალე არის ხოლმე მასლოს იერარქია. ანუ სად არის ტიპი მასლოს იერარქიაში? ხომ აქ ჯობია რომ მის ენაზე ველაპარაკოთ?

თავად სიკეთის აქტით უნდა იყო კმაყოფილი

შოთა რუსთაველი, რომელიც აბსოლუტური კატეგორიის გენიაა, გვეუბნება - "რასაცა გასცემ შენია, რაც არა - დაკარგულია". ამით რუსთაველი ამბობს, რომ თვითონ სიკეთის კეთების აქტი არის შენი. სიკეთეს რომ გააკეთებ, უნდა ახვიდე იმ სიმაღლემდე, რომ არაფერი მოლოდინი არ გქონდეს ამ სიკეთისგან. ვისაც სიკეთე გაუკეთე, ის როგორ მოიქცევა, სიკეთით დაგიბრუნებს თუ პირიქით, შენთვის უმნიშვნელო უნდა იყოს. შენ უნდა ივარჯიშო იმაში, რომ სიკეთეს როცა აკეთებ, თავად ამ სიკეთის აქტით იყო კმაყოფილი.

არჩევანი სიკვდილსა და სიცოცხლეს შორის!

როდესაც არჩევანზეა საუბარი, არჩევანი ყოველთვის არის სიკვდილსა და სიცოცხლეს შორის. სიკვდილი, როგორც ერთი მოცემულობა, ხოლო სიცოცხლე - ღირებულებათა სისტემა. აი ამ ღირებულებათა სისტემას თუ ვახორციელებ, რა ფიზიკური ტანჯვაც არ უნდა მივიღო, მასში მაინც ბედნიერებას ვპოვებ. ასეთი ცხოვრება ჰქონდათ მაგალითად ჟანა დარკს, ქეთევან დედოფალს, ასეთია ღვაწლი წმინდანებისა, საზოგადო მოღვაწეებისა. რა იყო ილია ჭავჭავაძის, ექვთიმე თაყაიშვილის ფენომენი? - სიცოცხლის არჩევანი!

ეგეთი ადამიანები არ უნდა გაუშვა ცხოვრებიდან

თუ გვერდში ისეთი ადამიანები გყავს, რომლებიც შენთან ერთად ვითარდებიან, ეგეთი ადამიანები არასდროს არ უნდა დატოვო გვერდზე. თუ ისეთი ადამიანები გყავს გვერდში, რომლებთანაც შენ ვითარდები და ეგენი ჩერდებიან, მაშინ რა თქმა უნდა შენი გზა უნდა მოძებნო. ეს ნორმალური არის, შენ თუ პროფესიონალად გინდა განვითარება, ეგ უნდა გააკეთო კიდეც. მაგრამ გვერძე ისეთი ადამიანები თუ გყავს, რომლებიც გულით გიდგანან და ყველგან მოგყვებიან, ეგეთი ადამიანები არ უნდა გაუშვა ცხოვრებიდან.

დედებს მინდა ვუთხრა ეს!

დედები ხშირად ტყუილებში აცხოვრებენ საკუთარ შვილებს ასოციალური ქცევით, იმისათვის, რომ თავიდან მოიშორონ პრობლემები. პრობლემებს ვერავინ ვერ მოიშორებს. ვერსად ვერ გავეცქევით პრობლემებს. ასეთ დროს ბავშვებში ხშირად ადგილი აქვს ფსიქოლოგიურ ტრავმებს. ამიტომ, მივმართავ განსაკუთრებით დედებს - სიძულვილში ნუ აცხოვრებთ საკუთარ შვილებს. ტყუილი სიძულვილია რეალობისა, სიმართლისა, ჭეშმარიტებისა. რელიგიურად, ტყუილი სიძულვილია ღმერთისა. ფსიქოლოგიურად - საკუთარი თავის.

როდის იბადება გამზადებული პასუხები?

ერთობას ყოველთვის ქმნის ღირებულებათა საერთოობა და მათი გაცნობიერება. იმიტომ, რომ შენ თუ სხვადასხვა ღირებულება გაქ, შენ თუ მოვლენებს აპრიორი სხვადასხვაგვარი კუთხიდან აღიქვამ, უყურებ, მაშინ იბადება გამზადებული პასუხები.

მე სანამ კითხვას დამისვამენ თუ მანამდე ეს პასუხი ვიცი, წინასწარ განზრახვით თუ ვიცი და წინასწარი განწყობით თუ ვიცი, რომ თუ შენ ამბობ ეს ტყუილია და თუ მე ვამბობ ეს მართალია, მაშინ ასეთი საქმიდან არაფერი გამოვა, მაშინ საზოგადოება ვერ შეიქმნება.

ისედაც გვაკლია ცოდნა ...

ჩვენთვის, ქართველებისთვის უბედურება იქნებოდა თუ მთელი ჩვენი ინტელიგენცია და სტუდენტობა გადავარდებოდა პოლიტიკაში, მიანებებდა თავს საკუთარ პროფესიულ საქმეს, ეს იქნებოდა მართლა უბედურება საქართველოსთვის. ჩვენ ისედაც გვაკლია კომპეტენტურობა, ცოდნა , განათლება და თუ ახლა ყველა გადავარდით პოლიტიკაში არაფერ კარგს არ მოიტანს ჩვენთვის. პოლიტიკაში ხელების და მუშტების ქნევით, ჩვენ გადავლახავთ აღელვებულ გზას და აღმოვჩნდებით ნაპირზე შიშველი, მშიერნი და უმეცარნი.

როდის რა წიგნის წაკითხვა ვურჩიოთ ბავშვს?

- უნდა არსებობდეს თუ არა კომპეტენტურ ადამიანთა ჯგუფი ან ცენტრი, რომელსაც მივაკითხავ და მომცემს რჩევას?
- რეალურად, ასეთი უნდა იყოს მასწავლებელი. მას ამ თვალსაზრისით ძალიან დიდი ფუნქცია აქვს. მასწავლებელი ქმნის კოლექტიურ ველს, მოსწავლეებს ესაუბრება, კარგი გაგებით კონკურენციაში შეჰყავს ერთმანეთთან, ხოლო შეჯიბრებითობა ბადებს საჭიროებას, რომ ბავშვებმა თავიანთი ცოდნა გამოავლინონ. ბევრი მეთოდი არსებობს, რომლითაც მასწავლებელს შეუძლია ამ პრობლემას გაუმკლავდეს.

ვისი შედგენილია ჟამის წირვა - პირველი ღვთისმსახურება?

პირველი ღვთისმსახურება (ჟამის წირვა) უფლის ხორციელი ძმის - იაკობის მიერ არის შედგენილი. უკითხავთ ჩემთვის - როგორ შეიძლება ტრანსფორმაციას, ევოლუციას არ განიცდიდეს რაიმე, შეიძლება, რომ 20 საუკუნის წინ რაც იყო, ის იყოს დღესაც? - პასუხი მარტივია, ღირებულებები არ იცვლება დროსა და სივრცეში. უფლის ხორციელი ძმის მიერ დაწერილი ეს მსახურება, რომელზეც ჩვენ ვდგავართ, თითქოს ეს არის ის მოედანი, სივრცე, ფუნდამენტი და სახურავი, რომელიც უსაფრთხოების განცდას გვიჩენს ამ სამყაროში.

სიდედრი გიყვარს?

სიდედრი გვიყვარდეს.

გიყვარს სიდედრი? უნდა გიყვარდეს, ანეკდოტებიც კი არ უნდა ვთქვათ სიდედრზე, იმიტომ, რომ დედაა ჩვენი.

დედამთილი გიყვარს? - გიყვარს. როგორც დედა უნდა გიყვარდეს. მაშინ ქმართანაც მეტი თანხმობა გექნება. ეს არის იეროგლიფების წერა, ეს არის ალმასის ბრილიანტად გახდომა.

აი ის უხიაკი მეზობელი რომ გყავს, მეც ესეთი უხიაკი გავუხდე? იმან თუ ცუდი მიკეთა, ცუდი გავუკეთო? აკეთოს იმან თავისი ცუდი თუ ასე უნდა, მარა მე ამითი არ ვუპასუხებ, იმიტომ რომ მაღლა მინდა ავიდე.

ქალი, რომელიც თავს არ უვლის

როდესაც ქალს უჩნდება იმის განცდა, რომ მას ყველაფერი ხელში უჭირავს და აკონტროლებს, და საკუთარ თავს არ უვლის... არსებობს ქალთა ტიპოლოგია, მაგალითად ქალი - კრუხი, რომელიც ბავშვებს რომ გააჩენს, ჩათვლის რომ მისია ამოწურა, აღარაფერი უნდა მეტი, უნდა ბავშვები გაზარდოს მარტო, აღარც თავს უვლის, აღარც გარეგნობას, აღარც ჰიგიენას და ასე შემდეგ და კიდევ შეიძლება ამადლიდეს თავის ქმარს, რომ - ,,ქალი ესეთი უნდა იყოს,“ და ამ როლში შესული ეს ადამიანი შეიძლება გახდეს პრობლემა მეორესთვის.

საქმისადმი სიყვარული

მიმდინარე არის ხუთშაბათის და კვირის ჯგუფი და აი მოუთმენლად რომ ელოდები, დღეებს რომ ითვლი, როგორც ფეხბურთი რომ არის და ელოდები, რომ ხვალ იქნება სასიამოვნო ვნებათაღელვა.

- რა უცნაურია, მესმის, რომ შენი საქმე შეიძლება გიყვარდეს, მაგრამ, საქმე, რომ სიხარულად გეთვლება.?

ჩემი აზრით, საქმე, რომ გიყვარს მანდ ორნაირი შეიძლება იყოს საქმის სიყვარული. ერთი, რაღაც არსებულ საქმეს რომ შეუერთდი და შეგიყვარდა, ან შეუერთდი იმიტომ, რომ შეგიყვარდა. და მეორე, საქმე, რომელიც შენ აიკვიატე.

აი რას მოგიტანს დღის პატივისცემა

სიცოცხლე ქმნაა.
სიცოცხლე წინსვლაა.
რაც არ უნდა შეგემთხვას, ცუდი თუ კარგი, ეს ყველაფერი საფეხურია. ამიტომ, განიცადე როგორც საფეხური. ზოგ საფეხურზე ძნელად აფორთხდები, ზოგზე ფეხიც დაგიცდება, მაგრამ მაინც უნდა აფორთხდე. ზოგზე თავისუფლად აიქროლებ და ახვალ მაღლა.
თუ ასე შეხედავ ცხოვრებას, მაშინ შეგიყვარდება ეს ცხოვრებაც, იმიტომ, რომ მეტს მოგიტანს. მეტ სიხარულს, წარმატებას, ბედნიერებას, სახელს განგიდიდებს, რომელსაც მერე შვილებს დაუტოვებ...
აი რას მოგიტანს დღის პატივისცემა!

ლაშა-გიორგი ცალთვალა იყო

ლაშა-გიორგი ადამიანი იყო… ქართულში დამკვიდრდა გარინდება, იმიტომ, რომ რინდი იყო დებოშირი, მოქეიფე, ოღონდ მეამბოხე მუსლიმი, რომელიც რაღაცა წესებეზე უარს ამბობდა და ამათთან უნდოდა შეხვედრა, ხვდებოდა და ერთ-ერთი ჩხუბის დროს თვალი ამოთხარეს,..

ლაშა-გიორგი ცალთვალა იყო. აი ეს ხომ არავინ არ იცის?! მე მგონია, რომ ეს არ არის წვრილმანი, მე მგონია, რომ ესეთი ნიშნებისგან, რომ გააცოცხლებ ამ პერსონაჟს, არასოდეს დაავიწყდებათ, აღიქვამს და რაღაც ემოციური კავშირი ექნება ამასთან და არა სქემა.

სიყრუე განსხვავებული აზრის მიმართ

სიყრუე - განსხვავებული აზრის მიმართ ადამიანს იმიტომ აქვს, და იმიტომ არ ინტერესდება ხოლმე საწინააღმდეგო აზრით, რომ ეს განსხვავებული აზრი მას უხერხულ ძიებაზე გაუშვებს. და უხერხულ ძიებაზე გაშვება ნიშნავს, რომ მას შეიძლება მოუწიოს უარის თქმა იმაზე, რაშიც დიდი ენერგია და რესურსი უკვე ჩადო. მაგალითად, ვებრძვი რაღაცას... სწორად ვებრძვი, თუ არა? ამ შეკითხვის დასმის მეშინია საკუთარი თავის მიმართ, რადგანაც უკვე ვებრძვი. ამიტომ, განხილვის მეშინია. წყნარი, დალაგებული განხილვის მეშინია.

გაფლანგული 10-ე, 11-ე, 12-ე კლასები

ჩვენ შევკარით მასწავლებლები რით? - იმით, რომ მოამზადონ ბავშვები სახელმწიფო გამოცდების ჩასაბარებლად. იგივეთი შევზღუდეთ მშობლის აზროვნება და ცნობიერება.
10-ე, 11-ე, 12-ე კლასებში მთელი ყურადღება გამოცდების კარგად ჩაბარებაზეა გადართული. ეს წლები კი ისეთი დროა, როცა ბავშვის სულიერი მსოფლმხედველობა ყალიბდება.
ჩვენ კი ეს დრო მოვახმარეთ არა სულიერ მსოფლმხედველობას, არამედ, რომ მოიცილოს რაღაცა გამოცდები, თანაც ისეთი გამოცდები, რომლებიც არ აინტერესებს არ უნდა, იძულებით აკეთებს ამას.

მთლიანობის მიღწევა

მთლიანობის მისაღწევად, ადამიანმა აუცილებლად თავისი შავ-ბნელი მხარეც უნდა აღიაროს. აღიაროს, რომ მასში არის ცხოველური ნაწილიც, ყველაფრის გამკეთებელი ნაწილი, რაც მას შესძენს თავმდაბლობას. იმიტომ, რომ არ ექნება ეს განდიდების მანია.

სადაც განდიდებაა, იქ ფსიქოანალიზი ეძახის ამას ეგოს, მეს ინფლაციას. ინფლაცია ეს არის, როცა ბევრი ფული გაქვს და ვერაფერს ყიდულობ. მე მახსოვს ხელფასი, რომ დაგვირიგეს, მილიონი კუპონი ავიღე და ერთი ბოთლი ბორჯომი ღირდა მილიონი კუპონი, თუ ნახევარი მილიონი.

ასეთი ტელევიზია მინდა გვქონდეს...

მინდა ტელევიზია ჰგავდეს ჩემ შვილიშვილს, რომელსაც დღეს შეუსრულდა 30 დღე. მისნაირი სუფთა, გამჭვირვალე, ნაღდი მინდა იყოს. მიხაილ ასოკინს არ მინდა ჰგავდეს ჩვენი ტელევიზია, რომელსაც ასე სიამოვნებს ცუდის ლაპარაკი.
ტელევიზიიდან სიკეთე უნდა მოედინებოდეს. როდესაც კაცი სპექტაკლს დადგამს და კრიტიკოსი მას შეაფასებს, ეს კაცი მიხვდება, კრიტიკოსი მას სიყვარულით აძლევს შენიშვნას, თუ - ბოღმით და სიძულვილით. თუ სიყვარული გადმოდინდება ჩვენი ტელევიზიიდან, მაშინ რაღაც შეიძლება გაიგოს ხალხმა

ქართველი ჩემთვის...

ქართველი ჩემთვის ბრჭყალებში - კარგი ტიპია. ყველანაირად, თავისი გემოვნებით, თავისი დახვეწილობით, სიმღერით, ფოლკლორით, ცეკვით. ყველანაირად. რომც არ ვიყო ქართველი, მაინც მომეწონებოდა.

არა მხოლოდ მე მომეწონებოდა, ჩემი მეგობრები მოროკოდან მაგალითად, აფრიკის ქვეყნებიდან, მალიდან .... რომ ნახავენ მერე მირეკავენ და მეუბნებიან: იცი ქართველებთან და ჩვენთან ძალიან ბევრ იდენტურ რაღაცეებს ვპოულობთ და კარგი ტიპები ხართ ხო იცი.

ასეა, მართლა გამორჩეული ხალხი ვართ, ობიექტურად ვამბობ ამას.

ბავშვი ჩვენი გამოცდაა

შვილები მარტო იმიტომ კი არ მოდიან, რომ გავზარდოთ, ისინი ჩვენი გამოცდები არიან. შეგიძლია ჩააბარო 100 ბალიანი შეფასებით კაცობის გამოცდა? - აი შვილი მოგივიდა, რომელმაც ცუდი რაღაც ჩაიდინა. ეგ შენი გამოცდაა. აბა ჩააბარე გამოცდა. ან ლაწა უნდა გაადინო, ან ის სიბრძნე უნდა მონახო და ამ ბავშვს ჩააგონო, რომელიც მას იმ მომენტისთვის სჭირდება.
რასაც ჩვენ ბავშვების აღზრდით გავდივართ, ეს ძალიან ძნელი გამოცდებია და ამიტომ გვინდა სრულვყოთ საკუთარი თავი, რომ ბავშვს ჩავაბაროთ გამოცდები წარმატებით

ტკივილი იმისთვისაა, რომ რაღაცას მიხვდე

ტკივილი იმისთვის არ არსებობს რომ შენ იტანჯო, ტკივილი არის დაზიანებული ორგანოს ძახილი. აი გეტკინა ნაღვლის ბუშტი, იმიტომ კი არა რომ გაგამწაროს, იმიტომ, რომ დაჯდე დიეტაზე, ნორმალურად იკვებო და თუ საჭიროა ამოიჭრა ბოლოს და ბოლოს.

ტკივილი ემსახურება იმას, რომ შენ რაღაცას მიხვდე. თუ შენ შენი თავი ტკივილთან გააიგივე, ესეიგი ეს რაღაც გარკვეული პრობლემა არის შენთვის გადაუჭრელი პრობლემა და ტკივილი ნიშნავს, რომ მთელი ცხოვრება პრობლემაა. ესეიგი ეს პრობლემები დამთავრდება, როცა მოკვდები.

რა გვჭირდება? - სიმშვიდე!
სიმშვიდეში აზრი მუშაობს.
სიმშვიდეში სიბრძნე მოგივა.
სიმშვიდეში მეტს დააკვირდები. ადამიანს მეტს გაუგებ, თვალებში ჩახედავ. ბევრი რამ მოხდება სიმშვიდეში.
გაღიზიანებაში ყველაფერი ეს - გარბის. რომელი ადამიანია ბრძენი, როდესაც რისხვაშია გადასული? - უგუნური ხდება. განრისხებული ადამიანი უგუნური ხდება. ამიტომ ხდება უბედური შემთხვევები, ჩხუბები, მკვლელობები,.. აბა დამშვიდდნენ, გაიცინებენ, - ეს რა გვემართებაო. რა გვინდა ერთმანეთისგან? უნდა გვიყვარდეს ერთმანეთი!